Përballje me faktet jo me hamendësimet
Published in Recensione
on 29 - 12 - 2015 Author: Xhenis SulimaniAkuza të pabaza dhe sugjerime që nxirren nga një fotografi nuk mund të konsiderohet gazetari profesionale. Misioni i gazetarit humb në etikë kur mundohet që t’ia mjegullojë opinionit një ngjarje me interes të përgjithshëm. Faktet janë baza e çdo raportimi.
Linku deri te artikulli origjinal: “Përballje për ndotjen apo mashtrim?”
Data dhe koha e publikimit: 22.12.2015
Data e recensionit: 28.12.2015
Recensues: Xhenis Sulimani
Teksti që po e recensojmë tenton të arrijë në përfundime të pa bazuara, se lideri i Eco Guerilla Arianit Xhaferi është në shërbim të Teuta Arfiti, kryetare e Komunës së Tetovës. Këto konstatime sillen duke u bazuar në një fotografi pas një debati televiziv.
“Pas një debati të regjistruar në këtë televizion në lidhje me problematikën e Jugohromit shihet se Teuta Arifi ka dalë në betejë me Arianit Xhaferin nga Eco Guerilla, por si duket raportet e tyre kundërshtuese janë vetëm një fasadë mashtruese që përdoren për politikat ditore dhe për mashtrimin e popullatës”.
Fotoja e përbashkët pas mbarimit të emisionit nuk mund të jetë referencë për qëndrime dhe akuza të tilla. Aq më shumë kjo nuk vlen kur dihen përplasjet mes dy figurave.
Debati paraqet një arenë ku konfrontohen ide dhe bindje të mirëargumentuara por që mbeten përfaqësuese për personat që i paraqesin. Përplasja e fakteve nga palët e ndryshme nuk nënkupton domosdoshmërisht edhe përplasje mes personaliteteve. Prandaj, debati i ashpër që u zhvillua në kuadër të këtij emisioni mbi një temë mjaftë aktuale dhe të rëndësishme për publikun, siç është ndotja e ajrit, nuk do të thotë se debatuesit të “kacafyten” publikisht apo se nuk kanë të drejtë për një foto të përbashkët. Në fakt, ajo ndihmon për dhënë pasqyrë të mirë dhe duke kontribuar në kultivimin e një debati të mirëfilltë politik, ku ndeshen argumentet dhe nuk personalizohen gjërat.
Në tekst gazetari aspak nuk ka zbardhur ndonjë pjesë interesante dhe produktive nga debati, që do të ishte me rëndësi për publikun, por drejtpërdrejt ka kaluar në gjykim se ai është fals. Ai sjell insinuata se lidhjet farefisnore të Arianit Xhaferit me punonjës në komunën e Tetovës ndikojnë që ai të mbrojë Tetuta Arifin. Këto akuza janë qëndrime personale të autorit të cilat nuk e kanë vendin në një lajm.
Opinioni zakonisht, për debatin që nuk e kanë ndjekur të plotë, do të lexojë se çfarë është debatuar në emision, si i kanë argumentuar qëndrimet debatuesit dhe çfarë mesazhi kanë përcjellur. Manipulimet e këtilla në gjuhën gazetareske njihen si “manipulim i vetëdijshëm me opinionin”.
INFOGRAPHIC
TRUTHFULNESS
nuk ka fakte
pohimet jo të sakta
deklarata jo të vërteta
SOURCES OF INFORMATION
ka burime të evidentuara
jozyrtare
jorelevante
1 burim
një palë
EXTENSIVENESS
jogjithëpërfshirës
informata të fshehura
BIAS
manipulon
ka shtrembërim të së vërtetës (spin)
informata të rrejshme
mban anën e një pale
anshmëri politike
COMMENTING
ka elemente të komentimit
të integruara me faktet
PLAGIARISM
vepër origjinale
nuk është theksuar autori
TITLE QUALITY
nuk informon
jokreativ
senzacionalist
joadekuat
tendencioz
PHOTOGRAPH
ka
adekuate
manipulon
nuk është theksuar autori (burimi)
HATE SPEECH
nuk ka gjuhë ofenduese
gjuhë e urrejtjes
nuk nxit për përdorimin e dhunës
EDITED FOR THE WEB
i lexueshëm
nuk aplikohet
ka linke kontekstuale
i parregulluar në aspekt stilistik
i palidhur me tag-e