Tema delikate dhe e rëndësishme, lajmi gjysmak dhe i pashtjelluar
Published in Recensione
on 8 - 06 - 2016 Author: Benjamin Arifi
[Recension: Nisi ndërtimi i Kishës në Strugë, a do ta bllokojë Ziadin Sela?]
Temat fetare në Maqedoni gjithmonë kanë qenë të ndjeshme dhe të ndërlikuara, prandaj kërkojnë trajtim më të vëmendshëm, gjithëpërfshirës dhe profesional nga ana e gazetarit. Në rastin e këtij artikulli, objekt i recensimit, teksti është shumë i vakët, pa informacione, me informacione gjysmake ose të pakonfirmuara.
Linku deri te artikulli origjinal: Nisi ndërtimi i Kishës në Strugë, a do ta bllokojë Ziadin Sela?
Data dhe koha e publikimit: 04/06/2016
Data e Recensionit: 06.06.2016
Recensues: Benjamin Arifi
Edhe pse tekst i shkurtër, përmes tij lançohen disa fjali që nuk janë në vijë të plotë me parimet e gazetarisë.
Sapo nisi të ndërtohet Kisha në mes të Strugës ku ende nuk dihet nëse do të ketë ndonjë kryq si ai i Butelit apo jo. Nëse nuk do të ketë kryq gjigant nuk është nxitje fetare.
Nuk është punë e gazetarit të gjykojë dhe konstatojë se cili veprim apo objekt përbën nxitje të urrejtjes ndërfetare. Këtë duhet ta bëjnë normat juridike dhe institucionet e vendit, të cilat në rastin konkret e lejojnë ndërtimin e objekteve të tilla. Madje, as vetë objekti fetar nuk do të nxiste urrejtje nga komuniteti tjetër fetar, sa mund të nxisin shkrimet tendencioze dhe senzacionaliste të gazetarëve, përplot konstatime dhe gjykime personale e të pabazuara.
Ndryshe muaj më parë BDI-ja e bllokoi një kryq gjigant në komunën e Butelit.
Një tjetër fjali jo e saktë, ose të paktën jo e elaboruar sa duhet. Kështu siç është formuluar, kjo fjali jep pasqyrë të gabuar për të vërtetën e plotë rreth vendosjes së kryqit në Butel. E vërteta është se ky kryq, siç konfirmon edhe ky dokument, nuk është penguar dhe nuk ka ndaluar procedura për ndërtimin e tij, por pas vënies së gurthemelit dhe protestës si dhe prishjes së tij nga ana e aktivistëve të BDI, me marrëveshje politike puna është pushuar për një kohë të pacaktuar.
Gjithashtu, titulli i tekstit është tendencioz dhe nuk korrespodon aspak me përmbajtjen e tekstit. Gazetari jo vetëm që nuk ka kërkuar përgjigje nga vetë Ziadin Sela për pyetjen e shtruar në titull, por as që është marrë më tepër me atë çështje në brendinë e tekstit.
INFOGRAPHIC
TRUTHFULNESS
nuk ka fakte
nuk mund të përcaktohet saktësia e pohimeve
nuk mund të përcaktohet vërtetësia e deklaratave
SOURCES OF INFORMATION
nuk ka burime të evidentuara
jozyrtare
jorelevante,
nuk mund të përcaktohet
EXTENSIVENESS
jogjithëpërfshirës
informata të fshehura
BIAS
pjesërisht e paraqet të vërtetën
ka shtrembërim të së vërtetës (spin)
informata të rrejshme
nuk aplikohet
COMMENTING
ka elemente të komentimit
të integruara me faktet
PLAGIARISM
vepër origjinale
nuk është theksuar autori
TITLE QUALITY
nuk informon
jokreativ
senzacionalist
joadekuat
tendencioz
PHOTOGRAPH
ka
adekuate
as manipulon as informon - është vënë vetëm si ilustrim
nuk është theksuar autori (burimi)
HATE SPEECH
nuk ka gjuhë ofenduese
nuk ka gjuhë të urrejtjes
nuk nxit për përdorimin e dhunës
nuk diskriminon
EDITED FOR THE WEB
mesatarisht i lexueshëm
nuk aplikohet
ka linke kontekstuale
i rregulluar në aspekt stilistik
i lidhur me tag-e