Tekst i vogël me titull ‘epik’ – për propagandë të madhe!
Published in Recensione
on 28 - 11 - 2016 Author: Adrian Kerimi
[Recension: Salla “Boris Trajkovski” e vogël për BDI-në e madhe]
Titujt bombastik apo t’i quajmë ‘epik’ janë hyrje adekuate për tekstet propagandistike. Këtë si duket e ka të njohur mirë autori i tekstit që po e recensojmë. Për këtë qëllim, si duket, lajmin është emërtuar me një titull si “salla e vogël për BDI-në e madhe”. Qëllimi propagandistik dëshmohet që në rreshtin e parë (nga rreshtat e pakët), por, mbi gjitha edhe me faktin se botimi ka më shumë foto se sa tekst, ku fotografitë përdoren si dëshmi ultimative për një konstatim që paraqet më shumë tifozëri, se sa gazetari.
Bashkimi Demokratik për Intregrim është gati për fillimin e Konventës promovuese. Salla “Boris Trajkovski” në Shkup është e vogël për aktivistët dhe mbështetësit e BDI-së.
Pavarësisht se “lajmi” është bërë për tubimin e një subjekti, në tekst nuk ka elemente që dëshmojnë se çfarë është folur dhe cilat kanë qenë pikat kryesore të ofertës së atij subjekti të shpalosur gjatë tubimit. Mirëpo, theksi i lajmit këtu nuk është informacioni për ofertën zgjedhore, por dëshmia se partia për të cilën shkruhet ka përkrahje të madhe në elektorat.
Linku deri te artikulli origjinal: “Salla “Boris Trajkovski” e vogël për BDI-në e madhe”
Data dhe koha e publikimit: 20.11.2016
Data e recensionit: 22.11.2016
Recensues: Adrian Kerimi
Në rastet kur raportohet për çështje politike, gazetari duhet të ketë parasysh porositë që dalin nga fjalimet e figurave politike. Në këtë rast nuk kemi asnjë citat, asnjë premtim apo kritikë kundrejt subjekteve tjera, që është e zakonshme në lajme që kanë të bëjnë me fushatën parazgjedhore.
Konventa promovuese e BDI-së mbahet në sallën Boris Trajkovski në Shkup, raporton TetovaSot. Në Konventën e BDI-së do të promovohen kandidatët për deputetë të 7 njësive zgjedhore.
Teksti nuk ka strukturë dhe kjo dëshmohet edhe me mungesën e sfondit. Artikulli përfundon pa epilog. Lexuesi duhet kujtuar se konventa promovuese është bërë në prag të zgjedhjeve parlamentare caktuara për 11 dhjetor, në të cilat BDI do të kandidojë në njësi të caktuara zgjedhore. Lexuesi ka nevojë për informacion, e jo për propagandë. Gazetaria nuk është mjet propagandistik, aq më pak zyrë informimi për aktivitete partiake.
INFOGRAPHIC
TRUTHFULNESS
ka fakte
pohimet jo të sakta
pjesërisht
SOURCES OF INFORMATION
1 burim
një palë
EXTENSIVENESS
jogjithëpërfshirës
informata të fshehura
BIAS
pjesërisht e paraqet të vërtetën
ka shtrembërim të së vërtetës (spin)
nuk mund të përcaktohet
mban anën e një pale
anshmëri politike
COMMENTING
ka elemente të komentimit
të integruara me faktet
PLAGIARISM
nuk mund të përcaktohet
nuk është theksuar autori
TITLE QUALITY
nuk informon
jokreativ
senzacionalist
joadekuat
tendencioz
PHOTOGRAPH
ka
adekuate
manipulon
është theksuar autori (burimi)
HATE SPEECH
nuk ka gjuhë ofenduese
nuk ka gjuhë të urrejtjes
nuk nxit për përdorimin e dhunës
nuk diskriminon
EDITED FOR THE WEB
mesatarisht i lexueshëm
elemente solide multimediale
nuk ka linke kontekstuale
i parregulluar në aspekt stilistik
i palidhur me tag-e