Recension: Nxënëset e shkollave të mesme të Maqedonisë për në shkollë vishen si për në diskotekë (foto +16)

on 24 - 09 - 2014 Author: Мирослава Симоновска

Овој напис го има и на: Maqedonisht

E papranueshme është përpjekja që nëpërmjet disa fotografive të marra në internet, pothuajse pa asnjë punë gazetareske, të tentohet të binden lexuesit se nxënëses e shkollave të mesme të Maqedonisë vishen në mënyrë të pahijshme.

Linku deri te artikulli origjinal: Nxënëset e shkollave të mesme të Maqedonisë për në shkollë vishen si për në diskotekë (foto +16)

Data dhe koha e publikimit: 16.09. 2014

Data e recensionit: 18.09.2014

Recensues: Мirosllava Burns

Problemi kryesor është fakti se teksti përmban fotografi të cilat e nxisin lexuesin gabimisht të supozojë se ato janë nga Maqedonia. Në fakt, bëhet fjalë për përhapje të hapur të një të pavërtete në mesin e lexuesve se nxënëset e shkollave të mesme të Maqedonisë vishen në mënyrë provokative, me qëllim që nëpërmjet fotografive eksplicite të përfitohen më tepër klikime. Fotografitë janë nga burim i panjohur, për të cilin me siguri mund të thuhet se nuk është nga Maqedonia. Në një pjesë të shkollave të Maqedonisë me kod është rregulluar se çka mundet e çka nuk mundet të veshet, e në një pjesë të tyre janë futur në përdorim edhe uniformat shkollore.

Mënyra e këtillë joprofesionale dhe skajshmërisht manipuluese e “raportimit” është edhe më i lehtë për t’u realizuar kur nuk ka kush të kërkojë mbrojtje ligjore për privatësinë e tij, për shkak se me siguri këto vajza nuk do ta vërejnë se këto fotografi janë publikuar mu në këtë medie. Nuk dihet se prej ku janë, kur janë fotografuar, e as cili është qëllimi i publikimit të tyre. Përdoret stereotipizimi dhe supozimi ose mendimi i autorit, i cili në asnjë mënyrë nuk është mbështetur as me deklarata nga burimet, e as me analiza nga terreni.

Porosia që lexohet ndërmjet rreshtave është se vajzat vishen në mënyrë provokative që t’i eksitojnë meshkujt, që është sjellje nënçmuese dhe diskriminuese. Qasja e papërgjegjshme që është përdorur ka dhënë rezultat – një artikull joprofesional. Pasoja afatgjate e këtij “raportimi maçoist” është prezantimi i femrës si objekt seksual. Në fakt, publikimi nuk ka as ide e as qëllim, apo ndonjë plan sipas të cilit do të punohej. Me një fjalë – veprim joprofesional.

Ky recension është përgatitur nga kuadër të Projektit të USAID-it për përforcimin e mediumeve në Maqedoni – Komponenta Shërbimi për verifikimin e fakteve nga mediumet, që implementohet nga fondacioni Metamorfozis.. Ky recension është mundësuar me përkrahjen e Agjencisë amerikane për zhvillim ndërkombëtar (USAID). Përmbajtja e analizës është përgjegjësi e autorit dhe nuk i paraqet qëndrimet e fondacionit Metamorfozis, USAID-it ose të qeverisë së SHBA-ve. Për më tepër informata për punën e USAID-it në Maqedoni, ju lutemi vizitoni ueb-faqen e USAID-it: (http://macedonia.usaid.gov) dhe faqen e USAID-it në Facebook: (www.facebook.com/USAIDMacedonia).

INFOGRAPHIC

TRUTHFULNESS

nuk ka fakte

deklratata jo të sakta

deklarata jo të vërteta

SOURCES OF INFORMATION

nuk ka burime të evidentuara

anonime

jorelevante

më tepër burime

EXTENSIVENESS

jogjithëpërfshirës

informata të fshehura

BIAS

plotësisht jo e vërtetë

ka shtrembërim të së vërtetës (spin)

informata të rrejshme

nuk aplikohet

COMMENTING

ka elemente të komentimit

të integruara me faktet

PLAGIARISM

nuk mund të përcaktohet

nuk është theksuar autori, nuk është theksuar burimi

TITLE QUALITY

dezinformon

jokreativ

senzacionalist

joadekuat

tendencioz

PHOTOGRAPH

joadekuate

manipulon

nuk është theksuar autori (burimi)

HATE SPEECH

shprehje të u rrejtjes

nuk ka shprehje të urrejtjes

nuk nxit dhunë

nuk diskriminon

EDITED FOR THE WEB

i lexueshëm

elemente jokualitative multimediale

nuk ka linke kontekstuale

pjesërisht i rregulluar në aspekt stilistik

i palidhur me tag-e

Shërbim për verifikim të fakteve në media