Recension: Teoria më e tmerrshme: Аeroplani është vjedhur që të shkaktohet Lufta e Tretë Botërore
Published in Recensione
on 24 - 03 - 2014 Author: Владимир МирческиPas publikimit të këtij teksti në emisionin kroat “Na rubu znanosti” ai fiton një lloj “konkurrence” në versionin maqedonas që do të mund të quhej “Na rubu gluposti” (“Në kufi të budallallëkut”). Si të quhet ndryshe rubrika ose “show”-i i medies që e transmetoi artikullin për atë se “çka me të vërtetë fshehet pas zhdukjes së aeroplanit malezian me udhëtarë”, tekst ky i cili është përplot me, më së paku që mund të thuhet, budallallëqe në katror.
Në kohën e sotme digjitale, çdokush mund të publikojë gjithçka, por shtrohet pyetja se si ka mundur të transmetohet një tekst i këtillë, veçanërisht duke e pasur parasysh “background”-in e njeriut që është nënshkruar si autor i tekstit. Në tekst kemi gjithçka, thjesht gjithçka: mister, konspiracion, fuqi të fshehta, armë nukleare, armë konvencionale, Luftë e Tretë Botërore, plan i paparë, “truri” i panjohur i operacionit, 20 shkencëtarë gjenialë, “politikë demografike” për zvogëlimin e mbipopullimit… Mungojnë edhe MI-6, CIA, FSB-ja, MOSAD-i, ndoshta edhe KGB-ja, e pse jo edhe DZK-ja dhe ja, skenar për Xhems Bondin e ri. Vetëm se kjo nuk është Hollywood ose “Pinewodd Studios”, por realitet, e poashtu nuk është në rregull që “filmat e dikujt” të plasohen si informata ditore, duke e pasur parasysh se me gjasë bëhet fjalë për tragjedi të madhe ajrore.
Linku deri te artikulli origjinal: Teoria më e tmerrshme: Аeroplani është vjedhur që të shkaktohet Lufta e Tretë Botërore
Data dhe koha e publikimit: 14.03.2014, 11:56
Data e recensionit: 19.03.2014
Recensues: Vlladimir Mirçeski
MISTERI KA, POR ÇKA ËSHTË SHUMË, SHUMË ËSHTË
Pajtohem se periudha e gjatë e kërkimit hap mundësi për një sërë spekulimesh për atë se ku gjendet dhe çka ka ndodhur me fluturimin MH-370, por megjithatë, kjo që është shkruar, gjegjësisht që është transmetuar është e tepruar. Të thuhet se aeroplani është vjedhur, se gjendet në një vend të sigurt ku pret që të “maskohet” në ngjyra të një aviokompanie tjetër, dhe më pas do të fluturojë i armatosur me “projektime nukleare të përgatitura në mënyrë të re”, do të marrë identitetin e fluturimit të vërtetë civil, do të fshihet pas atij aeroplani, do ta shkatërrojë atë aeroplan dhe do të dërgohet në ndonjë qytet të mbipopulluar ku do të rrëzohet, e me këtë do të fillojë Lufta botërore!!!!!???? Uf, e ku janë argumentet për këtë “film”? Askund. Gjithçka bazohet në shkrimet e njëfarë Hal Turner,, të cilat ai i publikon në ueb-faqen e tij problematike dhe në “Radio Turner“. Sa për sqarim, bëhet fjalë për një njeri të njohur me qëndrimet e tij ultra-djathtiste, e madje edhe fashiste, dhe kundër të cilit është duke u zhvilluar një proces gjyqësor për shkak të kërcënimeve ndaj tre gjykatësve federalë amerikanë. Hunter, në këtë tekst të marrë prej një burimi tjetër, është për përshkruar si njeri operativ i FBI-së, e në fakt ka qenë bashkëpunëtor-spiun i Byrosë federale për hetime për shkak të lidhjeve të tij me rrethet djathtitse dhe organizatat raciste. Domethënë, ka dallim ndërmjet njeriut operativ në terren dhe, thënë sipas gjuhës tonë lokale, kodoshit. Poashtu, në internet muund të gjenden një sërë shembujsh, të cilat absolutisht i demantojnë një pjesë të skenareve apokaliptike të Hanter-it jokredibil. Jo vetëm ajo që është shkruar, e cila nuk është bazuar në asnjë burim ose në ndonjë bashkëbisedues, por edhe “figura dhe vepra” e atij që e ka shkruar këtë, nuk flasin shumë mirë për vërtetësinë e këtij teksti. Madje, ky është edhe një konstatim mjaft i kujdesshëm, për shkak se artikulli nuk ka lidhje me vërtetësinë.
