Pastro oborrin tënd, para se të pastrosh oborrin e tjetrit
Published in Recensione
on 9 - 05 - 2016 Author: Fatlume Dervishi[Recension: “Gazetës maqedonase “Vest” i pengon shitja e dredhzave nga shqiptarët”]
Rasti i këtij artikulli është shembull i mirë kur autori ka një qëllim të caktuar, për të cilin mund të thuhet se është i qëlluar, por nuk është munduar që të njëjtin ta trajtojë në mënyrën e duhur, me burime kompetente dhe të patjetërsueshme për lajmin. Në vend të kësaj, autori thjeshtë ka komentuar dhe e ka “shitur” produktin e tij si lajm.
Linku deri te artikulli origjinal: “Gazetës maqedonase “Vest” i pengon shitja e dredhzave nga shqiptarët”
Data e publikimit: 04.05.2016
Data e rencensionit: 05.05.2016
Recensues: Fatlume Dervishi
Teksti i gazetës “Vest” u trajtua dhe u përfol në disa portale shqiptare, kryesisht me një qasje kritike, për shkak të rëndësisë që kjo gazetë i ka kushtuar një fenomeni, sipas këtyre mediave, jo aq të rëndësishëm. Mangësia e mediave në shqip ishte se mungonin burimet dhe komentuesit kompetentë. Ky artikull i aktuale.mk pretendon se shitësit janë shqiptarë dhe sipas tij, është pikërisht kjo arsyeja se pse “Vest” ka reaguar. Autori nuk e ka marrë mundimin të shkojë deri në vendin e ngjarjes, të takojë shitësit, të mësojë etninë e tyre (për t’ia vërtetuar këtë edhe lexuesit), të kuptojë dhe të transmetojë edhe për lexuesit pse janë ata aty dhe vështirësitë me të cilat ballafaqohen, gjobat që janë përmendur, mbështetjen ose jo nga institucionet e shtetit, etj. Kjo është mënyra më e mirë dhe më profesionale për të mbajtur anën e tyre dhe të mos bëhet material spekulativ.
“…si duket kësajë gazete i ka penguar që disa persona e nxjerin kafshatën e bukës në kët shtet ku papunsija mbizotron tek secila familje.”
Sugjerimet që i bëhen medias tjetër nga ky autor mund të vlejnë si pikënisje për tema shumë të mira për vetë atë. Në vend që t’ia sugjeronte medias tjetër, autori mund të bënte vetë hulumtime mbi temat, që mund të rezultonin interesante.
“…ia kujtojmë gazetës Vest të interesohet pak pse ”Makedonia Pat” nuk vendon rrethoja për sigurinë e qytetarëve në autoban që rezikohen nga kafshët sidomos qent, ku në rajonin e pollogut janë shtuar dukshëm aksidentet me kafshët nëpër autobanet e Maqedonisë, por meren me shqiptarët që dalin për të nxjerë një kafshatë buk.”
Nëpërmjet hulumtimeve, burimeve, komenteve nga njohësit e rrethanave, autori mund të nxirrte në pah etnocentrizmin për të cilin e ‘akuzon’ gazetën “Vest” dhe, pa bërë komente personale, lexuesi mund ta kuptonte shumë mirë qëllimin final.
INFOGRAPHIC
TRUTHFULNESS
nuk ka fakte
nuk mund të përcaktohet saktësia e pohimeve
nuk mund të përcaktohet vërtetësia e deklaratave
SOURCES OF INFORMATION
nuk ka burime të evidentuara
asnjë burim
asnjërën palë
EXTENSIVENESS
jogjithëpërfshirës
ndoshta ka informata të fshehura
BIAS
nuk mund të përcaktohet
nuk mund të përcaktohet
nuk mund të përcaktohet
është i njëanshëm
anshmëri tjetër
COMMENTING
ka elemente të komentimit
të integruara me faktet
PLAGIARISM
nuk mund të përcaktohet
nuk është theksuar autori
TITLE QUALITY
spekulon
jokreativ
senzacionalist
joadekuat
tendencioz
PHOTOGRAPH
ka
adekuate
as manipulon as informon - është vënë vetëm si ilustrim
nuk është theksuar autori (burimi)
HATE SPEECH
nuk ka gjuhë ofenduese
Etnocentrizëm
nuk nxit për përdorimin e dhunës
nuk diskriminon
EDITED FOR THE WEB
mesatarisht i lexueshëm
nuk ka elemente multimediale
nuk ka linke kontekstuale
i parregulluar në aspekt stilistik
i lidhur me tag-e