Kumtesë e kopjuar si lajm, pa interes të veçantë për publikun
Published in Recensione
on 2 - 12 - 2016 Author: Adrian Kerimi[Recension: Këshilli i Rektoratit të Universitetit “Nënë Tereza”- në Shkup në mbledhjen e rregullt analizoi rrjedhjën e procesit arsimor]
Ngjarjet duhet të kategorizohen. Duhet vlerësuar se cilat meritojnë vëmendje të medieve, e cilat jo. Nuk është e shkruar dhe as e thënë askund se mediumet janë të obliguar të përcjellin në opinion çdo njoftim që buron nga ndonjë institucion.
Lajmi që po recensojmë, në fakt, nuk është lajm por thjeshtë një artikull, teksti i të cilit është marrë pothuajse kryekëput nga kumtesa e Universitetit “Nënë Tereza”. Veprimi është ‘i kuptueshëm’, pasi që kështu veprojnë mediumet jo profesionale në shumë raste. Megjithatë, aspak nuk është e kapshme, as për publikun, se cili është qëllimi i lajmit.
Këshilli i Rektoratit të Universitetit “Nënë Tereza”- në Shkup mbajti mbledhjen e rregullt në të cilën u analizua rrjedhja e procesit arsimor dhe konsolidues i Universitetit “Nënë Tereza” . Siç citohet në njoftimin e këtij institucioni, në mbledhje u konstatua që procesi edukativo –arsimor dhe konsolidimi institucional i universitetit rrjedh dhe zhvillohet në përputhje me normat ligjore dhe programin e definuar .
Cili është interesi i lexuesve në këtë rast? Fundja, një mbledhje e Këshillit të Rektoratit të Universitetit “Nënë Tereza” dhe vendimet që dalin nga ajo mbledhje, janë më shumë njoftime për stafin akademik se sa informacione, të cilat meritojnë të ndahen me publikun.
Linku deri te artikulli origjinal: “Këshilli i Rektoratit të Universitetit “Nënë Tereza”- në Shkup në mbledhjen e rregullt analizoi rrjedhjën e procesit arsimor”
Data dhe koha e publikimit: 29.11.2016
Data e recensionit: 29.11.2016
Recensues: Adrian Kerimi
Gazetari duhet të sigurojë distancë profesionale nga subjektet politike, institucionet dhe qëndrimet individuale të qytetarëve. Këtë e referon edhe Kodi etik i gazetarëve.
Duke marrë parasysh vonesën në fillimin e vitit të ri akademik dhe me qëllim të përmbushjes së plotë të plan-programit të studimeve, u mor vendimi për përshtatjen e orarit duke e shtrirë atë deri në datën 22 janar 2017. Provimet për studentët do të organizohen në pjesën e parë të shkurtit në mënyrë që semestri i dytë të fillojë në kohën e definuar sikurse edhe në të gjitha universitet e tjera .
Se teksti është marrë pothuajse pa intervenim dhe si i tillë është publikuar, dëshmohet edhe nga gabimet drejtshkrimore. Në fillim të paragrafit përmbyllës, fjala “procedurave” është transmetuar si “proceduarve”.
Më qëllim të përshpejtimit të proceduarve për fillimin e punimeve për ndërtimin e hapësirave të reja për Universitetin Nëna Terezë në Shkup,Këshilli i Rektoratit mori vendimin për krijimin e Grupit punues për definimin e programit për projektin,respektivisht përmbajtjen e çdo njësie të tij në përputhje me standardet më të larta për organizimin e studimeve dhe aktivitetit shkencor me standardet më të larta.
Çështja e publikimit të kumtesave sikur lajme në disa raste ka qenë edhe objektiv i recensioneve, analizave dhe leksioneve gazetareske të Servisit për Verifikim të Fakteve. Në disa prej tyre kemi theksuar (duke iu referuar parimeve profesionale të gazetarisë) se kumtesat janë vetëm informacion dhe qëndrim i një pale. Ato mund të shfrytëzohen dhe transmetohen, por jo kryekëput, pasi që në këtë rast gazetari apo redaksia merr rolin e zëdhënësit të institucionit, cilitdo qoftë ai.
Mirëpo, kumtesa në fjalë do të mund të ishte pikënisje për tema me interes të veçantë për publikun. Për shembull, në kumtesë flitet për një grup pune dhe zgjatje të semestrit me qëllim që të arrihet në kohë plan programi i parashikuar për një semestër fakultativ. Në këtë drejtim, gazetari profesionist do të interesohej për mangësitë e deritanishme në funksionimin e këtij universiteti. Qëndrimi i tij, edhe pse është zyrtar, duhet të verifikohet, e jo t’i imponohet publikut ose lexuesit si informatë e vetme, duke mos e plotësuar edhe më përfshirjen e burimeve të tjera në tekst.
INFOGRAPHIC
TRUTHFULNESS
ka fakte
pohime të sakta
nuk mund të përcaktohet vërtetësia e deklaratave
SOURCES OF INFORMATION
ka burime të evidentuara
zyrtare
1 burim
një palë
EXTENSIVENESS
jogjithëpërfshirës
:
BIAS
nuk mund të përcaktohet
nuk ka shtrembërim të së vërtetës (spin)
nuk ka informata të rrejshme
është i njëanshëm
anshmëri politike, anshmëri komerciale
COMMENTING
nuk ka elemente të komentimit
PLAGIARISM
kopje të plotë
TITLE QUALITY
nuk informon
jokreativ
adekuat
i paqartë
PHOTOGRAPH
ka
joadekuate
as manipulon as informon - është vënë vetëm si ilustrim
nuk është theksuar autori (burimi)
HATE SPEECH
nuk ka gjuhë ofenduese
nuk ka gjuhë të urrejtjes
nuk nxit për përdorimin e dhunës
nuk diskriminon
EDITED FOR THE WEB
mesatarisht i lexueshëm
elemente solide multimediale
nuk ka linke kontekstuale
pjesërisht i rregulluar në aspekt stilistik
i palidhur me tag-e