Titull tendencioz, tekst i njëanshëm dhe lajm i paplotësuar!
Published in Recensione
on 19 - 09 - 2016 Author: Adrian Kerimi[Recension: Kur ka tërmet rojet e burgut në Idrizovë ikin jashtë, të burgosurit ngelin brenda]
Në raste kur ka fatkeqësi natyrore, roli i mediumeve duhet të jetë konstruktiv, e jo hiperbolizues. Gazetarët janë ata, të cilët duhet të parët të respektojnë dhembjen shpirtërore të palëve, prej të cilëve bën një lajm. Nuk është e thënë se duke alarmuar për gjithçka për të cilën kemi informuar, pasi që në raste të tilla mund të nxitet panik, e ata që humbin më së shumti janë qytetarët.
Teksti që po recensojmë është bërë duke u bazuar vetëm në një deklaratë, autenticiteti i së cilës nuk është përcaktuar. Bazuar në këtë deklaratë është vendosur edhe titulli, i cili pa fakte mbështetëse nuk ka aspak nuancë profesionale.
Konstatimi i dhënë në titull, profesionalisht nuk mban peshë. Mbase do të kishte bazë profesionale, nëse do të ishte citat, mirëpo si i tillë nuk mund të vendoset as nga gazetari as nga redaktori. Për atë që është thënë, në përmbajtje nuk ka fakte dhe dëshmi relevante se vërtet ndodh në burgun e Idrizovës.
Një i burgosur i shqetësuar ka dërguar disa fotografi në adresë të portalit TetrovaSot ku shihen të burgosurit brenda në qeli gjatë tërmetit të mbrëmshëm rreth orës 01 e 32 minuta me magnitudë lokale të Rihterit prej 3.2 ballësh. Të burgosurit që kanë dërguar letër thonë se gjenden në katin e katërt dhe sa herë që ka tërmet rojet ikin jashtë ndërsa ne ngelim brenda.
Linku deri te artikulli origjinal: “Kur ka tërmet rojet e burgut në Idrizovë ikin jashtë, të burgosurit ngelin brenda”
Data dhe koha e publikimit: 14.09.2016
Data e recensionit: 14.09.2016
Recensues: Adrian Kerimi
Për të hequr dyshimet dhe për të qetësuar shqetësimet dhe panikun, gazetari është i obliguar që të kërkojë qëndrim zyrtar nga drejtuesit. Qëndrimi zyrtar në këtë rast do të konfirmonte ose përgënjeshtronte deklaratën e të burgosurit. Pala e dytë gjithnjë është balancë dhe element i patjetërsueshëm i informimit objektiv.
“Gjindenemi ne katin e 4 me dyrt e mshelta, saher qe dridhet rojet e burgit ikin jashte e te burgosurit me dyr te mshelta. Ju kisha lut per hir te Zotit nese keni pak zemer shkruni sa te mundeni se jemi shum keq, ata jashte jene dhe kena tut, po ne mrena ku gjdo moment jemi te pambrojtur” thuhet në letrën shqetësuese të tyre.
Lajmi ka mundësi plotësimi dhe kompletimi, nëse vërtet qëllimi i autorit ka qenë që të denoncojë një tragjedi si kjo, për të cilën flitet. Në këtë drejtim, mundësi për burim tjetër ka qenë edhe Ministria e Drejtësisë, Avokati i Popullit dhe Drejtoria për Ekzekutimin e Sanksioneve pranë Ministrisë për Drejtësi. Tre palët e përmendura janë burime, të cilat mund t’i japin drejtim profesional lajmit, mbi të gjitha, sepse janë relevante për të kërkuar përgjegjësi për fatin dhe sigurinë e të burgosurve.
INFOGRAPHIC
TRUTHFULNESS
nuk ka fakte
nuk mund të përcaktohet saktësia e pohimeve
nuk mund të përcaktohet vërtetësia e deklaratave
SOURCES OF INFORMATION
ka burime të evidentuara
jozyrtare
1 burim
një palë
EXTENSIVENESS
jogjithëpërfshirës
ndoshta ka informata të fshehura
BIAS
nuk mund të përcaktohet
nuk mund të përcaktohet
nuk mund të përcaktohet
është i njëanshëm
anshmëri tjetër
COMMENTING
nuk ka elemente të komentimit
PLAGIARISM
nuk mund të përcaktohet
nuk është theksuar autori
TITLE QUALITY
nuk informon
jokreativ
senzacionalist
joadekuat
tendencioz
PHOTOGRAPH
ka
joadekuate
manipulon
nuk është theksuar autori (burimi)
HATE SPEECH
nuk ka gjuhë ofenduese
nuk ka gjuhë të urrejtjes
nuk nxit për përdorimin e dhunës
nuk diskriminon
EDITED FOR THE WEB
mesatarisht i lexueshëm
elemente jokualitative multimediale
nuk ka linke kontekstuale
i parregulluar në aspekt stilistik
i palidhur me tag-e