Gazetari duhet të jetë sy kritik, e jo mjet propagandistik
Published in Recensione
on 4 - 10 - 2016 Author: Fatlume Dervishi[Recension: “Shkolla e Gajres me nxemje qendrore dhe dritare të reja (FOTO)”]
Misioni i gazetarisë është të nxjerrë në dritë të pabërat, detyrimet e pakryera, keqpërdorimet. Të bërat janë obligim, e jo meritë e personave përgjegjës që duhet lajmëruar gjithandej. Gjithsesi që publiku duhet të informohet edhe për projektet e realizuara, sidomos kur janë në interes të tij, por vlera e tyre duhet të matet përmes fjalëve të qytetarëve, personave të prekur nga kjo çështje, atyre që u zgjidhet ndonjë problem, e jo përmes këndvështrimit të funksionarëve.
Linku deri te artikulli origjinal: “Shkolla e Gajres me nxemje qendrore dhe dritare të reja (FOTO)”
Data dhe koha e publikimit: 29.09.2016
Data e recensionit: 29.09.2016
Recensoi: Fatlume Dervishi
Një komunikatë e Komunës së Tetovës i ka mjaftuar autorit për t’i thurur disa vargje lavdërate për riparimin e shkollës në fshatin Gajre. Gjithçka, gjegjësisht puna e bërë së fundmi, është pasqyruar me fotografi, të cilat supozojmë se po ashtu janë të publikuara apo të dërguara deri te mediat nga komuna.
“Sot ka përfunduar projekti i nxemjes qendrore edhe në shkollën fillore të fshatit Gajre ku tani më nxënësit do të kenë kushte optimale gjatë dimrit. Përpos nxemjes qendrore shkolla e fshatit Gajre tani ka edhe dritare të reja dhe hyrja në shkollë është riparuar tërësisht.”
Informimi për riparimin medoemos që është i rëndësishëm, sidomos nëse më parë në këtë shkollë kushtet kanë qenë të keqija dhe nëse kjo medie ka njoftuar opinionin për problemet. Kjo do të dëshmonte ndikimin që ka media për të nxitur pushtetin të kryejë obligimet. Por me këtë tekst, nga aspekti profesional, nuk është kryer deri në fund misionin i gazetarit.
“Siguruam kushte optimale në këtë fillim të vitit shkollorë për voglushët e fshatit Gajre. Nxemje qëndrore, dritare të reja, dhe hymje e riparuar në sh.f Azem Marana. Fëmijët janë ardhmëria jonë. Ata meritojnë më shumë” thuhet nga komuna e Tetovës./TetovaSot/”
Kaq sa është bërë, është punë e zyrës së PR-it të komunës. Gazetari duhet të kishte shkuar në vendngjarje për të parë gjendjen dhe për të mësuar përshtypjen e nxënësve, të prindërve, të stafit të shkollës dhe të banorëve. Që pasqyra të ishte më e qartë dhe më e plotë, gazetari patjetër duhet ta informonte publikun për gjendjen paraprake të shkollës dhe të shtjellonte më shumë mbi atë se përse dhe sa gjatë kanë munguar “kushtet optimale” deri tani. Mbase gjatë bisedës me nxënësit, arsimtarët dhe prindërit do të mund të gjente ndoshta edhe aspekte të tjera shqetësuese në këtë shkollë ose mungesë të kushteve të tjera.
“Zgjedhja e fakteve patjetër të sigurojë informacion objektiv duke pasur parasysh të gjitha aspektet e rëndësishme të temës që trajtohet.” – thuhet në Kodin Etik.
Këtu kemi vetëm njërën palë; atë që mburret që ka kryer detyrimet. Mungon pala e ndikuar drejtpërdrejtë nga problemi.
INFOGRAPHIC
TRUTHFULNESS
ka fakte
pohime të sakta
deklarata të vërteta
SOURCES OF INFORMATION
ka burime të evidentuara
zyrtare
1 burim
një palë
EXTENSIVENESS
jogjithëpërfshirës
ndoshta ka informata të fshehura
BIAS
pjesërisht e paraqet të vërtetën
nuk mund të përcaktohet
nuk mund të përcaktohet
mban anën e një pale
anshmëri politike,
COMMENTING
ka elemente të komentimit
të integruara me faktet
PLAGIARISM
nuk mund të përcaktohet
TITLE QUALITY
informon
jokreativ
josenzancionalist
joadekuat
i qartë
PHOTOGRAPH
ka
adekuate
as manipulon as informon - është vënë vetëm si ilustrim
nuk është theksuar autori (burimi)
HATE SPEECH
nuk ka gjuhë ofenduese
nuk ka gjuhë të urrejtjes
nuk nxit për përdorimin e dhunës
nuk diskriminon
EDITED FOR THE WEB
mesatarisht i lexueshëm
nuk aplikohet
nuk ka linke kontekstuale
pjesërisht i rregulluar në aspekt stilistik
i palidhur me tag-e