Tension i “inspiruar” nga spekulimet
Published in Recensione
on 26 - 01 - 2016 Author: Симона Атанасова
[Recension: Atmosferë e tensionuar në Këshillin qendror të LSDM-së]
Artikulli është manipulativ, i njëanshëm dhe senzacionalist. Përveç një sërë spekulimesh, në tekst nuk ka asnjë vërtetim konkret se atmosfera në këshillin qendror të LSDM-së me të vërtetë ka qenë e tensionuar dhe sa ka pasur fishkëllima, bërtitje dhe sharje kundër një pjese të anëtarëve.
Linku deri te artikulli origjinal: Atmosferë e tensionuar në Këshillin qendror të LSDM-së
Data dhe koha e publikimit: 21.01.2016, 15:19
Data e recensionit: 23.01.2016
Recensuesе: Simona Atanasova
E DEKLARATË NGA LSDM-JA?
Artikull, i cili, përndryshe, në tërësi është marrë nga një medie tjetër (kjo është theksuar dhe është vënë linku), shërben që të njolloset vendimi i këshillit qendror të LSDM-së, që partia të mos marrë pjesë në zgjedhjet e parakohshme parlamentare, në qoftë se nuk plotësohen kushte për zgjedhje të drejta dhe demokratike.
Në tekst nuk ka asnjë deklaratë nga ndonjëri nga 113 anëtarët e këshillit qendror të partisë, që do ta vërtetonte informatën se situata me të vërtetë ka qenë e tensionuar dhe dramatike, siç thuhet në materialin që e recensojmë.
Artikullit i mungon edhe deklarata e liderit të LSDM-së, Zoran Zaev, të dhënë menjëherë pas përfundimit të këshillit qendror, ku ai thotë se KQ-ja e LSDM-së ka dhënë përkrahje unanime për vendimin e udhëheqësisë.
“Lidhja Socialdemokrate mbrëmë kishte debat të frytshëm dhe solli vendim unannim. LSDM-ja nuk do të marrë pjesë në zgjedhjet e 24 prillit. Përfundimet që i sollëm në Këshillin qendror pas debatit janë: zgjedhjet e drejta, të rregullta dhe demokratike janë imperativ, e jo data e zgjedhjeve. Maqedonisë nuk i duhen edhe një palë zgjedhje të parregullta. Prandaj, ndryshimi i datës së zgjedhjeve nuk është dëshirë e opozitës, por nevojë për implementimin e plotë të Marrëveshjes së Përzhinës”, tha Zaevi pas përfundimit të Këshillit qendror.”
Një tekst relevant, gjithsesi, duhet ta ketë këtë deklaratë të Zaevit, si informatë zyrtare për atë që ka ndodhur në organin qendror të partisë.
Në këtë artikull thuhet se anëtarët e këshillit qendror, nga i ashtuquajturi krah i Shkupit, të cilët nuk kanë pasur mendim të njëjtë si Zaevi, kur i kanë shprehur argumentet e tyre janë ballafaquar me fishkëllima, bërtitje dhe sharje.
Përveç këtij spekulimi që është dhënë nga burime anonime, teksti nuk është i mbështetur me asnjë dëshmi se atmosfera ka qenë nën nivelin e kulturës politike. Askund në të nuk ka deklaratë nga anëtarët e “krahut të Shkupit”, e as që thuhet se ata janë kontaktuar për ta dhënë qëndrimin e tyre. Pa deklaratat e tyre, artikulli nuk ka argumentim të qëndrueshëm se atë që e pohon me të vërtetë ka ndodhur.
Teksti, i shkruar në stilin e tashethemeve, shërben që t’i çojë lexuesit të mendojnë se ka përçarje në LSDM, se vendimet që i merr udhëheqësia nuk mbështeten nga anëtarët e partisë, dhe me këtë aludohet se vendimi i lartëpërmendur nuk ka mbështetje as në mesin e qytetarëve.
Një produkt gazetaresk nuk guxon të mbështetet vetëm në spekulime, e njëkohësisht t’i fshehë deklaratat zyrtare që ta shtrembërojë realitetin dhe të krijojë pasqyrë të manipuluar në publik.
INFOGRAPHIC
TRUTHFULNESS
ka fakte
nuk mund të përcaktohet saktësia e pohimeve
nuk mund të përcaktohet vërtetësia e deklaratave
SOURCES OF INFORMATION
ka burime të evidentuara
anonime
jorelevante
nuk mund të përcaktohet
një palë
EXTENSIVENESS
jogjithëpërfshirës
informata të fshehura
BIAS
nuk mund të përcaktohet
ka shtrembërim të së vërtetës (spin)
nuk mund të përcaktohet
mban anën e një pale
anshmëri politike
COMMENTING
ka elemente të komentimit
të integruara me faktet
PLAGIARISM
kopje të plotë
është theksuar burimi me link
TITLE QUALITY
dezinformon
jokreativ
senzacionalist
adekuat
tendencioz
PHOTOGRAPH
ka
adekuate
as manipulon as informon - është vënë vetëm si ilustrim
është theksuar autori (burimi)
HATE SPEECH
nuk ka gjuhë ofenduese
nuk ka gjuhë të urrejtjes
nuk nxit për përdorimin e dhunës
nuk diskriminon
EDITED FOR THE WEB
i lexueshëm
elemente kualitative multimediale
ka linke kontekstuale
i rregulluar në aspekt stilistik
i lidhur me tag-e