[Recension: STEVÇOJA DHE BETI U KËNAQËN NË MOSKË – TË PUNËSUARIT NË KOMUNËN E KARPOSHIT PA RROGA!]

Spekulime dhe informata te paverifikuara, të prezantuara në mënyrë komentuese, i ofrohen publikut si “skandal” i vërtetuar. Artikulli është tendencioz dhe senzacionalist, mirëpo nuk ofron asnjë vërtetim se ajo për të cilën shkruan është e vërtetë.

Në tekst është përdorë shprehja “media kupton”, dhe thuhet se informatat janë nga një “pjesë e të punësuarve”, mirëpo nuk ka asnjë deklaratë nga ndonjë i punësuar në komunë, qoftë edhe anonime. Në qoftë se burimet kanë dashur të jenë anonime, kjo është dashur të theksohet në mënyrë adekuate gjë që nuk është bërë në këtë artikull.

Linku deri te artikulli origjinal: STEVÇOJA DHE BETI U KËNAQËN NË MOSKË – TË PUNËSUARIT NË KOMUNËN E KARPOSHIT PA RROGA!

Data dhe koha e publikimit: 11.01.2017

Data e recensionit: 14.01.2015

Recensuese: Simona Atanasova

AS DËSHMI, AS DEKLARATË

Përderisa Stevço Jakimovski me partneren e tij, frizeren Beti harxhon para në pushimin dhjetëditor në Moskë, Rusi, të punësuarit reagojnë se akoman nuk kanë marrë rrogë, kupton Centarnews.net. Të punësuarit e revoltuar informojnë se llogaria e komunës është e bllokuar, dhe ka një nervozë të madhe për shkak se, siç thonë – “dikush me partneren Beti shëtit, e dikush nuk merr rrogë. Jakimovski paratë i harxhoi për festat e Vitit të Ri dhe për Kërshëndella.

Së pari, në tekst nuk ka asnjë dëshmi se kryetari Stevço Jakimovski me të vërtetë ka qenë në pushim në Moskë. As fotografi, as, ndoshta, ndonjë biletë në emrin e tij, e as vërtetim nga vetë Jakimovski. Pastaj, artikulli thotë se Jakimovski për pushimin e tij ka harxhuar para të komunës, ndërsa të punësuarit nuk kanë marrë rrogë. As për këtë akuzë nuk ka dëshmi. Nuk është ofruar asnjë deklaratë nga ndonjë i punësuar në komunën e Karposhit, që do t’i vërtetonte këto akuza. Poashtu, mungon edhe dëshmia se llogaria e komunës është me të vërtetë e bllokuar.

Për asnjërën nga këto spekulime nuk është kërkuar deklaratë zyrtare nga kryetari i komunës, Jakimovski, e as reagim zyrtar nga komuna e Karposhit.

Теksti thotë se komuna e Karposhit është në mesin e komunave më të ngarkuara me borxh në Maqedoni, mirëpo nuk është e qartë se ku e bazon këtë pohim. Nuk është ofruar asnjë raport krahasues për nivelin e borxhit të komunave, e as që është ofruar vërtetim nga ndonjë institucion relevant. E shkruar në këtë mënyrë duket sikur është trillim.

POTENCIM I PANEVOJSHËM I PROFESIONIT

I pahijshëm, e poashtu edhe jorelevant, është potencimi i profesionit të partneres së Jakimovskit. Kujt i intereson se ajo është frizere? Me këtë, në mënyrë të panevojshme nënçmohet një person.

Përveç artikullit, problematike është edhe fotografia. Në fotografinë e Moskës janë montuar Jakimovskit dhe partnerja e tij. Kjo aspak nuk e dëshmon pohimin se ata me të vërtetë kanë qenë në pushim në kryeqytetin e Rusisë.

Теksti i përgatitur në këtë mënyrë shkel një numër të madh të parimeve gazetareske të parapara me Kodin e gazetarëve.

1. Në qoftë se informata nuk mund të konfirmohet, ose nëse bëhet fjalë për supozim, respektivisht spekulim, kjo gjë duhet cekur dhe botuar.
4. Gazetari do ta cekë burimin e informatave, mirëpo, nëse burimi kërkon që të mbetet anonim, gazetari do ta mbrojë atë.
7. Gazetari duhet të respektojë jetën private të njeriut, përveç në rastet kur kjo është në kundërshtim me interesin publik.
13. Gazetarët duhet të bëjnë dallim ndërmjet fakteve dhe mendimeve, ndërmjet lajmit dhe komentit.