“Lulëzon dashuria” për lajme pa fakte!
Published in Recensione
on 28 - 12 - 2015 Author: Ferikan Iljazi[Recension: “Dashuria VMRO-BDI po lulëzon në mes të dimrit”]
Ky tekst kokë e këmbë është shkruar në formë humoristike, duke kritikuar raportin e dy partive në pushtet, VMRO-DPMNE dhe BDI. Qasja me të cilën është nisur ky lajm është shumë kreative, por sa të kalosh titullin e tekstit, menjëherë pritshmëritë e lexuesit bien. Tentativat e autorit të këtij teksti siç mund të shihet kanë qenë për të hedhur poshtë pohimet e BDI-së se është në luftë të vazhdueshme me partinë maqedonase, duke synuar kështu të hidhet poshtë “patriotizmi i rrejshëm” i kësaj partie.
Linku për te artikulli origjinal: Dashuria VMRO-BDI po lulëzon në mes të dimrit (Foto)
Data dhe koha e publikimit: 21.12.2015
Data e recensionit: 23.12.2015
Recensuese: Ferikan Iljazi
Gazetari përveç komenteve të tija që i ka formuluar në mënyrë të përpiktë, nuk ka futur asnjë element tjetër kredibiliteti për këtë pohim. Autori ka bërë një përmbledhje fotografish të përbashkëta të funksionarëve shqiptar dhe maqedonas për dy ditë rresht, që i ka cilësuar si dëshmi të mjaftueshme se mes dy partive koalicionare “lulëzon dashuria”. Përkufizimet e gazetarit bazohen në një ngjarje ditore ku janë mbledhur zyrtarë edhe të BDI-së edhe të VMRO-DPMNE-së por kjo nuk dëshmon aspak atë “dashurinë” mes këtyre dy partive.
“Edhe pse temperaturat aktuale nuk janë aspak pranverore, kjo nuk po pengon lulëzimin e “dashurisë” mes zyrtarëve të VMRO-së dhe BDI-së. Fotografitë që po i shihni tregojnë se në raportet mes këtyre dy partive nuk ka aspak atmosferë armiqësore, siç mundohej ta mashtrojë opinionin Artan Grubi para disa javëve, kur në një debat në Alsat-M thoshte “ne jemi në luftë të vazhdueshme me VMRO-në”.
Autori prek edhe një pjesë të brishtë të shoqërisë në Maqedoni, atë të ngjarjeve me karakter ndëretnik. “Kumanova”, si rast i fundit ku u vunë në pikëpyetje shumë çështje të kësaj natyre, shfrytëzohet për të evokuar kujtimet e shqiptarëve, gjegjësisht për “hedhje të kripës në plagë” .
“Këto fotografi idilike mes partnerëve të koalicionit janë bërë dje dhe pardje, shtatë muaj e gjysmë pas konfliktit të Kumanovës, ku u vranë 10 ish pjesëtarë të UÇK-së dhe 8 policë të Maqedonisë. Fotografitë tregojnë qartë sa e madhe është “armiqësia” mes Nikolla Gruevskit, Abdilaqim Ademit, Bekim Nezirit, Risto Spirovskit, Izet Mexhitit dhe Coke Trajanovskit!”.
Humori në gazetari është shumë i dashur pasi që në mënyrë të “padhimbshme” mund të kritikojë çdo dukuri negative në shoqëri. Por, në këtë rast humori nuk esshte lajm. Tekste te tilla duhen botuar ne rubrika te tjera. Gazetari është dashur që temën e miqësisë së ngushtë mes partnerëve të koalicionit qeveritar ta trajtojë me analista ose në forma të tjera. Për shembull, duke rikujtuar projektet, vendimet që kanë marrë këto dy parti për hatër të partnerit të koalicionit. Kjo mund të dëshmohet edhe nëpërmjet bisedave të përgjuara telefonike gjegjësisht nga bombat e opozitës. Për të mbaruar me kaq, gazetaria duhet të jetë shërbyese e së vërtetës dhe fakteve objektive, e jo humorit të dobët. Duhet nisur nga parimi nëse ekzistojnë fakte të përpilohet lajmi, nëse nuk ka fakte të mos degradohet gazetaria dhe mediumi që përfaqësohet. Ne te kundert ndonese nje ceshtje qe ngrihet me te drejte mbetet thjeshte konstatim i gazetarit.
INFOGRAPHIC
TRUTHFULNESS
nuk ka fakte
pohimet jo të sakta
deklarata jo të vërteta
SOURCES OF INFORMATION
nuk ka burime të evidentuara
1 burim
një palë
EXTENSIVENESS
jogjithëpërfshirës
informata të fshehura
BIAS
pjesërisht e paraqet të vërtetën
ka shtrembërim të së vërtetës (spin)
nuk mund të përcaktohet
mban anën e një pale
anshmëri politike
COMMENTING
ka elemente të komentimit
të integruara me faktet
PLAGIARISM
kopje të plotë
nuk është theksuar autori
TITLE QUALITY
dezinformon
jokreativ
senzacionalist
joadekuat
tendencioz
PHOTOGRAPH
ka
adekuate
manipulon
nuk është theksuar autori (burimi)
HATE SPEECH
gjuhë ofenduese
gjuhë e urrejtjes
nxit për përdorimin e dhunës
diskriminon
diskriminim politik,
EDITED FOR THE WEB
mesatarisht i lexueshëm
elemente jokualitative multimediale
nuk ka linke kontekstuale
pjesërisht i rregulluar në aspekt stilistik
i palidhur me tag-e