[Recension: FOTO: Shihni se sa rroga marrin prokurorët e PSP-së]

Ashtu siç rritet frekuenca e personave që ftohen për t’u marrë në pyetje ose si dëshmitarë në Prokurorinë speciale publike, ashtu edhe është duke u forcua edhe fushata negative e disa medieve ndaj këtij institucioni.

Linku deri te artikulli origjinal: FOTO: Shihni se sa rroga marrin prokurorët e PSP-së

Data dhe koha e publikimit: 28.08.2016, 19:43

Data e recensionit: 04.09.2016

Recensues: Simona Atanasova

NUK KA SQARIM PSE JANË RROGAT TË TILLA

Me këtë artikull bëhet përpjekje të diskreditohet puna e PSP-së. Tekstet e këtilla me gjithë forcën përpiqen të tregojnë se prokurorët nga kjo prokurori nuk i meritojnë paratë që i fitojnë. E rrogat që i marrin prokurorët publikë nga PSP-ja janë të parapara me Ligjin për prokurorinë publike për ndjekjen e veprave penale që dalin nga dhe që lidhen me përmbajtjen e ndjekjes së paligjshme të komunikimeve dhe me Ligjin për ndryshimin dhe plotësimin e ligjit për shërbimin e prokurorisë publike, të cilat i votuan deputetët e të gjitha partive politike në Kuvend.

Në Ligjin për prokurorinë publike për ndjekjen e veprave penale që dalin nga dhe që lidhen me përmbajtjen e ndjekjes së paligjshme të komunikimeve, në mënyrë kategorike thuhet se rrogat e prokurorëve në PSP janë të ngjashme me rrogat e prokurorëve në Prokurorinë themelore publike për ndjekjen e krimit të organizuar dhe korrupsionit.

XIII. Financimi dhe mjetet administrative
Neni 14
(2) Rroga e prokurorëve publikë në Prokurorinë publike përcaktohet në lartësi të rrogave të prokurorëve publikë në Prokurorinë themelore publike për ndjekjen e krimit të organizuar dhe korrupsionit.

Dispozitë të ngjashme ka edhe në Ligjin për ndryshimin dhe plotësimin e ligjit për shërbimin e prokurorisë publike, që u votua nga deputetët më 31 dhjetor të vitit 2015, i cili u soll me kërkesë të PSP-së.

Rroga dhe kompensimet
Neni 120-ј
(3) Vlera e pikës për llogaritjen e rrogave të nëpunësve të prokurorisë publike në Prokurorinë publike përcaktohet çdo vit me vendim të Qeverisë së Republikës së Maqedonisë dhe ajo nuk mund të jetë më e vogël se vlera e pikës që është përcaktuar për nëpunësi e prokurorisë publike të Prokurorive publike.

Shtesat e rrogës
Neni 120-l
(1) Nëpunësi i prokurorisë publike ka të drejtë për shtesat sipas neni 1 të këtij Ligji në mënyrë kumulative, në lartësi deri në 35% nga vlera e rrogës kryesore.

NUK ËSHTË THEKSUAR BURIMI I LISTËS

Pyetja më kontestuese në këtë tekst është se prej ku janë marrë këto informata. Në artikull nuk ka asnjë burim të informatave, e aq më tepër ai është i njëanshëm.

Këto të dhëna mund të fitohen vetëm nëse ato vendos t’i publikojë PSP-ja, Drejtoria për të hyra publike ose Fondi për sigurim pensional dhe invalidor. Mirëpo, në tekst nuk është theksuar se prej ku janë marrë, që le hapësirë të madhe ato të mos jenë të sakta, gjegjësisht të jenë të trilluara.

Теksti është më i varfër edhe për deklaratë nga Prokuroria speciale publike, e cila do t’i vërtetonte pohimet e bëra në qoftë se janë të vërteta ose do t’i demantonte në qoftë se nuk janë të vërteta.

Në këtë mënyrë në mënyrë të vrazhdë është shkelur neni 1 i Kodit të gazetarëve i cili parasheh se gazetari duhet të botojë informata të vërteta e të konfirmuara dhe se nuk do të fshehë të dhëna esenciale e sa nuk do të falsifikojë dokumente.

Qëllimi i këtij teksti është të defokusohet publiku nga puna e Prokurorisë speciale publike dhe hetimet që i bën ajo dhe krijohet një fushatë negative për punën e këtij institucioni.