Nuk ka lajm, mirëpo ka tekst pashije
Published in Recensione
on 3 - 10 - 2016 Author: Југослава Дуковска
[Muhi me figurat e njohura mëson si të montojë fotografi]
Krejtësisht i parëndësishëm, jorelevant për publikun, mirëpo edhe i pashije dhe i paskrupullt është artikulli që e recensojmë kësaj radhe. Si të vlerësohet ndryshe publikimi i shkurtër, në të cilin fotografia private e një figure të opozitës së bashku me dy bashkëpartiakë të tjerë, në një atmosferë joformale, që është publikuar në profilin privat në Facebook, është shfrytëzuar për komentim të vrazhdë dhe pështyrës?
Linku deri te artikulli origjinal: Muhi me figurat e njohura mëson si të montojë fotografi
Data dhe koha e publikimit: 27.09.2016, 23:00
Data e recensionit: 30.09.2016
Recensuese: Јugosllava Dukovska
LAJMI ËSHTË SE NUK KA LAJM!
Që në fillim duhet theksuar se bëhet fjalë për artikull që komenton në mënyrë ofenduese publikimin e një fotografie private në profilin privat të një personi, ish-gazetar dhe anëtar aktual i udhëheqësisë së LSDM-së opozitare. Fotografia është marrë pa lejen e pronarit dhe është vënë në funksion të diskreditimit të tij.
Konrketisht, komentohet fakti se në fotografi shihet një pjesë e një shisheje me alkool, që më pas, në profilin e njëjtë të paraqitet fotografia e njëjtë, mirëpo e shkurtuar në pjesën e poshtme, dhe ky detal më nuk shihet.
“Vëmendjen na e tërhoqi i katërti në fotografi – “Jony Walker” me banderolë – që u gjet në mesin e personave të njohur nga fotografia. Mirëpo, gjëja më interesante ndodhi dhjetë minuta më vonë, kur në profilin e njëjtë në FB u paraqit një fotografi e prerë, e ngjitur, e montuar ku “Jony” nuk është më. Binduni vetë”
Çfarë relevance shoqërore është gjetur në faktin se Zekiri e ka shkurtuar fotografinë e tij, të cilën pastaj e ka publikuar në “Facebook”? Аludimi se me këtë fshehet ekzistimi i shishes me alkool në tavolinën në të cilën janë fotografuar Zekiri dhe bashkëpartiakët e tij, deputetët Petre Shilegov dhe Sofija Kunovska, praktikisht nuk i tregon asgjë lexuesit, përveç një momenti privat nga eta e Zekirit, të cilin ai ka dashur ta ndajë me publikun.
Pajtimi i shfrytëzuesit të publikojë fotografi të tij në profilin privat, pa marrë parasysh se për sa shfrytëzues të tjerë do të jetë ajo në dispozicion, nuk do të thotë se ai pajtohet që ato të ripublikohen në ueb-faqe të tjera apo në medie tradicionale, prandaj çdo ripublikim i fotografive pa pëlqimin e personit, që është bartës i të dhënave personale, është i paligjshëm,
thuhet në leksionin gazetaresk për dukurinë e (keq)përdorimit të të dhënave persionale që janë në dispozicion publik në rrjetet sociale, që është publikuar në “Shërbmin për verifikimin e fakteve në medie”.
Ku qëndron këtu lajmi, do të kishim pyetur? Lajmi është se ky artikull nuk ka lajm. Dhe asnjë grimcë shije të mirë.
INFOGRAPHIC
TRUTHFULNESS
ka fakte
nuk mund të përcaktohet saktësia e pohimeve
nuk mund të përcaktohet vërtetësia e deklaratave
SOURCES OF INFORMATION
ka burime të evidentuara
jozyrtare
jorelevante
1 burim
një palë
EXTENSIVENESS
jogjithëpërfshirës
informata të fshehura
BIAS
nuk mund të përcaktohet
ka shtrembërim të së vërtetës (spin)
nuk mund të përcaktohet
mban anën e një pale
anshmëri politike
COMMENTING
ka elemente të komentimit
të integruara me faktet
PLAGIARISM
vepër origjinale
është theksuar autori
TITLE QUALITY
dezinformon
jokreativ
senzacionalist
joadekuat
tendencioz
PHOTOGRAPH
ka
adekuate
manipulon
është theksuar autori (burimi)
HATE SPEECH
gjuhë ofenduese
nuk ka gjuhë të urrejtjes
nuk nxit për përdorimin e dhunës
nuk diskriminon
EDITED FOR THE WEB
mesatarisht i lexueshëm
nuk ka elemente multimediale
nuk ka linke kontekstuale
pjesërisht i rregulluar në aspekt stilistik
i lidhur me tag-e