Me joprofesionalizëm gazetaria shndërohet në makth
Published in Recensione
on 21 - 01 - 2016 Author: Agron Vrangalla
[Recension: “Realizohet ëndrra e shqiptarëve, kryeministër i Maqedonisë është shqiptar”]
Vështirësia e punës së gazetarit qëndron aty se pavarësisht asaj që ai personalisht mendon ose ndjen, duhet të dal nga vetja për të raportuar ftohtë dhe “në distancë”.
Linku për te artikulli origjinal: Realizohet ëndrra e shqiptarëve, kryeministër i Maqedonisë është shqiptar
Data dhe koha e publikimit: 14.01.2016
Data e recensionit: 18.01.2016
Recensues: Agron Vrangalla
Problemi më evident në shkrimin dhe raportimin e lajmeve është nuanaca e komentimit dhe subjektivitetit që u jepet lajmeve. Dhe ky problem vazhdon të jetë prezent në mesin e sajteve tona informative por jo vetëm. Teksti i marrë si mostër është një dëshmi e gjallë për këtë fenomen. Ai është i prirur të përçojë insinuatën e gazetarit i cili mbase ka qenë i përfshirë nga emocionet kur e ka shkruar këtë tekst. Sido që të jetë, një gazetar i përkushtuar, di të kontrollojë veten edhe atëherë kur nga brenda i flet zëri i pasionit.
Ja disa elemente që flasin për jokorrektësinë e këtij teksti në raport me standardet profesionale të shkrimit të lajmeve:
Fillon me konstatim të gabuar kur thotë se “Ëndrra e shqiptarëve u bë realitet. Maqedonia tani ka kryeministër shqiptar”. Këtë nuk e ka thënë askush deri më tani, është thjeshtë produkt i hamendësimit që mund të qarkullojë në opinionin publik, por kjo nuk duhet që të ndikojë në zbehjen e saktësisë së lajmeve.
Kjo është e pa saktë edhe ligjërisht. Sepse në momentin kur tërhiqet kryeministri, biе krejt qeveria. Pra gjithë ministrat janë të dorëhequr. Në asnjë ligj nuk parashikohet që kur jep dorëheqje kryeministri detyrat e tij ti marrë zëvendësi i tij. Edhe kur kemi qeveri të dorëhequr ajo vazhdon të ushtrojë detyrat deri në zgjedhjen e qeverisë së re. Nëse gazetari nuk i dinte këto do të duhej të kishte pyetur ekspertë juridik.
Ndërkaq fjalia që flet për dhënien e dorëheqjes së kryeministrit Gruevski duket sikur është e sakt, por jo… Fjalia thotë: “Ndryshe sonte kryeministri Nikolla Gruevski dha dorëheqje duke thënë se nesër do të dorëzojë dorëheqjen time tek kryetari i Parlamentit…”, që do të thotë se ka kontradiksion në mes termit “dha dorëheqje” dhe “do të dorëzojë dorëheqjen”.
Kryeministri konsiderohet se i pushon mandati kur këtë e miraton parlamenti, institucioni që edhe e voton në këtë post.
Në Kodin e Etikës së Gazetarëve të Maqedonisë thuhet:
“Gazetarët kanë të drejtë për të pasur mendime, qëndrime dhe vlerësime të tyre, por nuk guxojnë që mendimet e tyre t’i kamuflojnë sikur të jenë fakte.”
Dihet se në gazetari punohet me dinamizëm të skajshëm, por presioni i kohës dhe tentativa për të qenë koherent me lajmin e fundit, nuk duhet të ndikojë që të ketë joprofesionalizëm ku media të dalë në fund ndërsa lajmi i fundit të mos dalë kurrë.
INFOGRAPHIC
TRUTHFULNESS
nuk ka fakte
pohimet jo të sakta
nuk mund të përcaktohet vërtetësia e deklaratave
SOURCES OF INFORMATION
ka burime të evidentuara
1 burim
një palë
EXTENSIVENESS
jogjithëpërfshirës
informata të fshehura
BIAS
nuk mund të përcaktohet
ka shtrembërim të së vërtetës (spin)
informata të rrejshme
nuk mund të përcaktohet
COMMENTING
ka elemente të komentimit
të integruara me faktet
PLAGIARISM
nuk mund të përcaktohet
TITLE QUALITY
dezinformon
jokreativ
senzacionalist
joadekuat
i paqartë
PHOTOGRAPH
ka
adekuate
as manipulon as informon - është vënë vetëm si ilustrim
nuk është theksuar autori (burimi)
HATE SPEECH
nuk ka gjuhë ofenduese
nuk ka gjuhë të urrejtjes
nuk nxit për përdorimin e dhunës
nuk diskriminon
EDITED FOR THE WEB
i lexueshëm
nuk ka elemente multimediale
nuk ka linke kontekstuale
i rregulluar në aspekt stilistik
i lidhur me tag-e