[Recension: Video: Ja si duket një intervistë e paporositur dhe një intervistë e porositur nën kontrollin e LSDM-së]

Publikim i njëanshëm joprofesional ideja e të cilit është ta dëmtojë autoritetin e prokurores speciale publike. Vetë titulli tendencioz paralajmëron se çfarë teksti i njëanshëm politik u prezantohet lexuesve.

Linku deri te artikulli origjinal: Video: Ja si duket një intervistë e paporositur dhe një intervistë e porositur nën kontrollin e LSDM-së

Data dhe koha e publikimit: 21.09.2016, 09:29

 ZVËRLEVSKI ËSHTË SUPER, JANEVA NUK BËN!

Për këtë artikull nuk është kontestues fakti që materiali i papërpunuar është lëshuar në publik edhe atë nga transmetuesi nacional, që paguhet me para të popullit. Në vend të kësaj, në tekst bëhet krahasim i paraqitjes së Janevës me një intervistë të prokurorit publik, Marko Zvërlevski në një medie private, me ç’rast ai hashiqare lavdërohet:

 Рrokurori publik republikan, Marko Zvërlevski, para pothuajse një viti, më saktë më 15 tetor të vitit të kaluar ishte mysafir i gazetarit Çomovski në emisionin “Top Tema” ku u përgjigj në dhjetëra pyetje të pavolitshme dhe nënpyetje provokative.

Është e paqartë se me çfarë metodologjie është konstatuar se bëhet fjalë për bisedë provokative dhe se “dhjetëra pyetjet” kanë qenë të pavolitshme. Artikulli thotë se publiku profesional ka konstatuar se “edhe përkundër pyetjeve të paqarta dhe tendencioze, Zvërlevski me fakte dhe argumente ka arritur të përgjigjet me sukses dhe ta prezantojë me vërtetësi punën e tij.” Mirëpo, teksti nuk jep përgjigje në pyetjen: cilët janë ata ekspertë që kanë bërë një konstatim të këtillë?

Komentet e këtilla të qarta e bëjnë të qartë idenë për madhërim të prokurorit publik Zvërlevski, gjë që shihet edhe në paragrafin e mëposhtëm:

Për dallim nga Zvërlevski, sipas standardeve të turpshme të imponuara nga redaktori i LSDM-së në transmetuesin nacional, Katica Janeva u përgjigj në pyetje qesharake, të përgatitura që më parë, pa asnjë provokim në to.

KRAHASIM TENDENCIOZ

Qasja e këtillë le përshtypje se lavdërimet që i janë bërë Zvërlevskit përdoren për ta diskredituar Janevën, ndërsa komentet që radhiten në vazhdim e vërtetojnë këtë:

Nuk u pyet se pse nuk i ka paraqitur kërcënimet ndaj Kosta Kërpaçit, në qoftë se me të vërtetë ka pasur të tilla? Nuk u pyet se pse ka nevojë për këshilltatë për LPP, kur si juriste duhet ta njohë ligjin? Nuk u pyet për punësimin e vajzave, djemve dhe të afërmve në PSP? Për presionet mbi dëshmitarët? Nuk u pyet për rrjedhjen e informatave për hetimet dhe shkeljen e paligjshme të parimit të fshehtësisë? Nuk u pyet për banesat, fiqet dhe rrogat e mëdha?

Bëhen akuza të pakonfirmuara të llojit: “punësime të vajzave, djemve dhe të afërmve në PSP”. Ka edhe (dez)informata për “banesat, fiqet dhe rrogat e mëdha” (për çfarë fiqesh bëhet fjalë?!) Poashtu, sugjerohet se si një medie tjetër është dashur ta realizojë intervistën, në vend që vetë kjo medie të kërkojë intervistë nga personi që është subjekt i kritikës nëpërmjet spineve dhe komenteve. Pa i përmendur burimet e shfrytëzuara komentohet se redaktori partiak i LSDM-së disa tema i ka konsideruar si jorelevante, de RTVM-ja fsheh detaje për rastin “Puçi”, dhe në fund e jep këë përfundim:

Sjellje e turpshme e TVM-së dhe nën çdo standard profesional. Sjellje që nuk duhet të kalojë vetëm me kërkim të faljes nga shkikuesit, por me përgjegjësi nga ata që e shkatërrojnë imazhin e medies kombëtare.

Marrë në përgjithësi ky produkt manipulues është përpiluar në atë mënyrë që bën spin duke e krahasuar prokurorin publik dhe prokuroren speciale publike, me këtë rast duke e lavdëruar të parin në dëm të të dytës. Spini plotësohet edhe me një seri të konstatimeve jokonsekuente, pastaj me pyetje (informata) paushalle të cilat i parashtroi edhe një qendër partiake, dhe në fund, përsëri duke përdorur konstatime pa asnjë atribuim dhe citim të burimeve komentohet pa standarde profesionale!