Tekst me të gjitha nishanet
Published in Recensione
on 19 - 01 - 2016 Author: Владимир Мирчески
[Recension: Analistët: Nuk ka kushte për zgjedhje korrekte pa implementim të plotë të Përzhinos]
Tekst i përgatitur ashtu siç duhet, i rregulluar me të gjitha nishanet gazetareske – prej burimeve, deri te bashkëbiseduesit e theksuar qartë, pa intervenime dhe komente të panevojshme sugjestive. Material i cili publikut ia qartëson një situatë të ndërlikuar politike.
Linku deri te artikulli origjinal
: Analistët: Nuk ka kushte për zgjedhje korrekte pa implementim të plotë të Përzhinos
Data dhe koha e publikimit: 12.01.2016 18:05
Data e recensionit: 14.01.2016
Recensues: Vlladimir Mirçeski
SHEMBULL I MIRË
Kemi një çështje të ndërlikuar të cilës gazetari i është qasur në mënyrë profesionale, me qëllim që publikut t’i ofrojë pasqyrë më të mirë për këtë çështje nëpërmjet pikëpamjeve dhe analizave të disa bashkëbiseduesve, secili prej tyre njohës i shkëlqyeshëm i aspekteve të caktuara të problemit që analizohet. Bëhet fjalë për një profesor universitar, një këshilltar për siguri nacionale dhe për çështje të jashtme të dy kryetarëve të RM-së, një eksperte nga fusha e eurointegrimeve e cila shumë vite ishte edhe pjesë e sekretariatit qeveritar për çështje evropiane dhe një gazetar-analist me karrierë të pasur, njeri me kontakte të mira te përfaqësuesit e bashkësisë ndërkombëtare. Qëndrimet e tyre janë përmbledhur në këtë artikull, i cili tenton ta sqarojë situatën rreth zgjedhjeve të parakohshme, a janë plotësuar kushtet për mbajtjen e tyre në prill, çka nënkupton takimi i papritur ndërmjet nënkryetarit amerikan dhe kryeministrit maqedonas në Uashington, çka mund të pritet nga vizita e eurokomesarit për zgjerim në Shkup…
Edhe pse gjithmonë ka të tillë që do të thonë se bashkëbiseduesit janë “të afërt” me opozitën, mirëpo kemi një kundërargument – autorja e tekstit ka tentuar të kontaktojë edhe me dy analistë që konsiderohen si të afërt me kampin e djathtë, mirëpo të cilët nuk kanë dhënë përgjigje kthyese. Domethënë, në asnjë moment nuk mund të kontestohet qëllimi për të qenë objektiv dhe për mbajtje të distancës profesionale nga, kushtimisht thënë, të dyja palët. Përpjekja për t’i kontaktuar edhe dy bashkëbisedues të tjerë përveç tre ekspertëve ekzistues flet për angazhim të mirë të gazetares.
Paralelisht me deklaratat e njohësve vendorë të rrethanave ofrohen edhe pozitat e treshes së eurodeputetëve, e cila ishe në Shkup pikërisht për ta lehtësuar gjetjen e zgjidhjes për situatën dhe për restartimin e të ashtuquajturit të procesit të Përzhinos. Me këtë në mënyrë plotësuese pasurohet përmbajtja e artikullit që nënkupton kualitet më të madh për publikun të cilit i është dedikuar ai. Në mënyrë korrekte janë transmetuar ndërmjetësuesit e huaj dhe nga këndvështrimi gazetaresk janë “nxjerrë” porositë kryesore, pa i anashkaluar elementet kyçe të paraqitjeve të tyre.
Materiali është i lirë nga komentet, kualifikimet dhe përfundimet e panevojshme dhe nga imponimi i qëndrimeve personale për lexuesit. Thjesht, janë marrë deklarata nga disa njerëz, janë gërshetuar mirë dhe i janë prezantuar publikut. Shembull i mirë për tekst kualitativ.
INFOGRAPHIC
TRUTHFULNESS
ka fakte
pohime të sakta
deklarata të vërteta
SOURCES OF INFORMATION
ka burime të evidentuara
zyrtare
relevante
më tepër burime
më tepër palë
EXTENSIVENESS
gjithëpërfshirës
nuk ka informata të fshehura
BIAS
:
nuk ka shtrembërim të së vërtetës (spin)
nuk ka informata të rrejshme
është i balancuar
COMMENTING
nuk ka elemente të komentimit
të ndara nga faktet
PLAGIARISM
vepër origjinale
është theksuar autori
TITLE QUALITY
informon
jokreativ
josenzancionalist
adekuat
i qartë
PHOTOGRAPH
ka
adekuate
informon
autori (burimi) është theksuar në mënyrë selektive
HATE SPEECH
nuk ka gjuhë ofenduese
nuk ka gjuhë të urrejtjes
nuk nxit për përdorimin e dhunës
nuk diskriminon
EDITED FOR THE WEB
i lexueshëm
elemente solide multimediale
nuk ka linke kontekstuale
i rregulluar në aspekt stilistik
i palidhur me tag-e