Anketë e botuar pa të gjitha elementet e duhura
Published in Recensione
on 11 - 11 - 2016 Author: Fatlume Dervishi
[Recension: “Anketë e re: BDI 9, BESA 7, PDSH 4 për qind”]
Supozohet se anketat duhet të nxjerrin numra dhe statistika, të cilat i sigurojnë më shumë besueshmëri artikullit. Lexuesi e ka më lehtë të bëjë vlerësim, kur shikon dallimin apo çështjen e përkthyer në numra. Pikërisht për këtë, manipulimi me ato numra është më i lehtë. Sidomos para zgjedhjeve. Anketat janë shumë të shpeshta në këtë periudhë, por gjatë botimit të tyre, është rregull dhe e rëndësishme të dihet kush, për çfarë qëllimi dhe me çfarë metode e ka bërë anketën. Botimi i anketave pa këto të dhëna është jo vetëm jashtë rregullave profesionale, por edhe atyre ligjore.
Linku deri te artikulli origjinal: “Anketë e re: BDI 9, BESA 7, PDSH 4 për qind”
Data e publikimit: 08.11.2016
Data e recensionit: 10.11.2016
Recensues: Fatlume Dervishi
Informacioni për rezultatet e anketës, i publikuar nga TV Shenja por që i referohet informacioneve paraprake të gazetës Lajm, flet për një dallim gjithmonë e më të ngushtë të rejtingut të partive politike të pushtetit dhe opozitës në Maqedoni. Mirëpo i vetmi informacion mbi metodologjinë e anketës është numri i të anketuarve, i cili interpretohet të jetë 1600 të anketuar. “Sipas anketës së fundit të publikuar në mediumet maqedonase” është referenca e autorit, që nuk sqaron asgjë.
Anketa e realizuar me 1.600 të anketuar, tregon se VMRO-DPMNE tani ka rejting 27 për qind, kurse LSDM 25 për qind, transmeton Gazeta Lajm. Dallimi njësoj i vogël është edhe mes BDI-së dhe Lëvizjes BESA. BDI tani ka 9 për qind rejting, BESA 7 për qind, kurse PDSH 4 për qind.
Nuk thuhet kush e ka bërë anketën, cili institut ose agjenci. Kjo ka shumë rëndësi. Agjenci të ndryshme gëzojnë nivele të ndryshme të besueshmërisë te publiku. Mandej, nuk thuhet as kush e ka porositur (zakonisht, para zgjedhjeve, porositës më të shpeshtë janë vetë partitë politike), si është realizuar, (me telefon ose derë më derë) dhe cili është kufiri i gabimit në rezultate. Ka kufij të lejuar në bazë të metodologjive që siguron se anketuesi ka bërë punën në bazë të rregullave dhe se rezultatet janë të besueshme.
Lexo leksionin mbi përdorimin e anketave në artikujt gazetaresk:
“Anketat si dëshmi ose mjet manipulimi“
Në Kodin Etik të Gazetarëve të Maqedonisë thuhet: “Zgjedhja e fakteve patjetër të sigurojë informacion objektiv duke pasur parasysh të gjitha apektet e rëndësishme të temës që trajtohet.”
Anketimi ka disa rregulla, të cilat duhet te respektohen gjatë bërjes së një ankete ose sondazhi. Këto rregulla sigurojnë besueshmëri të rezultateve. Ndryshe, informacionet e publikuara mbi anketat pa të dhëna për metodologjinë dhe agjencinë e anketimit, lënë shumë hapësirë për dyshime.
INFOGRAPHIC
TRUTHFULNESS
nuk ka fakte
nuk mund të përcaktohet saktësia e pohimeve
nuk mund të përcaktohet vërtetësia e deklaratave
SOURCES OF INFORMATION
nuk ka burime të evidentuara
nuk mund të përcaktohet
një palë
EXTENSIVENESS
jogjithëpërfshirës
ndoshta ka informata të fshehura
BIAS
nuk mund të përcaktohet
nuk mund të përcaktohet
nuk mund të përcaktohet
është i njëanshëm
COMMENTING
nuk ka elemente të komentimit
PLAGIARISM
kopje të plotë
TITLE QUALITY
informon
jokreativ
josenzancionalist
adekuat
i qartë
PHOTOGRAPH
ka
adekuate
as manipulon as informon - është vënë vetëm si ilustrim
nuk është theksuar autori (burimi)
HATE SPEECH
nuk ka gjuhë ofenduese
nuk ka gjuhë të urrejtjes
nuk nxit për përdorimin e dhunës
nuk diskriminon
EDITED FOR THE WEB
mesatarisht i lexueshëm
nuk ka elemente multimediale
nuk ka linke kontekstuale
pjesërisht i rregulluar në aspekt stilistik
i palidhur me tag-e