Gazetari nuk mund të flasë në emër të partive politike
Published in Recensione
on 5 - 11 - 2015 Author: Fatlume Dervishi
[Recension: BDI nuk do i shmanget asaj që është projektuar në bashkëpunim me Brukselin e Uashingtonin”]
Promovimi dhe reklamimi janë aktivitete që nuk i takojnë gazetarisë dhe aq më pak një gazetarie profesionale. Mediat, nuk duhet të ndihmojnë partitë politike për të realizuar fushatat e tyre të komunikimit për të bindur qytetarët që ata kanë të drejtë përveç në rastet kur kjo potencohet qartë. E drejta është në anën e publikut. Dhe për të gjykuar drejt, publiku ka nevojë për të dhëna faktike.
Linku për te artikulli origjinal: “BDI nuk do i shmanget asaj që është projektuar në bashkëpunim me Brukselin e Uashingtonin”
Data e publikimit: 04.11.2015
Data e recensionit: 04.11.2015
Recensues: Fatlume Dervishi
Teksti në shembullin që po shqyrtojmë është një retorikë e pastër propaganduese (promovuese). Autori i këtij teksti duket se luan rolin e zëdhënësit të këtij subjekti politik duke filluar që nga titulli dhe vazhdon deri në fund sikur komentet dhe lëvdatat të ishin gjë normale për lajmin. Në titull, autori bën premtime në emër të kësaj partie politike duke theksuar se BDI nuk do ju shmanget projektimeve të parapara, ndërkohë që nuk ka asnjë kompetencë për ta bërë këtë.
“…BDI vazhdon t’i mbetet konsekuent dhe për kurrfarë çmimi nuk do të shmanget nga ajo që është projektuar në bashkëpunim me Brukselin dhe Uashingtonin, njofton Aktuale.mk.”
Teksti më tej sugjeron që:
“BDI dhe lideri i saj do të vazhdojë të jetë proaktive në këtë drejtim dhe do të bëjë çmos që të dilet nga barrikadat e ngritura të dy subjekteve maqedonase…”
Autori nuk ka faktuar pse ka përdorur termin “proaktive” dhe nuk ka shkruar për asgjë konkrete kur shprehet se ky subjekt politik “do të bëjë çmos që të dilet nga” situata ose siç i quan ai “barrikadat e ngritura të dy subjekteve maqedonase”. Përshtypja që të jep teksti është se këtu BDI me “proaktivitetin” e saj mbetet viktimë e kurthit të të tjerëve por kjo është sipas mendimit të autorit dhe jo sipas dëshmive të shqyrtuara dhe të prezantuara nga ai.
Teksti ka mundësi të jetë pjesë e ndonjë njoftimi për shtyp të BDI-së. Kurse nëse është produkt i kësaj media, assesi nuk mund të konsiderohet si lajm.
Gazetari nuk ka nevojë që të luaj rolin e zëdhënësit të subjektit politik për t’i imponuar publikut bindjet e tij. Ai thjesht duhet t’i ofrojë publikut mjaftueshëm fakte dhe informacione që ai të arrijë vetë të bëjë dallimin mes të mirës dhe të keqes.
INFOGRAPHIC
TRUTHFULNESS
nuk ka fakte
nuk ka
nuk ka
SOURCES OF INFORMATION
nuk ka burime të evidentuara
asnje burim
nuk ka burime te evidentuara
EXTENSIVENESS
jogjithëpërfshirës
ndoshta ka informata të fshehura
BIAS
nuk mund të përcaktohet
ka elemente propaganduese
nuk mund të përcaktohet
është i njëanshëm
COMMENTING
ka elemente të komentimit
të integruara me faktet
PLAGIARISM
vepër origjinale
TITLE QUALITY
nuk informon
jokreativ
promovues
joadekuat
promovues
PHOTOGRAPH
ka
adekuate
as manipulon as informon - është vënë vetëm si ilustrim
nuk është theksuar autori (burimi)
HATE SPEECH
nuk ka gjuhë ofenduese
nuk ka gjuhë të urrejtjes
nuk nxit për përdorimin e dhunës
nuk diskriminon
EDITED FOR THE WEB
i lexueshëm
nuk ka elemente multimediale
nuk ka linke kontekstuale
pjesërisht i rregulluar në aspekt stilistik
i lidhur me tag-e