Ngjarja me interes nuk duhet të cenojë saktësinë e lajmit
Published in Recensione
on 29 - 09 - 2015 Author: Adrian Kerimi
[Recension: E kritikoi Musa Xhaferin, u arrestua në Qafë Thanë!]
Teksti që po recensojmë zgjon interes të konsiderueshëm sepse një person konkret bën akuza ndaj një politikani. Është në interes publik, ndjekja e njoftimeve të tilla, por ato gjithmonë duhet të përfshinë edhe palën e akuzuar.
Në mbrëmje në pikën kufitare të Qafë Thanës është arrestuar dr.Adil Mustafa, drejtues i spitalit ‘Shëndeti’ në Tetovë. Lajmi u bë i ditur për INA nga Idriz Sinani nga Forumi për Liritë dhe të Drejtat e Njeriut (IGFM) në Maqedoni. Sipas IGFM, Mustafa pritet të dërgohet në Tetovë, ku do të merret në pyetje, por nuk ka hollësi të tjera.
Linku deri te artikulli origjinal: Recension: E kritikoi Musa Xhaferin, u arrestua në Qafë Thanë!
Data dhe koha e publikimit: 22.09.2015
Data e recensionit: 23.09.2015
Recensues: Adrian Kerimi
Në tekstin që po recensojmë përmendet direkt z. Musa Xhaferi, Zëvendës Kryeministër duke bërë akuza ndaj tij, që për lexuesin nxit interes edhe si ngjarje, por edhe qëndrimi i tij në këtë rast. Gazetari nuk ka kërkuar qëndrim nga personi në fjalë. Nga shpejtësia për të dhënë lajmin, gazetari do të duhej t’ia bënte publikut me dije, se nuk ka pasur reagime, apo nëse ka tentuar dhe nuk ka marrë përgjigje nga z. Xhaferi apo kabineti i tij.
Ai u arrestua disa orë pasi që mbajti konferencën me gazetarët, ku denoncoi një bankë në Shkup dhe zyrtarë të lartë të Qeverisë, duke përmendur drejtpërdrejt zëvendëskryeministrin Musa Xhaferi, për obstruksione dhe dëme me skenare për dështimin e këtij projekti, që siç u tha do të ishte konkurrentë për disa spitale tjera./Telegrafi/
Teksti ndërkohë përfundon pa informacion shtesë. Publiku që nuk di detaje të mëhershme, në lexon për një akuzë direkte për një politikan me peshë, do të donte të dijë arsyet e akuzës.
Ajo që në gazetari njihet si “beckground” ose historik, nuk është dhënë me më shumë detaje. Përmendet se akuzat kanë të bëjnë “me obstruksione” rreth një “spitali” dhe ku është “denjuar një bankë në Shkup”.
Por publiku nuk e kupton se çfarë ka ndodhur dhe cilat janë akuzat e ngritura.
Teksti në mënyre korrekte citon medien nga ka marrë burimin, por do të duhej që të shkonte më tej dhe të plotësonte informacionet e munguara.
Lajme të tilla me interes për publikun, megjithatë shkojnë në vijë të kundërt mes shpejtësisë dhe saktësisë. Do të ishte më mirë që një lajm i tillë të botohej me pak vonesë por i plotë, duke mos shtyrë publikun të kërkojë medie të tjera për të marrë informacionet që nuk janë në tekst.
Teksti shoqërohet edhe me fotografi, por publiku nuk e kupton se kush janë personat. Interesi për ngjarjen kërkon që publiku të informohet për të gjitha detajet, duke përfshirë edhe fotografinë, e cila gjithashtu është informacion.
INFOGRAPHIC
TRUTHFULNESS
nuk ka fakte
nuk mund të përcaktohet saktësia e pohimeve
deklarata të vërteta
SOURCES OF INFORMATION
Thirret në burimet e veta
jozyrtare
jorelevante
1 burim
një palë
EXTENSIVENESS
jogjithëpërfshirës
ndoshta ka informata të fshehura
BIAS
nuk mund të përcaktohet
Nuk përjashtohet
nuk mund të përcaktohet
është i njëanshëm
anshmëri tjetër
COMMENTING
nuk ka elemente të komentimit
PLAGIARISM
nuk mund të përcaktohet
nuk është theksuar autori
TITLE QUALITY
dezinformon
jokreativ
senzacionalist
joadekuat
i paqartë
PHOTOGRAPH
ka
joadekuate
as manipulon as informon - është vënë vetëm si ilustrim
nuk është theksuar autori (burimi)
HATE SPEECH
nuk ka gjuhë ofenduese
nuk ka gjuhë të urrejtjes
nuk nxit për përdorimin e dhunës
nuk diskriminon
EDITED FOR THE WEB
mesatarisht i lexueshëm
elemente jokualitative multimediale
nuk ka linke kontekstuale
i parregulluar në aspekt stilistik
i palidhur me tag-e