Senzacion i ri me spekulim të vjetër
Published in Recensione
on 22 - 08 - 2016 Author: Xhenis Sulimani
[Recension: “Bomba” e Shaqirit: BDI e Ahmeti urdhëruan vrasjen e shqiptarëve në Vaksincë (Video)]
Ripostimi i një spekulimi të vjetër, pas asnjë detaj shtesë që do të mundësonte vërtetimin apo mohimin e tij, mbetet vetëm spekulim i vjetër, e aspak një lajm i ri. Prandaj, ripostimi mund të kualifikohet si tendencë për të fituar një klikim plus ose tentim për senzacion.
Linku deri te artikulli origjinal: ““Bomba” e Shaqirit: BDI e Ahmeti urdhëruan vrasjen e shqiptarëve në Vaksincë (Video)”
Data dhe koha e publikimit: 12.08.2016
Data e recensionit: 17.08.2016
Recensues: Xhenis Sulimani
Produkti që po e recensojmë ka të bëjë me akuza të rënda, të cilat janë theksuar nga ish-nënkryetari i Kuvendit të Maqedonisë, Hysni Shaqiri, një vit më parë.
“Po kërkojnë të gjithë bomba nga Zaevi. Jau jap unë bombën këtu. BDI më ka urdhëruar vrasjen e banorëve të Vaksincës dhe të kosovarëve që kishin ardhur të na ndihmojnë. Kjo ka ndodhur në vitin 2003. Emrin se them dot, por ai që më ka thënë ka folur me gojën e Ali Ahmetit. Na thanë t’i vrisnim, sepse nuk lejuam hyrjen e Policisë në fshat”, ka thënë Shaqiri, duke e përsëritur disa herë se urdhëri ka qenë i qartë për të vrarë shqiptarët, por ai nuk ka pranuar.
Për urdhërim të një vrasjeje dikush duhet të përgjigjet penalisht. Ripostimi i këtij spekulimi të vjetër do të duhej të shoqërohej me deklaratë të MPB-së. Gazetari do duhej të merrte prononcim nga MPB, nëse ka nisur procedurë për kapjen “urdhëruesve të vrasjes”, apo qëndrim nga Prokuroria Publike – nëse ka hapur procedurë parahetimore për pohimet e Hysni Shaqirit, si dhe të merret qëndrim nga pala e akuzuar.
Në ripostimin e lajmit nuk do të duhej të mungonte qëndrimi nga partia që përmendet, por edhe nga dy personat që përmenden se janë në dijeni për këtë ngjarje. Vetëm në këtë mënyrë spekulimit të vjetër do të mund t’i jepej një petk i ri, i lajmit të (pa)konfirmuar, objektiv, të plotë dhe gjithëpërfshirës. Sepse, mënyra si është ripostuar është vetëm spekulim i vjetër, por jo edhe lajm i ri, brenda standardeve profesionale gazetareske.
Gazetarët patjetër duhet të sigurojnë informacione të sakta dhe precize, është parim për gazetarin që ai së pari mendon interesin publik.
“Të gjitha lajmet dhe punimet e tjera gazetareske, në mënyrë përkatëse me subjektin dhe natyrën e tij, patjetër duhet të kenë mjaftueshëm numër të caktuar të burimeve, të bazohen mbi dëshmi të fuqishme, të verifikuara në mënyre bazike dhe të prezantuara me një gjuhë të qartë dhe të saktë. Gazetarët duhet të jenë të ndershëm për punët që nuk i dinë dhe të shmangin spekulime të pabaza. Publikut duhet t’i bëhet qartë me dije për rastet kur gazetarët nuk kanë konfirmime për disa akuza të caktuara, fakte materiale dhe përmbajtje të tjera, por për informacione të këtilla patjetër t’i referohen burimit.”
INFOGRAPHIC
TRUTHFULNESS
bazohet në një deklaratë
nuk mund të përcaktohet saktësia e pohimeve
nuk konfirmohen
SOURCES OF INFORMATION
ka burime të evidentuara
jozyrtare
1 burim
një palë
EXTENSIVENESS
jogjithëpërfshirës
ndoshta ka informata të fshehura
BIAS
pohime të pakonfirmuara
nuk mund të përcaktohet
nuk mund të përcaktohet
nuk aplikohet
anshmëri politike
COMMENTING
ka elemente të komentimit
PLAGIARISM
vepër origjinale
nuk është theksuar autori
TITLE QUALITY
jokreativ
senzacionalist
adekuat
tendencioz
PHOTOGRAPH
ka
adekuate
as manipulon as informon - është vënë vetëm si ilustrim
nuk është theksuar autori (burimi)
HATE SPEECH
nuk ka gjuhë ofenduese
nuk ka gjuhë të urrejtjes
nuk nxit për përdorimin e dhunës
nuk diskriminon
EDITED FOR THE WEB
i lexueshëm
nuk aplikohet
nuk ka linke kontekstuale
i parregulluar në aspekt stilistik
i palidhur me tag-e