Shpallja e identitetit të personave të mitur është e kundërligjshme
Published in Recensione
on 7 - 10 - 2015 Author: Adrian Kerimi
[Recension: “Zbulohen autorët e helmimit të nxënësve në “Arsenie Jovkov””]
Publikimi në media i identitetit të personave të mitur, të cilët janë nën moshën 18 vjeçare dhe që janë të përfshirë në ngjarje është në kundërshtim me ligjin dhe sanksionohet. Gjithashtu edhe Kodi etik i gazetarëve ndalon rreptësishtë që gazetari, pavarësisht se posedon informacion për personat e mitur të përfshirë në një akt, t’u shpalosë identitetin.
Linku deri te artikulli origjinal: Recension: Zbulohen autorët e helmimit të nxënësve në “Arsenie Jovkov”
Data dhe koha e publikimit: 03.10.2015
Data e recensionit: 05.10.2015
Recensues: Adrian Kerimi
Teksti që recensojmë publikon me pa të drejtë emrat e dy të miturve të cilët akuzohen se kanë kryer aktin e helmimit të disa nxënësve dhe një mësimdhënësi, në një shkollë të Çairit.
“… është parashtruar kallëzim penale, njësoj sikurse edhe ndaj 16-vjecarit Antonio Toshev, që është nxënës i vitit të dytë në këtë shkollë, si dhe 17-vjecarit Albin Kurtoviq.”
Fjalia e cituar bie në kundërshtim me Kodin etik të gazetarëve, pika IX, paragrafi 3 i cili thotë:
“Informacionet e marra nga mjekët, punëtorët social, edukatorët, mësuesit ose familjarët që drejtpërdrejt ose jo zbulojnë identitetin e të miturit, nuk guxojnë të publikohen”.
Mungesa e burimeve të nevojshme sjellë probleme të tjera për tekstin. “Për shokët e Xhikovskit, dihej se stërpiknin me sprej nëpër shkollë”, për këtë autori i tekstit nuk sjell fakte dhe këtë nuk e dëshmon asnjë dëshmitar ose folës. Përderisa nuk ka arritur të dëshmojë këtë që thotë, autori i tekstit mund të akuzohet për shpifje.
Teksti gjithashtu mund të plotësohej me informacion shtesë, i cili do të pasqyronte reagimet të prindërve për mungesën e sigurisë nëpër shkolla.
Incidenti i helmimit të nxënësve shqiptarë, ndodhi para dy ditësh, kur 14 nxënës dhe një profesor, përfunduan në Klinikën toksikologjike me simptoma kollitjeje dhe derdhje lotësh.
Do të ishte më korrekt nëse autori i cili ka shkruar tekstin, t’i referohej njoftimit zyrtarë të policisë dhe të njëjtin ta sillte për lexuesit duke e lidhur me linqe përmbajtjesore mbi ngjarjen.
Gjithashtu autori shkel normat etike edhe me fotografinë bashkëngjitur tekstit. Në to shihen nxënës të moshës së mitur, publikimi i të cilave përbën shkelje të Kodit etik të gazetarëve të Maqedonisë, pika VIII, paragrafi i parë, ku thuhet:
“Kur raportohet për fatkeqësi, krim, ose aksion të policisë, mediat përgjithësisht duhet të përmbahen nga publikimi i emrave, fotografive ose të dhënave tjera që do të mundësojnë identifikimin e viktimave ose aktorëve.
Femijët dhe adoleshentët gezojnë mbrojtje të veçantë.”
INFOGRAPHIC
TRUTHFULNESS
nuk ka fakte
nuk mund të përcaktohet saktësia e pohimeve
nuk mund të përcaktohet vërtetësia e deklaratave
SOURCES OF INFORMATION
ka burime të evidentuara
jozyrtare
relevante
1 burim
një palë
EXTENSIVENESS
gjithëpërfshirës
informata të fshehura
BIAS
nuk mund të përcaktohet
nuk mund të përcaktohet
nuk mund të përcaktohet
nuk aplikohet
COMMENTING
nuk ka elemente të komentimit
PLAGIARISM
nuk mund të përcaktohet
nuk është theksuar autori, është theksuar burimi pa link
TITLE QUALITY
informon
kreativ
josenzancionalist
adekuat
i qartë
PHOTOGRAPH
ka
adekuate
informon
nuk është theksuar autori (burimi)
HATE SPEECH
nuk ka gjuhë ofenduese
nuk ka gjuhë të urrejtjes
nuk nxit për përdorimin e dhunës
nuk diskriminon
EDITED FOR THE WEB
mesatarisht i lexueshëm
elemente jokualitative multimediale
nuk ka linke kontekstuale
pjesërisht i rregulluar në aspekt stilistik
i palidhur me tag-e