Titull në “offside” që nxit urrejtje

on 14 - 09 - 2016 Autor: Xhenis Sulimani

Këtë postim mund ta lexoni edhe në: Maqedonisht

Gazetari, meqë parimisht ka synim interesin publik, duhet të identifikojë raste kur ka nxitje të urrejtjes apo nxitje të dhunës dhe t’i dënojë të njëjtat. Megjithatë, në asnjë moment nuk guxon të jetë promovues i këtyre devijimeve shoqërore, apo të tentojë që nëpërmes produkteve gazetareske të nxisë urrejtje.

Linku deri te artikulli origjinal: “Rezhanoc-Kumanovë: Maqedonasi ka mbledhur armë për t`i mbytur shqiptarët”

Data dhe koha e publikimit: 08.09.2016

Data e recensionit: 09.09.2016

Recensues: Xhenis Sulimani

Produkti gazetaresk që po e recensojmë ka titull, shprehur në gjuhën sportive, komplet “offside”(në pozitë jashtë loje), në raport me përmbajtjen.

Tragjedia më e madhe është se titulli nxit urrejtje, me gjasë dhe dhunë. “Rezhanoc-Kumanovë: Maqedonasi ka mbledhur armë për t`i mbytur shqiptarët”, është titulli i tekstit. Ndërkaq, në tekst raportohet për kapjen e një sasie të madhe të armëve në fshatin Rezhanocë të Kumanovës dhe asgjë më shumë.

“Në shtëpinë e I.A.(54) nga fshati Rezhanovc i Kumanovës është gjetur një sasi e madhe e armëve dhe municionit.

Policia e Kumanovës ka kryer kontroll në shtëpinë dhe hapësirat shtesë të një shtëpie në Rezhanoc të Kumanovës ku ka gjetur: një pushkë automatike, një pushkë ajrore, 69 plumba të kalibrave të ndryshme, shtatë patrona për pushkë gjuetie, tre patrona të pagjuajtura, një armë të gjatë, etj. Një pjesë e armëve ka qenë pa leje, ndërsa pjesa tjetër me leje, transmeton TetovaSot.”

Në përmbajtje, që kryesisht është njoftimi i SPB-së Kumanovë, askund nuk përmendet qëllimi i posedimit të municionit. Çka do të thotë se titulli tendencioz me qëllim arritjen e senzacionit për të tërhequr një klikim plus, nuk ka të bëjë asgjë me përmbajtjen e tekstit.

Liria e shprehjes është në interes publik, por gazetari këtë privilegj nuk duhet ta përdorë për të dhënë alarm të rrejshëm. Nuk është në interes të publikut të krijohet pasiguri në shoqëri pa nevojë.

“Gazetari nuk do të flasë me gjuhën e urrejtjes dhe nuk do të nxisë dhunë dhe diskriminim në asnjë bazë” (Neni 10 i Kodit të sjelljes).

Ky recension është përgatitur nga kuadër të Projektit të USAID-it për përforcimin e mediumeve në Maqedoni – Komponenta Shërbimi për verifikimin e fakteve nga mediumet, që implementohet nga fondacioni Metamorfozis.. Ky recension është mundësuar me përkrahjen e Agjencisë amerikane për zhvillim ndërkombëtar (USAID). Përmbajtja e analizës është përgjegjësi e autorit dhe nuk i paraqet qëndrimet e fondacionit Metamorfozis, USAID-it ose të qeverisë së SHBA-ve. Për më tepër informata për punën e USAID-it në Maqedoni, ju lutemi vizitoni ueb-faqen e USAID-it: (http://macedonia.usaid.gov) dhe faqen e USAID-it në Facebook: (www.facebook.com/USAIDMacedonia).

INFOGRAFIKU

VËRTETËSIA

ka fakte

pohime të sakta

deklarata të vërteta

BURIMET E INFORMATAVE

ka burime të evidentuara

zyrtare

1 burim

një palë

PËRMABJTËSIA

nuk ka informata të fshehura

ANSHMËRIA

pjesërisht e paraqet të vërtetën

ka shtrembërim të së vërtetës (spin)

informata të rrejshme

nuk aplikohet

anshmëri tjetër

KOMENTIMI

nuk ka elemente të komentimit

PLAGJIATURA

vepër origjinale

nuk është theksuar autori

KUALITETI I TITULLIT

dezinformon

jokreativ

senzacionalist

joadekuat

tendencioz

FOTOGRAFIA

adekuate

as manipulon as informon - është vënë vetëm si ilustrim

nuk është theksuar autori (burimi)

GJUHA E URREJTJES

nuk ka gjuhë ofenduese

gjuhë e urrejtjes

nxit për përdorimin e dhunës

nuk diskriminon

I PËRSHTATUR PËR UEB

i lexueshëm

nuk aplikohet

nuk ka linke kontekstuale

i parregulluar në aspekt stilistik

i palidhur me tag-e

Shërbim për verifikim të fakteve në media