Rekorde “Guinness” – për mungesë profesionalizmi
Published in Recensione
on 16 - 11 - 2016 Author: Fatlume Dervishi[Recension: “Xhevat Ademi hynë në “librin Guinness”!”]
Ky tekst është koment klasik. Mungesën e burimeve autori e ka zëvendësuar me ironizime nga ana e tij për një figurë politike, Xhevat Ademin, i cili për një kohë të gjatë mban postin e njëjtë. Tema e trajtuar është me vend, por jo edhe mënyra e trajtimit nga autori.
Linku deri te artikulli origjinal: “Xhevat Ademi hynë në “librin Guinness”!”
Data e publikimit: 10.11.2016
Data e recensionit: 14.11.2016
Recensues: Fatlume Dervishi
“Xhevat Ademi vazhdon të jetë në listë për deputet edhe kësaj radhe, dhe mund të hyjë në “librin Guinness”” është baza e informacionit, ku është vendosur i gjithë fokusi i përmbajtjes. Artikulli vjen pas publikimit të listave të kandidatëve për deputetë të BDI-së për zgjedhjet parlamentare të 11 dhjetorit, ku Ademi është kandiduar përsëri. “Libri Guinness” është vendosur në thonjëza (edhe ne titull), si për të treguar që kjo në fakt nuk është e vërtetë, d.m.th. nuk po thyhen rekordet e Guinness, por është ironizim i autorit për rikandidimin. Arsyeja e rizgjedhjes se Ademit si deputet për disa mandate, në tekst sqarohet në mënyrë qesharake, ironike, diskredituese dhe pa dëshmi.
“Nuk dihet ende pse Xhevat Ademi është i paprekshëm dhe i privilegjuar në BDI dhe vazhdon të qëndrojë gjithnjë në listë për deputet ku edhe shanset për tu rizgjedhur i ka 99,99%. Xhevat Ademi siç është shprehur edhe vet ai nga selia e BDI-së dhe shtëpia e tij në vijë ajrore është 500 metër ndoshta kjo e bën që të qëndrojë në listë lartë e më lartë.”
Për këtë shqetësim të tijin, autori duhet të kishte pyetur në BDI; pse vazhdimisht kandidohet Ademi për deputet?! A bëhet kjo sepse partia vlerëson se Ademi ka qenë i suksesshëm në mandatet e kaluara?
“Reçica vendbanimi i tij asnjëherë nuk e kanë propozuar për deputet sepse siç shprehen disa banorë është bërë i mërzitshëm duke u bërë deputet dhe asgjë nuk ka bërë për banorët. …Xhevat Ademi është shqiptari që ka qëndruar më gjatë deputet në Maqedoni dhe pa bërë asgjë për shqiptarët.”
Lexuesit nuk i ofrohet zëri i popullit për të vërtetuar se banorët e Reçicës mendojnë se Ademi nuk ka bërë asgjë për banorët. Anketa është e domosdoshme kur flitet në emër të banorëve. Natyrisht që do të duheshin edhe dëshmi shtesë për këtë. Mbase të dhëna për një takim në të kaluarën me banorët kur Ademi nuk është pritur mirë, mbase votimi i ndonjë ligji që ka qenë në dëm të atyre banorëve ose ndonjë qëndrim i Ademit që ka dëmtuar banorët për të cilët autori thotë se nuk e duan.
- KODI ETIK I GAZETARËVE:
Provimi i të dhënave dhe saktësia janë imperativ moral i gazetarësisë, prandaj gazetari është i obliguar ta provojë informacionin prej sa më shumë burimeve, të paktën prej dy burimeve të pavarura. - Zgjedhja e fakteve patjetër të sigurojë informacion objektiv duke pasur parasysh të gjitha apektet e rëndësishme të temës që trajtohet.
Është shumë e lehtë të bësh tekste të këtilla, por e vështirë të bindësh lexuesin në atë që thua, nëse nuk i ofron fakte të mjaftueshme.
INFOGRAPHIC
TRUTHFULNESS
nuk ka fakte
pohimet jo të sakta
deklarata jo të vërteta
SOURCES OF INFORMATION
nuk ka burime të evidentuara
asnjë burim
asnjëra pale
EXTENSIVENESS
jogjithëpërfshirës
nuk ka informata të fshehura
BIAS
nuk mund të përcaktohet
ka shtrembërim të së vërtetës (spin)
nuk mund të përcaktohet
është i njëanshëm
anshmëri politike
COMMENTING
ka elemente të komentimit
të integruara me faktet
PLAGIARISM
nuk mund të përcaktohet
TITLE QUALITY
dezinformon
kreativ
senzacionalist
joadekuat
tendencioz
PHOTOGRAPH
ka
adekuate
as manipulon as informon - është vënë vetëm si ilustrim
nuk është theksuar autori (burimi)
HATE SPEECH
nuk ka gjuhë ofenduese
nuk ka gjuhë të urrejtjes
nuk nxit për përdorimin e dhunës
nuk diskriminon
EDITED FOR THE WEB
mesatarisht i lexueshëm
nuk ka elemente multimediale
nuk ka linke kontekstuale
pjesërisht i rregulluar në aspekt stilistik
i lidhur me tag-e