Katica Janeva ka bërë mëkat dhe ka shkuar për fundjavë në Greqi!?
Published in Recensione
on 31 - 10 - 2016 Author: Симона Атанасова
[Recension: KATICA NË GREQI PËR DITËN E VMRO-së: Kate Janeva në shëtitje në Greqi e çiltërson mendjen dhe mendon cilin nip ta punësojë të ardhshmin!]
Теksti që i nënshtrohet këtij recensioni është ndërtuar mbi spekulime dhe në të thuhet se prokurorja speciale publike, Katica Janeva, me rastin e festës së 23 tetorit, ka qenë në shëtitje në Greqi. Bëhet fjalë për artikull të njëanshëm, komentues dhe tendencioz, i cili aspak nuk i plotëson standardet themelore të gazetarisë.
Linku deri te artikulli origjinal: KATICA NË GREQI PËR DITËN E VMRO-së: Kate Janeva në shëtitje në Greqi e çiltërson mendjen dhe mendon cilin nip ta punësojë të ardhshmin!
Data dhe koha e publikimit: 25.10.2016
Data e recensionit: 30.10.2016
Recensuese: Simona Atanasova
Si vërtetim të vetëm për spekulimin e bërë, në tekst është vendosur një fotografi e prokurores Janevva, për të cilën nuk dihet as kur, as ku është bërë, as kush është autori e as, mos ndoshta është fotomontazh. Më së paku nga të gjitha mundësitë, duket sikur është bërë në “shëtitje për shoping” në Greqi, siç pohon media.
Mirëpo, madje edhe sikur prokurorja me të vërtetë të ketë qenë në Greqi gjatë fundjavës së zgjatur, që nuk është konfirmuar në asnjë mënyrë në tekst, nuk është e qartë pse kjo do të ishte problem. Nuk ka ndonjë ligj që u ndalon prokurorëve ose dikujt tjetër që të shkojë për fundjavë në Greqi.
“Atë që nuk e dijmë është ajo se a ka shkuar Katica në Greqi me shoferin personal Vili Janev, me të cilin ka njëfarë lidhjeje familjare, apo deri atje e ka vozitur nipçeja Gjorgji Delixhakov, të cilin ajo si teze e mirë e ka punësuar në PSP sapo e ka kryer Fakultetin Ekonomik”.
Në artikullin, autori i të cilit ka tentuar të ketë ton ironik, duke e quajtur Janevën “punësuese masovike”, thuhet se ajo ka punësuar nipa, krushq, miq dhe kolegë partiakë. Nga e gjithë kjo, e vërtetë është ajo se në Prokurorinë speciale publike është punësuar një nip i Janevës, gjë të cilën ajo vetë e konfirmoi në intervistën në emisionin “Тop-tema” në televizionin Telma. Gjithçka tjetër është shtuar dhe është stërzmadhuar, me qëllim të vetëm që të diskreditohet Janeva, e me këtë edhe për t’u defokusuar nga rastet të cilat i udhëheq PSP-ja.
Madje edhe sikur informatat e prezantuara të jenë të vërteta, teksti është shkruar në mënyrë të pahijshme dhe nuk ka asnjë pikë të përbashkët me etikën dhe me standaret e gazetarisë, të cilat në këtë artikull janë shkelur disa herë. Në Kodin e gazetarëve thuhet:
1. Gazetari duhet të botojë informata të vërteta e të konfirmuara dhe nuk do të fshehë të dhëna esenciale e as nuk do të falsifikojë dokumente.
Në qoftë se informata nuk mund të konfirmohet, ose nëse bëhet fjalë për supozim, respektivisht spekulim, kjo gjë duhet cekur dhe botuar.13. Gazetarët duhet të bëjnë dallim ndërmjet fakteve dhe mendimeve, ndërmjet lajmit dhe komentit.
15. Gazetari duhet ta kultivojë kulturën e të folurit dhe etikën. Komunikimi i pasjellshëm me opinionin nuk ka të bëjë aspak me profesionin e gazetarit.
INFOGRAPHIC
TRUTHFULNESS
ka fakte
nuk mund të përcaktohet saktësia e pohimeve
nuk mund të përcaktohet vërtetësia e deklaratave
SOURCES OF INFORMATION
nuk ka burime të evidentuara
nuk mund të përcaktohet
EXTENSIVENESS
jogjithëpërfshirës
ndoshta ka informata të fshehura
BIAS
Jo
ka shtrembërim të së vërtetës (spin)
informata të rrejshme
mban anën e një pale
anshmëri politike
COMMENTING
ka elemente të komentimit
të integruara me faktet
PLAGIARISM
vepër origjinale
nuk është theksuar autori, nuk është theksuar burimi
TITLE QUALITY
dezinformon
jokreativ
senzacionalist
adekuat
tendencioz
PHOTOGRAPH
ka
manipulon
nuk është theksuar autori (burimi)
HATE SPEECH
gjuhë ofenduese
nuk ka gjuhë të urrejtjes
nuk nxit për përdorimin e dhunës
nuk diskriminon
EDITED FOR THE WEB
mesatarisht i lexueshëm
elemente jokualitative multimediale
nuk ka linke kontekstuale
i parregulluar në aspekt stilistik
i palidhur me tag-e