Shqetësimet e qytetarëve të trajtohen përmes qytetarëve
Published in Recensione
on 5 - 10 - 2015 Author: Fatlume Dervishi
[Recension: “Aksioni i Lëvizjes BESA në Saraj: Ngjiten posterat “BDI mos flej ndërto urën e Llokës”]
Në media, janë bërë të zakonshme lajmet që trajtojnë vetëm njërën anë të çështjes dhe nuk bëjnë ballafaqimin e qëndrimit të palëve të përfshira. Arsyet mund të jenë të ndryshme. Por me një vështrim sipërfaqësor, kjo merret si anshmëri e gazetarit ose e medias.
Linku deri te artikulli origjinal: “Aksioni i Lëvizjes BESA në Saraj: Ngjiten posterat “BDI mos flej ndërto urën e Llokës”
Data e publikimit: 03.10.2015
Data e recensionit: 04.10.2015
Recensues: Fatlume Dervishi
Teksti që analizojmë konsiston në raportimin për një aksion të subjektit politik, Lëvizjes BESA, kundër një institucioni, Komunës së Sarajit. Në të raportohet për postera të ngjitur në lokacione të ndryshme ta banuara në Saraj me anë të të cilave, siç thuhet aty, “kritikohen përfaqësuesit komunal nga rradhët e BDI-së për mosinteresimin e ndërtimit të Urës në Llokë”.
Autori vazhdon të citojë burimin e vetëm të informacionit të tij, Lëvizjen BESA, në reagimin e të cilës thuhet:
“Kërkesat e banorëve të fshatit Llokë për ndërtimin e urës që e lidhë këtë fshat me lagjen e Gjorçe Petrovit, vazhdojnë të hasin të vesh të shurdhët te Komuna e Sarajit. Banorët e fshatit Llokë janë gënjyer vazhdimisht gjatë cikleve zgjedhore, mirëpo gjithçka ka ngelur vetëm premtim.”
Në fakt, ky rezulton të jetë mendimi i subjektit në fjalë, Lëvizjes BESA, sepse autori nuk ka pasqyruar asnjë qëndrim nga ndonjë banorë i fshatit Llokë i cili do të shihej si më objektiv dhe më kompetent për të folur për shqetësimet e banorëve të zonës që vinë si pasojë e mungesës së urës kaluese mbi lum.
Është detyrë e gazetarit të trajtojë problematika shqetësuese për një grup të caktuar të qytetarëve dhe është mëse e guximshme dhe profesionale të kërkohet llogari nga institucionet dhe personat përgjegjës të mbajnë llogari para qytetarëve për premtimet e dhëna. Por duhet me kujdes të zgjidhet një mënyrë më transparente dhe objektive për të trajtuar problemin. Të trajtosh problemin vetëm përmes palës që bën akuzat, që në rastin konkret është një subjekt politik kundër një tjetri, flet për njëanshmëri dhe subjektivitet gjatë raportimit. Një parti politike, kundrejt një partie tjetër. Natyrisht, arsyet para së gjithash janë politike.
Është e pakuptueshme pse autori i tekstit e ka parë të arsyeshme që dikush tjetër të flasë në emër të qytetarëve, kur, i artikuluar nga një qytetar, shqetësimi mund të tingllonte më i sinqertë dhe publiku e din se ai nuk ka interesa për përfitime të tjera përveç atyre që shpreh.
Pasqyrimi i qëndrimit të palës tjetër, asaj drejt të cilës shkojnë akuzat, Komunës së Sarajit, do t’i jepte lexuesit një pasqyrë më të qartë se çfarë realisht ndodh.
Manipulimi me “teknika” të këtilla është shumë i pranishëm por njëkohësisht është kërcënim për profesionalizmin e profesionit të gazetarit.
INFOGRAPHIC
TRUTHFULNESS
ka fakte
pohime të sakta
deklarata të vërteta
SOURCES OF INFORMATION
ka burime të evidentuara
zyrtare
relevante
1 burim
një palë
EXTENSIVENESS
jogjithëpërfshirës
ndoshta ka informata të fshehura
BIAS
pjesërisht e paraqet të vërtetën
nuk mund të përcaktohet
nuk mund të përcaktohet
është i njëanshëm
anshmëri politike
COMMENTING
nuk ka elemente të komentimit
PLAGIARISM
nuk mund të përcaktohet
nuk është theksuar autori, nuk është theksuar burimi
TITLE QUALITY
informon
jokreativ
josenzancionalist
joadekuat
i paqartë
PHOTOGRAPH
ka
adekuate
informon
nuk është theksuar autori (burimi)
HATE SPEECH
gjuhë ofenduese
nuk ka gjuhë të urrejtjes
nuk nxit për përdorimin e dhunës
nuk diskriminon
EDITED FOR THE WEB
mesatarisht i lexueshëm
nuk ka elemente multimediale
nuk ka linke kontekstuale
pjesërisht i rregulluar në aspekt stilistik
i palidhur me tag-e