“Siç marrim vesh”, e në fakt, asgjë nuk dijmë
Published in Recensione
on 20 - 10 - 2015 Author: Владо Ѓорчев[Recension: Geroski dhe Zekiri zihen për vendin e redaktorit në RTM]
I gjithë teksti është në bazë të spekulimit, pa asnjë argument që të mund të arsyetohet se pse ky tekst është gjetur në hapësirën mediatike.
Linku deri te artikulli origjinal: Geroski dhe Zekiri zihen për vendin e redaktorit në RTM
Data dhe koha e publikimit: 14.10.2015, 14:11
Data e recensionit: 15.10.2015
Recensues: Vllado Gjorçev
“Pozita e redaktorit në RTM, e cila është pjesë e bisedimeve të partive politike, është bërë shkak për zënkë ndërmjet redaktorëve Branko Geroski dhe Muhamed Zekiri.”
Që në paragrafin e parë ka një të pavërtetë të madhe. Nuk është theksuar se kush ka thënë, kush e ka vërtetuar, e as prej ku është marrë informata. Me rëndësi është të përfshihen dy gazetarë, të cilët kanë qëndrim kritik ndaj pushtetit dhe të futen në zënkë që gazetarët e afërt me pushtetin të gëzohen me informatata e tilla. Është e vështirë se mund të gjendet ndonjë njeri që mund t’u besojë konstruksioneve të këtilla, mirëpo, ja edhe kjo ndodh në Maqedoni, që një tekst i këtillë të paraqitet si ekskluziv.
Dhe në mënyrën e njëjtë vazhdon ky tekst.
“Siç merr vesh Maksimi, deri mbrëmë pothuajse në tërësi është arritur marrëveshje që Geroski të jetë kandidati i LSDM-së për këtë pozitë, mirëpo në mëngjes redaktori i “Slloboden peçat” është zgjuar me informatën se edhe përkundër insistimit të zëvendëses së Zaevit, Radmilla Sheqerinska, me sa duket Zaevi nga Izraeli ka thënë se LSDM-ja do të paraqitet me Zekirin si kandidat për pozitën e Goran Petreskit.”
Në këtë paragraf, poashtu, nuk ka burim se prej ku është marrë informata. “Siç merr vesh” është formulim i cili nuk mjafton që të paktën të fitohet përshtypja se ka ndonjë të vërtetë në këtë. Me spekulimet është shkuar aq larg, sa që madje përshkruhet edhe dita e Branko Geroskit, i cili është njëra nga figurat kryesore të tekstit. E kush mund ta dijë se çka ka bërë ai atë mëngjes? Dhe si është zgjuar? Me siguri vetëm ai, mirëpo nuk është për t’u vesuar se ai vetë është paraqitur në këtë medie dhe ua ka thënë atë që është shkruar.
“Nga ana tjetër, siç marrim vesh, Zekiri ka dhënë dorëheqje për shkak se udhëheqësia e Alsatit i ka thënë që këtë ta bëjë që tani, para se të propozohet zyrtarisht, për shkak se në të kundërtën do të dilte se kandidati partiak i LSDM-së është redaktori i tyre aktual, që do të nënkuptonte se televizioni i tyre është partiak.”
Dhe sikur në ndonjë film me buxhet të vogël, tregimi vazhdon me spekulime gjithnjë e më të mëdha. Përsëri pa burime. Përplot me momente që nuk mund as të paramendohen. Për gabimet teknike, gramatikore dhe gabimet e tjera që gjenden në tekst, do të ishte e tepërt të flitet për shkak se janë të shumta dhe sikur të jetë shkruar nga nxënësi i klasës së parë.
Teksti pothuajsi i tëri është jopërmbajtësor. Rregulla e parë që duhet të respektohet është që gazetari të paraqitet te kolegët e përmendur dhe t’i pyesë për këtë spekulim. Gjëja e dytë që bie në sy është se kjo medie nuk i transmetoi reagimet e kolegëve që i kishin në rrjetet sociale ose si deklararata n disa medie.
Ja se si këtë e ka bërë “Libertas”, i cili parashtron dilemë, mirëpo kanë kërkuar edhe përgjigje nga Muhamed Zekiri:
“Ku shkon Muhamed Zekiri është pyetja që të gjithëve u intereson sot në mëngjes. Varianti më i përmendur është se do të jetë në krye të ekipit të ri të TVM-së shtetërore, që është njëri nga hapat kryesorë për reformat e nevojshme në hapësirën mediatike.
Zekiri për Libertasin shkurtimisht i demantoi supozimet e këtilla:
– Kjo nuk është e vërtetë, mbetem gazetar në Alsat-M – u përgjigj shkurt ai.
Branko Geroski kishte reagim në Facebook ku vetëm tha:
Hahahahahahah… Këto janë budallallëqe të pabesueshme!”
Poashtu është me rëndësi të theksohet se nuk është respektuar Kodi i gazetarëve. Në nenin 16 thuhet:
Gazetari do ta ruajë reputacionin dhe dinjitetin e profesionit të tij, do të nxisë solidaritetin e ndërsjellë dhe pluralizmin e mendimeve dhe nuk do ta përdorë medien e tij për të qëruar hesapet me individë, duke i përfshirë edhe kolegët e tij.
Ky është një tekst që nuk ka asgjë që i duhet një produkti profesional. Nuk ka burime, nuk është i vërtetë, nuk është përmbajtësor, nuk ka deklarata nga personat e përmendur… Domethënë, asgjë.
INFOGRAPHIC
TRUTHFULNESS
ka fakte
nuk mund të përcaktohet saktësia e pohimeve
nuk mund të përcaktohet vërtetësia e deklaratave
SOURCES OF INFORMATION
ka burime të evidentuara
jozyrtare, anonime
jorelevante
nuk mund të përcaktohet
më tepër palë
EXTENSIVENESS
jogjithëpërfshirës
informata të fshehura
BIAS
nuk mund të përcaktohet
ka shtrembërim të së vërtetës (spin)
informata të rrejshme
mban anën e një pale
anshmëri politike
COMMENTING
ka elemente të komentimit
të integruara me faktet
PLAGIARISM
vepër origjinale
nuk është theksuar autori, është theksuar burimi pa link
TITLE QUALITY
dezinformon
jokreativ
senzacionalist
joadekuat
tendencioz
PHOTOGRAPH
ka
adekuate
as manipulon as informon - është vënë vetëm si ilustrim
nuk është theksuar autori (burimi)
HATE SPEECH
gjuhë ofenduese
nuk ka gjuhë të urrejtjes
nuk nxit për përdorimin e dhunës
nuk diskriminon
EDITED FOR THE WEB
mesatarisht i lexueshëm
elemente jokualitative multimediale
nuk ka linke kontekstuale
pjesërisht i rregulluar në aspekt stilistik
i palidhur me tag-e