Thashethemet nuk kanë vend në lajme
Published in Recensione
on 9 - 08 - 2016 Author: Xhenis Sulimani[Recension: “Kush krisi mbrëmë me kallashnikov në Tetovë?”]
Serioziteti i lajmit varet nga burimet, në të cilat bazohet ai. Nëse lajmi pretendon të jetë serioz dhe brenda kornizave të standardeve profesionale, i njëjti nuk mund të bazohet në thashetheme.
Linku deri te artikulli origjinal: “Kush krisi mbrëmë me kallashnikov në Tetovë?”
Data dhe koha e publikimit: 03.08.2016
Data e recensionit: 06.08.2016
Recensues: Xhenis Sulimani
Lajmi që po e recensojmë burim kryesor i ka thashethemet. Raporton për krisma në qytetin e Tetovës, thotë se krismat kanë shqetësuar qytetarët, por në asnjë moment nuk tenton të vërtetojë thashethemet që pretendon t’i “shesë” si lajm. Në vend që të argumentojë informacionin me ndonjë argument plus, teksti vazhdon me “thuhet se bëhet fjalë…”, duke mos dhënë asnjë të dhënë zyrtare, e as duke mos treguar ose dëshmuar tendencë për të arritur deri te ato.
“Krisma në Tetovë me Kallashnikov shqetësuan mbrëmë banorët e Tetovës. Krismat u dëgjuan rreth orës 20:50 dhe vinin nga Reçica e Vogël. Sipas thashethemeve një makinë BMË me targa të Shkupit ka krisur afër një lokali në këtë lagje. Thuhet se bëhet fjalë për qërim hesapesh mes bandave!. Nga policia nuk ka asgjë zyrtare deri në këto momente”.
Gazetari me të drejtë mund të shtrojë pyetje të ndryshme që janë në interes të publikut, por atyre duhet t’u gjejë përgjigje. Në produktin që po e recensojmë parashtrohet pyetja në titull, mirëpo përgjigjja e saj nuk gjendet në tekst. Opinionit i interesojnë lajme objektive, të sakta dhe të plota, e jo pyetje, përgjigja e të cilave pretendohet t’u servohet me thashetheme. Mediat duhet të jenë burim i së vërtetës, e jo burim i thashethemeve.
Kodi etik gazetaresk mëson se saktësia e informacionit duhet të provohet sa më shumë që të jetë e mundur.
“Provimi i të dhënave dhe saktësia janë imperativ moral i gazetarisë, prandaj gazetari është i obliguar ta provojë informacionin prej sa më shumë burimeve, të paktën prej dy burimeve të pavarura.”.
INFOGRAPHIC
TRUTHFULNESS
nuk ka fakte
nuk mund të përcaktohet saktësia e pohimeve
nuk mund të përcaktohet vërtetësia e deklaratave
SOURCES OF INFORMATION
ka burime të evidentuara
jozyrtare
jorelevante
1 burim
EXTENSIVENESS
jogjithëpërfshirës
ndoshta ka informata të fshehura
BIAS
nuk mund të përcaktohet
nuk mund të përcaktohet
nuk mund të përcaktohet
nuk aplikohet
COMMENTING
PLAGIARISM
vepër origjinale
nuk është theksuar autori
TITLE QUALITY
nuk informon
jokreativ
senzacionalist
i paqartë
PHOTOGRAPH
ka
adekuate
as manipulon as informon - është vënë vetëm si ilustrim
është theksuar autori (burimi)
HATE SPEECH
nuk ka gjuhë ofenduese
nuk ka gjuhë të urrejtjes
nuk nxit për përdorimin e dhunës
nuk diskriminon
EDITED FOR THE WEB
i lexueshëm
nuk aplikohet
nuk ka linke kontekstuale
i parregulluar në aspekt stilistik
i palidhur me tag-e