Supozimet nuk janë “HETIME EKSKLUZIVE”

on 15 - 10 - 2015 Autor: Xhenis Sulimani

Këtë postim mund ta lexoni edhe në: Maqedonisht

[Recension: “HETIM EKSKLUZIV: Shërbimet Sekrete maqedonase formojnë partinë e re “Uniteti”?”]

Misioni i gazetarit për publikimin e informacioneve të plota, të balancuara dhe objektive nuk respektohet në momentin që gazetari supozimet e ngritura nuk i mbështet në fakte dhe nuk i jep hapësirë për sqarim personit që akuzohet në tekst.

Linku deri te artikulli origjinal: HETIM EKSKLUZIV: Shërbimet Sekrete maqedonase formojnë partinë e re “Uniteti

Data dhe koha e publikimit: 03.10.2015

Data e recensionit: 13.10.2015

Recensent: Xhenis Sulimani

Produkti gazetaresk që po e recensojmë është fund e krye me konkluzione mbi një person dhe rreth një ngjarje, pa prova. Personi i përfolur nuk është pyetur se pse ka qenë prezent në ngjarje apo se çfarë pozicioni mbanë në partinë e re por autori ka ardhur vetë në konkluzion se:

“Për shkak të kësaj dhe për qëllime personale, personi në fjalë ishte njeri ndër iniciatorët kryesor që të formojnë partinë e re me emrin ”Uniteti”, gjithsesi me ndihmën e kolegëve të tij nga shërbimet sekrete.”

Që përfundimet e gazetarit nga ky hulumtim i tij ekskluziv mbi formimin e partisë së re të jenë bindëse për opinionin do të duhet që të jenë të verifikuara nga më së paku dy burime. Insistimi i autorit që partia është formuar nga shërbimi sekret maqedonas, pa marr qëndrim nga partia, themeluesit apo nga personi ka e drejton gishtin autori, e bën tekstin gazetaresk spekulativ dhe e vendos atë jashtë çdo kornize të hulumtimit profesional.

“Ndryshe, në Maqedoni deri më tani organizimi politik dhe dalje në votime bëhet në baza etnike. Por tani shërbimi sekret maqedonas po dikton një rregull të re, që përmes disa zyrtarëve të lartë të një partie të shkakton një amulli të madhe tek shqiptarët e Maqedonisë”.

Autori më shumë sukses do të kishte arritur nëse kishte shkruar një opinion mbi mënyrën se si u krijua partia e re, sesa të përpiqej nëpërmjet një titulli sensacional në fund me një pikëpyetje: “HETIM EKSKLUZIV: Shërbimet Sekrete maqedonase formojnë partinë e re “Uniteti”?” të tentojë të çorientojë opinionin. Titulli nuk provohet në përmbajtjen e tekstit dhe autori e paraqet lajmin sipas pikëpamjeve të tij duke mos tentuar që “hetimin” e tij ta bazojë në fakte.

Ky recension është përgatitur nga kuadër të Projektit të USAID-it për përforcimin e mediumeve në Maqedoni – Komponenta Shërbimi për verifikimin e fakteve nga mediumet, që implementohet nga fondacioni Metamorfozis.. Ky recension është mundësuar me përkrahjen e Agjencisë amerikane për zhvillim ndërkombëtar (USAID). Përmbajtja e analizës është përgjegjësi e autorit dhe nuk i paraqet qëndrimet e fondacionit Metamorfozis, USAID-it ose të qeverisë së SHBA-ve. Për më tepër informata për punën e USAID-it në Maqedoni, ju lutemi vizitoni ueb-faqen e USAID-it: (http://macedonia.usaid.gov) dhe faqen e USAID-it në Facebook: (www.facebook.com/USAIDMacedonia).

INFOGRAFIKU

VËRTETËSIA

nuk ka fakte

pohimet jo të sakta

deklarata jo të vërteta

BURIMET E INFORMATAVE

nuk ka burime të evidentuara

një palë

PËRMABJTËSIA

jogjithëpërfshirës

ndoshta ka informata të fshehura

ANSHMËRIA

nuk mund të përcaktohet

ka shtrembërim të së vërtetës (spin)

informata të rrejshme

mban anën e një pale

anshmëri politike

KOMENTIMI

ka elemente të komentimit

të integruara me faktet

PLAGJIATURA

nuk është theksuar autori

KUALITETI I TITULLIT

dezinformon

jokreativ

senzacionalist

adekuat

tendencioz

FOTOGRAFIA

adekuate

manipulon

nuk është theksuar autori (burimi)

GJUHA E URREJTJES

gjuhë e urrejtjes

nxit për përdorimin e dhunës

I PËRSHTATUR PËR UEB

i lexueshëm

nuk aplikohet

nuk ka linke kontekstuale

i parregulluar në aspekt stilistik

i palidhur me tag-e

Shërbim për verifikim të fakteve në media