[Recension: Katica në mesin e të vetëve, në kafe me deputetët e LSDM-së]

Komenti mbetet koment edhe kur është futur në “lëkurën e lajmit”. Nuk do ta zgjasim më tepër. Ky është koment i pastër prej A deri në Zh. Nuk do të kishte problem sikur të vëndohej në rubrikën komente, e jo në rubrikën Маqedonia.

Linku deri te artikulli origjinal: Katica në mesin e të vetëve, në kafe me deputetët e LSDM-së

Data dhe koha e publikimt: 23.09.2016, 16:16

Data e recensionit: 24.09.2016

Recensues: Vlladimir Mirçeski

PIRJA E NJË KAFEJE PËR “BOMBË” KOMENTUESE

Dy fotografi jo shumë të qarta, një sërë shpekulimesh dhe hop ja një senzacion. Nuk themi se Prokurorja speciale nuk është ulur për të bërë muhabet duke pirë kafe me deputetët e opozitës, edhe pse kjo nuk është e qartë deri në fund nga “faktet” e bashkangjitura, mirëpo edhe sikur të jetë ashtu gjithsesi se “mëkati” i saj nuk duhet të karakterizohet si është thënë se ajo gjendet në mesin e të vetëve. E nëse, për shembull, do të ishte ulur me deputetët e opozitës, a do të ishte edhe atëherë me të vetët, ose jo? Në fakt, ajo gjatë debatit në komision ishte ulur pranë prokurorit publik, Zvërlevski, dhe atëherë nuk dëgjuam se dikush e bëri këtë problem në stilin i yni-i tyre, edhe pse një pjesë e madhe e publikut konsideron se ai më tepër është në funksion të pushtetit, se sa të shtetit.

Mirë, ndarjet në të tanët, të tyrët, të dikujt apo të dikujt tjetër, sikur nuk kanë fund në një pjesë të hapësirës mediatike, e cila sikur është “duke thurrur” sipas notave të përcaktuar dhe të shkruara që më parë.

Artikulli është i shkurtër, tre paragrafe, 7 fjali, titull dhe mbititull, mirëpo të cila mjaftojnë që të zbulohet, e motivit, para së gjitash politik-partiak, e jo gazetaresk për shkrimin e tij.

Prokurorja speciale publike haptazi e tregon simpatinë e saj ndaj social-demokratëve. Në bufenë e Kuvendit shorëqohet me ta edhe gjatë pauzës për kafe, përveç asaj që edhe zyrtarisht i përfaqëson intereset e tyre.

Situata nuk duhet të na befasojë, për shkak se Janeva edhe ashtu, siç dihet, është në kontakt vetëm me anëtarët e udhëheqësisë më të lartë partiake të LSDM-së. Në Kuvend sillet si anëtare e partisë dhe pjesë e grupit të tyre parlamentar. Në video-materialet që u paraqitën nëpër medie mund të vërehet se ajo pranon instruksione nga Shilegovi dhe deputetët e tjerë të LSDM-së.

Bëhet gjithë e më e qartë se PSP-ja si institucion është formuar që t’i realizojë interesat e LSDM-së, si përforcim për shkak të politikave dëshpëruese të partisë dhe mospasjes së gjasave për fitore të ndershme në zgjedhje.

Katica Janeva nuk është prokurore speciale publike, por thjesht shërbëtore e LSDM-së, që është vënë në një funksion të trilluar “që të ndajë drejtësi”.

Nuk ka mundësi që dikush aq shumë ta shkelë Kodin e gazetarëve, sa që ne mundemi t’i përsërisim rregullat e tij themelore:

Gazetari duhet të bëjë dallim ndërmjet fakteve dhe mendimeve, ndërmjet lajmit dhe komentit – neni 13 i Kodit.

Një gjë është që të vëndoni një fotografi, nëse e keni siguruar, se si Janeva pi kafe me deputetët e opozitës, e diçka krejtësisht tjetër është që në bazë të vetëm asaj fotografie të bëni akuza shumë serioze se shefja e PSP-së punon në bazë të interesave të një partie. Pa argumente, pa fakte të qarta, vetëm me spekulime të bazuara në mospajtimin me atë se si “e çon punën” Janeva punën e PSP-së, teksti i këtillë thjeshtë është jopofesional.

Në fund, fitohet përshtypja se nga artikulli buron hidhërimi i dikujt për shkak të aktpadive të para që i ngriti PSP-ja.