Verifikimi është prioritet i gazetarit
Published in Recensione
on 2 - 11 - 2015 Author: Xhenis Sulimani[Recension: “Bashkë me Musa Xhaferin, do të dorëhiqet edhe Abdilaqim Ademi”]
Prioritet i gazetarit është verifikimi i fakteve. Raportimi i lajmeve të paverifikuara është jasht standardeve të gazetarisë dhe në kundërshtim me kodin etik gazetaresk. Teksti që po e recensojmë është spekulues sepse në asnjë moment nuk jep fakte për informacionin që e plason në opinion.
Linku deri te artikulli origjinal: Bashkë me Musa Xhaferin, do të dorëhiqet edhe Abdilaqim Ademi
Data dhe koha e publikimit: 20.10.2015
Data e recensionit: 30.10.2015
Recensues: Xhenis Sulimani
Është fjala për një informatë të rëndësishme që njofton për planifikimin e dorëheqjes së dy prej figurave të rëndësishme të Bashkimit Demokratik për Integrim nga postet që mbajnë aktualisht.
“Bashkë me zëvendëskryeministrin Musa Xhaferi, dorëheqje do të japë edhe ministri i arsimit Abdilaqim Ademi, shkruan portali Libertas. Burime partiake kanë thënë se të dy ata do t’i lëshojnë postet që kanë aktualisht në qeverinë e Gruevskit.”
Duke bërë publik emrat e tyre, lajmi merr peshë më të madhe dhe përgjegjësia për informacionin që publikohet rritet. Vërtetë që produkti gazetaresk transmeton lajmin e shkruar nga një portal maqedonas por autori i këtij teksti ka mundur ta verifikojë informacionin duke marr qëndrimin nga personat, emrat e të cilëve janë lakuar në tekst. Por jo, gazetari as që ka tentuar.
Normalisht që largimi nga posti i dy funksionarëve shqiptar do të ishte habi për opinionin prandaj arsyet që jepen duhet të ishin të qëndrueshme dhe jo kaq joserioze. Këtë do të mund ta kishin vërtetuar ose ta kishin hedhur poshtë burime të partisë në fjalë.
“Marrim vesh se çdo ditë shtohet numri i të pakënaqurve brenda BDI-së nga Xhaferi dhe Ademi.”
Krijimi i besueshmërisë te lexuesi është ndër misionet më të rëndësishme të gazetarit por ky nuk është informacion relevant që krijon besueshmëri te lexuesi. Atë që merr vesh gazetari duhet ta bazoj së paku në dy burime. Ndryshe mbetet spekulim i parëndësishëm.
Kodi etik gazetaresk na mëson se nëse informata nuk mund të vërtetohet, ose bëhet fjalë për supozim, përkatësisht spekulim, kjo duhet të thuhet dhe të publikohet. Informacionet e pakonfirmuara duhet të trajtohen me rezerva nga gazetari dhe t’i bëhet me dije publikut që edhe ai t’i trajtojë si të tilla. Saktësia e informatës duhet të provohet sa më shumë të jetë e mundur.
INFOGRAPHIC
TRUTHFULNESS
nuk ka fakte
pohimet jo të sakta
deklarata jo të vërteta
SOURCES OF INFORMATION
ka burime të evidentuara
jozyrtare
jorelevante
1 burim
një palë
EXTENSIVENESS
jogjithëpërfshirës
ndoshta ka informata të fshehura
BIAS
ka shtrembërim të së vërtetës (spin)
informata të rrejshme
mban anën e një pale
anshmëri politike
COMMENTING
ka elemente të komentimit
PLAGIARISM
kopje të plotë
nuk është theksuar autori
TITLE QUALITY
dezinformon
jokreativ
senzacionalist
adekuat
tendencioz
PHOTOGRAPH
ka
adekuate
as manipulon as informon - është vënë vetëm si ilustrim
nuk është theksuar autori (burimi)
HATE SPEECH
nuk ka gjuhë ofenduese
nuk ka gjuhë të urrejtjes
nuk nxit për përdorimin e dhunës
EDITED FOR THE WEB
mesatarisht i lexueshëm
nuk aplikohet
nuk ka linke kontekstuale
i parregulluar në aspekt stilistik
i palidhur me tag-e