Skandalet shokojnë vetëm me argumente dhe fakte
Published in Recensione
on 27 - 04 - 2016 Author: Ferikan Iljazi[Recension: VMRO-DPMNE i uzurpon edhe Spitalet, Ambasadorët Bejli dhe Orav shokohen!]
“Një skandal po e tronditë Maqedoninë”, kështu fillon lajmi i cili bazën e ka tek një fletushkë e thjeshtë e ngjitur në derën e një spitali shtetëror, ku bëhet thirrje për përkrahje të idesë për mbajtjen e zgjedhjeve më 5 qershor. Por kush mund të përkufizojë se çfarë është skandaloze apo jo, vallë është gazetari që na servir mendimin e tij? Në mungesë të fakteve, në mungesë të objektivitetit dhe saktësisë, kualifikimet e tilla mund të vështrohen vetëm si veprim me tendencë. Kur je sugjestiv ndaj lexuesve të cilëve ua servon mendimin tënd e jo dëshmi për informacionin, atëherë pesha e lajmit bie në zero. Kulmi i një lajmi është kur gazetari shtron faktet, ndërsa lexuesi gjykon në bazë të tyre dhe bindjeve të tij.
Linku për te artikulli origjinal: VMRO-DPMNE i uzurpon edhe Spitalet, Ambasadorët Bejli dhe Orav shokohen!
Data dhe koha e publikimit: 22.04.2016 në ora 11:53
Data e recensionit: 24.04.2016
Recensuese: Ferikan Iljazi
Të kthehemi tek brendia e këtij “skandali” që e paska tronditur gjithë Maqedoninë! Paramendoni, gjithë Maqedonia paska komunikuar dhe shprehur shqetësimin tek redaksia në fjalë për këtë skandal.
“Kësaj rradhe në spitalin e qytetit në Shkup, Shën Naumi, që gjendet në afërsi të Parlamentit të Maqedonisë, ka mbishkrime skandaloze tek zyrat e drejtorëve dhe zyrat e administratës të këtij Spitali. Njëri mbishrim tek zyra e arkatarit të Spitalit shkruan: “Në Maqedoni zgjedhjet mund të mbahen më 5 qershor dhe asnjëherë të shtyhen. Me këtë dëshmohet se Spitali i qytetit në Shkup “Shën Naum Ohridski”, bëhet vegël e VMRO-DPMNE-së dhe njëkohësisht ju bën presion të punsuarve në këtë Spital”
Të themi se kjo gjë është diçka që nuk duhet të ndodhë. Por ku është këtu objektiviteti? Ku është mundimi i gazetarit që të kontaktojë me drejtorin e këtij institucioni për ta pyetur se si ka mundësi në një institucion publik të vendosen mbishkrime të tilla politike? Ajo është e pakta që ka mundur të bëhet për të vërtetuar nëse drejtori, administrata e spitalit e kanë vendosur atë fletushkë vetë, apo dikush tjetër e ka vendosur e ata nuk kanë arritur ta shohin me kohë, para se ta kapë aparati i fotografimit.
“Ky Spital ligjërisht njihet si Klinika Universitare për sëmundje kirurgjike “Shën Naum Ohrdiski”-Shkup, ku njëri nga drejtorët e këtij Siptali është shqiptar”
Për të qenë teksti edhe më paradoksal, autori i tekstit i përmend ambasadorët e BE-së dhe SHBA-së, pa asnjë pikë nevoje. Ndoshta përmendja e tyre sjell mundësi për të fituar më shumë klikime dhe lexueshmëri, pasi që në asnjë pjesë të tekstit, ata nuk përputhen fare. Për më tepër, diplomatët mund të kenë reagim serioz ndaj keqpërdorimit të emrave të tyre për qëllime dhe tema që nuk kanë lidhje me ta.
“Ndryshe, këto zhvillime në Maqedoni me shqetësim të madh i përcjellin Ambasadorët e huaj në Maqedoni”
Një fjalë popullore shqipe thotë: “Tre herë mendo, një herë fol”. Këtë fjalë popullore do ta kisha modifikuar dhe përshtatur me këtë tekst dhe të gjitha tekstet që nuk bazohen në faktet, duke thënë: “10 herë kontrollo, verifiko, dhe njëherë shkruaj”.
INFOGRAPHIC
TRUTHFULNESS
ka fakte
nuk mund të përcaktohet saktësia e pohimeve
nuk mund të përcaktohet vërtetësia e deklaratave
SOURCES OF INFORMATION
nuk ka burime të evidentuara
EXTENSIVENESS
jogjithëpërfshirës
ndoshta ka informata të fshehura
BIAS
pjesërisht e paraqet të vërtetën
ka shtrembërim të së vërtetës (spin)
nuk mund të përcaktohet
është i njëanshëm
COMMENTING
ka elemente të komentimit
të integruara me faktet
PLAGIARISM
vepër origjinale
është theksuar autori
TITLE QUALITY
dezinformon
jokreativ
senzacionalist
joadekuat
tendencioz
PHOTOGRAPH
ka
adekuate
as manipulon as informon - është vënë vetëm si ilustrim
nuk është theksuar autori (burimi)
HATE SPEECH
nuk ka gjuhë ofenduese
nuk ka gjuhë të urrejtjes
nuk nxit për përdorimin e dhunës
nuk diskriminon
EDITED FOR THE WEB
mesatarisht i lexueshëm
elemente jokualitative multimediale
nuk ka linke kontekstuale
pjesërisht i rregulluar në aspekt stilistik
i palidhur me tag-e