Gazetari duhet t’i japë besë publikut se nuk do ta keqinformojë
Published in Recensione
on 6 - 02 - 2016 Author: Xhenis Sulimani
[Recension: “Gjenerali Ostreni ia dha besën Zaevit se pa pastrimin e listës zgjedhore nuk do të merr pjesë në zgjedhje”]
Gazetari duhet t’i jep besën opinionit që për asnjë moment nuk do ta çorientojë atë, se do t’i shërbejë publikut me informacione të sakta, jotendencioze dhe objektive. Por duhet pasur parasysh se besa nuk shkelet.
Linku deri te artikulli origjinal: “Gjenerali Ostreni ia dha besën Zaevit se pa pastrimin e listës zgjedhore nuk do të merr pjesë në zgjedhje”
Data dhe koha e publikimit: 27.01.2016
Data e recensionit: 03.02.2016
Recensues: Xhenis Sulimani
Teksti që po recensojmë nuk e ka titullin e argumentuar. Ai nuk informon për atë që thuhet në tekst, por bën të kundërtën- keqinformon. Me anë të titullit gazetari rrezikon të defokusojë opinionin. Produkti gazetaresk nis me titullin: “Gjenerali Ostreni ia dha besën Zaevit se pa pastrimin e listës zgjedhore nuk do të merr pjesë në zgjedhje”. Ndërkaq, që në deklaratën e parë në tekst demantohet titulli i mësipërm kur Ostreni thotë se, nuk biseduam për zgjedhjet e ardhshme parlamentare, duke aluduar në takimin me liderin e LSDM-së, Zoran Zaev.
“Ishte një takim miqësor i organizatave politike opozitare dhe biseduam për çështjet aktuale politike që po zhvillohen me marrëveshjen e Përzhinos. Kryesisht ajo ishte qëllimi i takimit. Takimi ishte publik, u mbajt në qendër të Shkupit, ishte i hapur, kështu që nuk kishte qka të fshehet. Nuk kishte ndonjë marrëveshje speciale, nuk biseduam për zgjedhjet e ardhëshme parlamentare, përshkak se ne e kemi qëndrimin të cilin e kemi bërë publike për opinionin që UNITETI nuk do të pranon të hy në zgjedhje pa u pastruar lista zgjedhore, si dhe çështjen e pavarësisë së mediave. Konsiderojmë se nëse këto kushte nuk plotësohen, atëher nuk është e arsyeshme të marrim pjesë në zgjedhje”, ka deklaruar për Zhurnal, Kryetari i UNITETI-t, Gëzim Ostreni.
Teksti është gjithëpërfshirës, i plotë, ka marr qëndrime nga dy palët dhe njohës të çështjeve politike, por ka devijuar në titull duke krijuar konfuzion me qëllim që të mos kuptohet drejtë takimi në mes dy liderëve partiak.
Gazetari para se të transmetojë “besën” e të tjerëve duhet ta respektojë besën ndaj publikut të cilit i drejtohet. Kështu duke i ofruar lajme të sakta dhe që vërtetojnë atë që është shkruar në titull.
“Tutulli ose paralajmërimi i kontributit patjetër të jetë në harmoni me përmbajtjen e tij.” – thuhet në Kodin e Gazetarëve të Maqedonisë.
INFOGRAPHIC
TRUTHFULNESS
ka fakte
pohime të sakta
deklarata të vërteta
SOURCES OF INFORMATION
ka burime të evidentuara
zyrtare
relevante
1 burim
më tepër palë
EXTENSIVENESS
gjithëpërfshirës
nuk ka informata të fshehura
BIAS
pjesërisht e paraqet të vërtetën
ka shtrembërim të së vërtetës (spin)
nuk mund të përcaktohet
mban anën e një pale
anshmëri politike
COMMENTING
nuk ka elemente të komentimit
PLAGIARISM
vepër origjinale
është theksuar autori
TITLE QUALITY
dezinformon
jokreativ
senzacionalist
joadekuat
tendencioz
PHOTOGRAPH
ka
adekuate
as manipulon as informon - është vënë vetëm si ilustrim
është theksuar autori (burimi)
HATE SPEECH
nuk ka gjuhë ofenduese
nuk ka gjuhë të urrejtjes
nuk nxit për përdorimin e dhunës
nuk diskriminon
EDITED FOR THE WEB
i lexueshëm
nuk aplikohet
nuk ka linke kontekstuale
i parregulluar në aspekt stilistik
i palidhur me tag-e