Vlerësimi i figurave politike zhvlerëson gazetarin
Published in Recensione
on 28 - 01 - 2016 Author: Xhenis Sulimani[Recension: “I pamposhturi, Ali Ahmeti”]
I verbëruar pas propagandës dhe tendencës për ta lartësuar një figurë politike gazetari shpesh del nga korniza profesionale. Asnjë gazetar që përshkruan realitetin si parajsë, që sheh perfeksionin në figurën e liderit të tij dhe që përpiqet në këtë mënyrë “t’i verbojë” edhe lexuesit e tij, nuk meriton të quhet ti tillë.
Linku deri te artikulli origjinal: “I pamposhturi, Ali Ahmeti”
Data dhe koha e publikimit: 16.01.2016
Data e recensionit: 22.01.2016
Recensues: Xhenis Sulimani
Teksti me titull: “I pamposhturi, Ali Ahmeti” i ngjan një fjalimi në podiumin e një mitingu partiak të BDI-së. Tendenca e produktit vërehet që në titull.
“Gjersa qeveritë binin Ali Ahmeti nuk po binte dot. Qeverisi me Branko Cërvenkovskin, Branko iku Ali Ahmeti mbeti, pas këtij erdhi Hari Kostov i cili poashtu iku por Ahmeti kurrsesi. Kryeministër tjetër që u rrëzua ishte Buçkovski por Ali Ahmeti fitoi përsëri. Në fund erdhi Gruevski”.
Gazetaria është për të mirën e përgjithshme dhe propaganda nuk ka asgjë të bëje me gazetarinë. Kodi etik gazetaresk, propagandat politike, i vlerëson si shkelje të standardeve profesionale. Propaganda për ndonjë parti politike ose opsion nuk ka asgjë të përbashkët me profesionin e gazetarit.
Ndryshe, teksti nuk është i balansuar dhe lexuesi e ka të pamundur të dijë se fjalët e shkruara janë të gazetarit apo të ndokujt tjetër. Duket se teksti nuk është shkruar për të qenë lajm. Pse ka përfunduar në rubrikën e aktualiteteve, nuk është e qartë.
Teksti flet për realizim ëndrre, për shpresë, për hapjen e mundësive, për eurointegrime, thuajse se po përshkruan parajsën e sjellur nga “i pamposhturi”.
“Duke hapur universitete. Drejt realizimit të ëndrrës. Drejt shpresës së madhe. Drejt rrugës euroatlantike. Koha e të tjerëve përfundoi. Koha e tij veçse ka filluar. Dikur u pat thënë: Ashtu siç ju munda në luftë, do ju mundi edhe në paqe. Dikur thënie. Dje e vërtetë. U tha, U bë.”
Tek në fund kuptojmë se teksti është marrë nga një faqe fantome që merret me propagandë partiake. Media mund të marrë informacione nga rrjetet sociale ose faqe interenei atëherë kur autorët e tyre janë burime të sigurta, të besueshme dhe kompetente. Ai tekst më pas, pas verifikimeve mund të trajtohet si një nga burimet e lajmit. Nuk është normale që të merret një tekst i tërë, pa përpunim, pa autor dhe pa asnjë kompetencë, dhe ai të zërë vend në një media.
Trajtimi i tekstit ndërkohë nuk është sipas piramidës së përmbysur por është trajtim kronologjik, e kundërta e asaj që është normë për lajmin.
Nëpërgjithsi kemi një tekst që nuk përmbush standarded e gazezarisë si nga aspekti teknik ashtu edhe etik, sepse qëllimi i tij është vlerësojë një figurë politike dhe jo të informojë.
INFOGRAPHIC
TRUTHFULNESS
Propagandë
nuk mund të përcaktohet saktësia e pohimeve
nuk mund të përcaktohet vërtetësia e deklaratave
SOURCES OF INFORMATION
nuk ka burime të evidentuara
nuk mund të përcaktohet
një palë
EXTENSIVENESS
jogjithëpërfshirës
informata të fshehura
BIAS
pjesërisht e paraqet të vërtetën
ka shtrembërim të së vërtetës (spin)
informata të rrejshme
mban anën e një pale
anshmëri politike
COMMENTING
ka elemente të komentimit
të ndara nga faktet
PLAGIARISM
vepër origjinale
nuk është theksuar autori
TITLE QUALITY
nuk informon
jokreativ
senzacionalist
adekuat
tendencioz
PHOTOGRAPH
ka
adekuate
as manipulon as informon - është vënë vetëm si ilustrim
nuk është theksuar autori (burimi)
HATE SPEECH
nuk ka gjuhë ofenduese
nuk ka gjuhë të urrejtjes
nuk nxit për përdorimin e dhunës
EDITED FOR THE WEB
i lexueshëm
nuk aplikohet
nuk ka linke kontekstuale
i parregulluar në aspekt stilistik
i palidhur me tag-e