Media nuk duhet të jetë zëdhënës i partisë apo institucionit!
Published in Recensione
on 23 - 12 - 2016 Author: Fatlume Dervishi
[Recension: “DEHARI: Brenda këtij viti janë asfaltuar shumë rrugë lokale të qytetit dhe vendbanimeve rurale”]
Nuk quhet mund ta quash një shkrim si prodhim gazetaresk, nëse deklaratat ose kumtesat e institucioneve transmetohen të plota, pa ndërhyrje të gazetarit, pa hapur dilema, pa ngritur çështje të reja dhe pa theksuar aspektet problematike që akoma mbeten të pazgjidhura në cilën do teme. Gazetari nuk duhet të merret thjeshtë me promovimin e punëve e kryera të institucioneve, sepse gjithmonë niset nga fakti se ajo është detyrë e tyre.
Linku deri te artikulli origjinal: “DEHARI: Brenda këtij viti janë asfaltuar shumë rrugë lokale të qytetit dhe vendbanimeve rurale”
Data e publikimit: 20.12.2016
Data e recensionit: 23.12.2016
Recensues: Fatlume Dervishi
Teksti mban anën e një institucioni, në rastin konkret të Komunës së Kërçovës, duke promovuar aktivitetet e strukturës udhëheqëse. Në të përfshihen komente në formën e lëvdatave dhe përgjithësime që nuk japin një pasqyrë konkrete të projekteve të realizuara.
“Komuna e Kërçovës ka arritur që ti sjellë në fazën përfundimtare të realizimit, pjesën dërrmuese të projekteve të planifikuara dhe me një ritëm të sforcuar, brenda këtij viti janë asfaltuar shumë rrugë lokale të qytetit dhe vendbanimeve rurale”, potencoi kryetari i komunës së Kërçovës Fatmir Dehari, gjatë inspektimit të punëve ndërtimore për zhvillimin e infrastrukturës në fshatin Kollarë.”
Përmbajtja flet në emër të banorëve dhe pasqyron falënderimin e tyre për punën e kreut të komunës, i cili sipas asaj që thuhet, “ka dhënë mbështetje maksimale në zhvillimin infrastrukturës”. Edhe kjo fjali është pjesë e komenteve të autorit. Asnjë banor nuk është cituar. Në tekst nuk ka problematikë, nuk ka shqetësim, nuk ka ankesë në interes të qytetarëve.
“Për investimet në rrugët e fshatit dhe në rrjetin e ujësjellësit, banorët e fshatit Kollarë i shprehin mirënjohje kryetarit të komunës Fatmit Dehari , i cili ka dhënë mbështetje maksimale në zhvillimin infrastrukturës në fshatin Kollarë.”
“Gazetari duhet të sigurojë “palën e dytë”, respektivisht t’u jep mundësi të dy palëve të interesuara të produktit gazetaresk ta shprehin qëndrimin e tyre.” (Kodi Etik)
Komuna, si institucion përgjegjës, mund të jetë një anë e medaljes, por gazetari nuk duhet të përmbyllë përmbajtjen pa trajtuar edhe aspektin tjetër. Banorët nuk duhet të ishin anashkaluar. Punët e pakryera nuk duhet të ishin injoruar, përveç nëse fshati në fjalë përbën përjashtim dhe është shëndrruar në një “parajsë në tokë”.
“Zgjedhja e fakteve patjetër të sigurojë informacion objektiv duke pasur parasysh të gjitha apektet e rëndësishme të temës që trajtohet.” (Kodi Etik)
I tillë siç është botuar, teksti është i njëanshëm dhe nuk ofron fakte për pohimet e bëra.
INFOGRAPHIC
TRUTHFULNESS
nuk ka fakte
nuk mund të përcaktohet saktësia e pohimeve
nuk mund të përcaktohet vërtetësia e deklaratave
SOURCES OF INFORMATION
ka burime të evidentuara
zyrtare
relevante,
1 burim
një palë
EXTENSIVENESS
jogjithëpërfshirës
ndoshta ka informata të fshehura
BIAS
pjesërisht e paraqet të vërtetën
nuk mund të përcaktohet
nuk mund të përcaktohet
mban anën e një pale
anshmëri politike
COMMENTING
ka elemente të komentimit
të integruara me faktet
PLAGIARISM
kopje të plotë
TITLE QUALITY
informon
jokreativ
josenzancionalist
joadekuat
i qartë
PHOTOGRAPH
ka
adekuate
as manipulon as informon - është vënë vetëm si ilustrim
nuk është theksuar autori (burimi)
HATE SPEECH
nuk ka gjuhë ofenduese
nuk ka gjuhë të urrejtjes
nuk nxit për përdorimin e dhunës
nuk diskriminon
EDITED FOR THE WEB
i lexueshëm
nuk ka elemente multimediale
ka linke kontekstuale
i rregulluar në aspekt stilistik
i lidhur me tag-e