Nuk ka burim, nuk ka emër dhe mbiemër, mirëpo ka propagandë
Published in Recensione
on 28 - 09 - 2015 Author: Владо Ѓорчев[Recension: DËSHMI PREKËSE: Kalova një ditë me refugjatët! Ata nuk janë refugjatë t gjorë, por njerëz të dërguar ta shkatërrojnë Evropën!]
Tekstet e këtilla me teori të konspiracionit pothuajse janë praktikë e përditshme e këtij portali. Me këtë rast, asnjëherë nuk mbahet llogari që kjo të paketohet në mënyrë adekuate ose në ndonjë rubrikë që ka titull të tipit “besoni ose jo”. Mirëpo, përkundrazi, këto tekste gjithmonë janë kryesore, në rubrikën “lajme aktuale” dhe vazhdimisht të mbështetura në “Facebook”. Domethënë qëllimi i këtij teksti është të përhapë propagandë dhe aspak nuk kujdeset për gazetarinë ose standardet profesionale.
Linku deri te artikulli origjinal: DËSHMI PREKËSE: Kalova një ditë me refugjatët! Ata nuk janë refugjatë t gjorë, por njerëz të dërguar ta shkatërrojnë Evropën!
Data dhe koha e publikimit: 19.09.2015
Data e recensionit: 23.09.2015
Recensues: Vllado Gjorçev
Të fillojmë me radhë.
Ky tekst nuk ka asnjë burim. Shihet se bëhet fjalë për tekst të përkthyes, me gjasë nga ndonjë medie kroate (tematika është për refugjatët që vijnë në Kroaci), mirëpo askund nuk thuhet se prej cilës medie është marrë artikulli.
Gjëja e dytë që i “vret sytë” është ajo se nuk përmendet emri i njeriut që e ka bërë reportazhin. A është ai gazetar? Apo ndonjë kalimtar rasti, i cili ka dërguar fotografi nga ngjarjet? Ndoshta është dikush nga shërbimet që merren me refugjatët në Kroaci? Teksti i ngjan reportazhit nga terreni, mirëpo nuk ka as lokacion, e as vend se ku është bërë. Në cilin vendkalim kufitar? A është bërë në stacionin hekurudhor? Në autostradë? Nuk përcaktohet në mënyrë të saktë.
Në fakt, teksti është një tregim që nuk ka as emër e as mbiemër. Ka vetëm një tezë – se refugjatët kanë ardhur në Evropë që të bëjnë ndonjë problem. Mirëpo, nuk ka asgjë konkrete nga kjo? Ku janë faktet për këtë? A ka anëtar të ndonjë organizate që është i përfshirë në këtë ujdurmë? Në tekst kjo nuk mund të shihet. Domethënëm, e gjithë teza bazohet në deklaratën e “raportuesit” anonim.
Teksti nuk mund të futet në mesin e artikujve të besueshëm, nuk ka burim dhe nuk është përmbajtësor.
Që ai të jetë i plotë, është dashur që së paku të ketë qasje kritike ndaj këtij “reportazhi” të përkthyer, për shkak se është i njëanshëm. Në të nuk janë theksuar vuajtjet e refugjatëve, të fëmijëve… Se i kanë lënë shtëpitë e tyre, paramendoni, nga një luftë e tmerrshme?! Ata nuk ikin nga bukuritë, e as, siç dëshiron të thotë teksti, me paramendim për prishjen e paqes në Evropë.
Ky është tekst që nuk ka asnjë kuptim. Nuk ka burim, nuk mund të konfirmohet se është i vërtetë dhe i besueshëm, nuk është përmbajtësor dhe prapa tij fshihen motive për sulm mbi migrantët dhe për krijimin e atmosferës në Maqedoni për përhapjen e urrejtjes ndaj tyre. Të gjitha këto momente, janë në kundërshtim me standardet gazetareske. Prandaj ky tekst nuk ka asnjë peshë gazetareske, por është vetëm letër që është shkruar me një qëllim – propagandë.
INFOGRAPHIC
TRUTHFULNESS
ka fakte
nuk mund të përcaktohet saktësia e pohimeve
deklarata jo të vërteta
SOURCES OF INFORMATION
ka burime të evidentuara
jozyrtare, anonime
jorelevante
1 burim
një palë
EXTENSIVENESS
jogjithëpërfshirës
informata të fshehura
BIAS
nuk mund të përcaktohet
ka shtrembërim të së vërtetës (spin)
informata të rrejshme
mban anën e një pale
anshmëri politike
COMMENTING
ka elemente të komentimit
të integruara me faktet
PLAGIARISM
nuk mund të përcaktohet
nuk është theksuar autori, nuk është theksuar burimi
TITLE QUALITY
dezinformon
jokreativ
senzacionalist
joadekuat
tendencioz
PHOTOGRAPH
ka
adekuate
as manipulon as informon - është vënë vetëm si ilustrim
nuk është theksuar autori (burimi)
HATE SPEECH
gjuhë ofenduese
nuk ka gjuhë të urrejtjes
nuk nxit për përdorimin e dhunës
nuk diskriminon
EDITED FOR THE WEB
mesatarisht i lexueshëm
elemente solide multimediale
nuk ka linke kontekstuale
pjesërisht i rregulluar në aspekt stilistik
i palidhur me tag-e