TEKST “I ZBRAZËT” QË PËR FAT TË KEQ KALON TE PUBLIKU
Komuniteti që flet për “konspiracione globale” është shumë i përhapur, besoj edhe këtu te ne. Prandaj, nuk dyshojmë se ky tekst, sado të i zbrazët në aspekt përmbajtësor, i pabazuar dhe senzacionalisht, “kalon” te publiku. Me këtë konfirmohet se, për fat të keq, lexuesit e lexojnë atë që u ofrohet, që nga ana tjetër do të thotë se mediat, veçanërisht ato të vendit, e harrojnë edhe funksionin edukativ që duhet ta kenë – ta formësojnë ose të ndikojnë pozitivisht mbi publikun.. Ky tekst, i cili gjithsesi nuk fsheh se është marrë nga një portal “i dyshimtë”, nuk është përjashtim nga rregulli se “kualiteti është më i rëndësishëm” për diçka të publikohet si lajm i besueshëm.
Titulli, sipas teorisë gazetareske, duhet të njoftojë, të potencojë, të tërheqë. Në këtë rast ai e ka vetëm karakteristikën e tretë. I gjithë konstruksioni kryesisht ka komponentë senzacionaliste, e jo informative, për shkak se përpiqet shkurtimisht ta thotë atë që gjendet më poshtë në tekst, e ajo është senzacion i llojit “të verdhë”. Kështu që, nga një shkrim-spekulim, do të ishte tepër pritet konstruksion korrekt i titullit. E gjithë kjo është plotësuar “bukur” me një fotografi nga një këpurdhë nukleare e cila e përafron efektin e apokalipsës së pashmangshme, për të cilën edhe flet e gjithë përmbajtja e artikullit.
“Prezantimi i ngjarjeve dhe i storjeve në mënyrë që do të provokojë interes publik ose jehonë në kurriz të saktësisë;
Potencimi i tepërt i informatave dhe i temave me qëllim që të rritet numri i lexuesve ose i shikusve”.
Këto janë vetëm dy nga mbi njëqind definicionet për gazetarinë senzacionaliste, një shembull të së cilës, pa asnjë dilemë, jemi duke e shqyrtuar. Shumë zhurmë, shumë spekulime, më tepër “tym”, se sa “zjarri” i vërtetë gazetaresk.
INFOGRAPHIC
TRUTHFULNESS
shko gjeji
nuk mund të përcaktohet saktësia e deklaratave
deklarata jo të vërteta
SOURCES OF INFORMATION
ka burime të evidentuara
zyrtare
jorelevante
1 burim
një palë
EXTENSIVENESS
jogjithëpërfshirës
ndoshta ka informata të fshehura
BIAS
nuk mund të përcaktohet
ka shtrembërim të së vërtetës (spin)
informata të rrejshme
mban anën e një pale
anshmëri tjetër
COMMENTING
nuk ka elemente të komentimit
të ndara nga faktet
PLAGIARISM
kopje të plotë
është theksuar burimi pa link
TITLE QUALITY
nuk informon
jokreativ
senzacionalist
joadekuat
tendencioz
PHOTOGRAPH
ka
adekuate
manipulon
nuk është theksuar autori (burimi)
HATE SPEECH
nuk ka shprehje të urrejtjes
nuk ka shprehje të urrejtjes
nuk nxit dhunë
nuk diskriminon
EDITED FOR THE WEB
mesatarisht i lexueshëm
elemente jokualitative multimediale
nuk ka linke kontekstuale
pjesërisht i rregulluar në aspekt stilistik
i lidhur me tag-e