Urrejtje e padëshmuar dhe e paadresuar në mënyrë gazetareske
Published in Recensione
on 22 - 12 - 2016 Author: Fatlume Dervishi
[Recension: “FOTO: Ja çfarë i dëshiron Ordanovski qytetarëve”]
Artikulli është i mbushur me komente dhe vlerësime personale të autorit, si për fenomenin ashtu edhe për personalitetin e personit, të cilit i referohet teksti. Që në titull, jepet një përshtypje e gabuar duke aluduar për një person e duke shkruajtur në fakt për dikë tjetër, por kjo nuk është mangësia e vetme e përmbajtjes.
Linku deri te artikulli origjinal: “FOTO: Ja çfarë i dëshiron Ordanovski qytetarëve”
Data e publikimit: 19.12.2016, 15:32
Data e recensionit: 21.12.2016
Recensues: Fatlume Dervishi
Titulli i jep lexuesit përshtypjen se flitet për Sasho Ordanoskin, që njihet si fytyrë publike, por në fakt flitet për vëllain e tij. Teksti merret me mendimet personale të një individi “që prezentohet si analist” në profilin e tij personal në rrjetin social Twitter. Mendimet e tija personale në tekst janë pasqyruar si “deklarata të ekspertëve dhe analistëve të afërm me Sorosin dhe mediat opozitare”.
“Gjuha e urrejtjes dhe përpjekja për të ndarë qytetarët në baza partiake. Gjitha këto I karakterizojnë deklaratat e ekspertëve dhe analistëve për të afërmit e SOROS-it dhe mediumet opozitare.
Njerëzit e afërt të SOROS-it dhe LSDM-së në mënyrë aktive përdorin rrjetet sociale për të paraqitur qëndrimet e tyre, nësë ashtu mund të kuptohen kërcnimet e shumta, gjuha e urrjetjes të cilat rregullisht janë pjesë e fjalorit të përditshëm të Soros dhe LSDM-së.
Vëllau i Sasho Ordanovksi i cii prezentohet si analist e shfrytëzon Tëitter-in me pseudonimin MindPlumber. Ai rregullisht poston “pikëpamjet” e tij, ku gjuha e urrjetjes dhe vulgare janë pjesë përbërëse e tij.”
Përgjithësimet shpeshherë nuk janë të preferueshme, sidomos në gazetari. Kjo, sepse një njeri dhe mendimet e tija nuk përfaqësojnë qëndrimet e një organizate të tërë, sidomos nëse nuk kemi dëshmi për lidhje të drejtpërdrejtë mes tij dhe asaj organizate. Nëse vërtetë ka pasur shqetësim nga gjuha që është përdorur në këtë profilin në rrjetet sociale, duke u nisur nga arsyeja që bëhet fjalë për një person publik, gjatë bërjes së tekstit mund të ishte kërkuar vlerësimi i pronarit të profilit, por edhe e njohësve të fushës, organeve kompetente, etj. Qëndrimi i tyre do t’i jepte një ton objektiv tekstit dhe do ta bënte atë më pak tendencioz dhe të njëanshëm.
Duhet të theksohet se postimet e personit të apostrofuar (nëse vërtetë janë të tij, sepse përmabjtja nuk saktëson ose dëshmon këtë ashtu siç kërkojnë standardet e gazetarisë) janë trajtuar thjeshtë nga aspekti gjuhësor, e jo nga përmbajtja dhe motivet.
- Zgjedhja e fakteve patjetër të sigurojë informacion objektiv duke pasur parasysh të gjitha apektet e rëndësishme të temës që trajtohet.
- Çdoherë duhet të përpiqet të ruhet konteksti original i të gjitha deklaratave ose pjesëve të veçuara. Raportimi gazetaresk nuk guxon ta ndryshojë kuptimin e fjalisë ose deklaratës. – thuhet në Kodin Etik të Gazetarëve.
INFOGRAPHIC
TRUTHFULNESS
nuk ka fakte
nuk mund të përcaktohet saktësia e pohimeve
nuk mund të përcaktohet vërtetësia e deklaratave
SOURCES OF INFORMATION
nuk ka burime të evidentuara
1 burim
një palë
EXTENSIVENESS
jogjithëpërfshirës
ndoshta ka informata të fshehura
BIAS
nuk mund të përcaktohet
ka shtrembërim të së vërtetës (spin)
nuk mund të përcaktohet
mban anën e një pale
anshmëri politike
COMMENTING
ka elemente të komentimit
të integruara me faktet
PLAGIARISM
nuk mund të përcaktohet
TITLE QUALITY
dezinformon
jokreativ
senzacionalist
joadekuat
tendencioz
PHOTOGRAPH
ka
adekuate
informon
është theksuar autori (burimi)
HATE SPEECH
gjuhë ofenduese
nuk ka gjuhë të urrejtjes
nuk nxit për përdorimin e dhunës
nuk diskriminon
EDITED FOR THE WEB
mesatarisht i lexueshëm
nuk ka elemente multimediale
ka linke kontekstuale
pjesërisht i rregulluar në aspekt stilistik
i palidhur me tag-e