Përmbajtje mediatike për “likuidimin” e Janevës
Published in Recensione
on 3 - 11 - 2016 Author: Зоран Бојаровски[Recension: A do të përgjigjet Katica për ndihmën dhe fshehjen e veprave penale?]
Madje edhe sikur të doni, edhe sikur të konstruoni një tezë në një përmbajtje mediatike, ajo duhet të mbështetet dhe të përpunohet sipas standardeve dhe rregullave gazetareske.
Ja, madje edhe sikur dikush të vërejë indikacione të fuqishme për një vepër siç është “ndihma dhe fshehja e veprave penale”, të cilat gjoja janë kryer në prokuroinë speciale publike, argumentimi i këtyre indikacioneve nuk mund të merret seriozisht, nëse kjo bëhet vetëm në bazë të komunikatave bajate, neneve të Kodit penal dhe me deklarata, poashtu të vjetra, të politizuara të kundërshtarëve të hidhur.
Si e para, teksti le përshtypje se ka qasje sipërfaqësore, joserioze gazetareske, thënë më së buti. Ndërsa, kuptimi më i keq i një veprimi të tillë, është se bëhet fjalë për keqpërdorim të pozitës gazetareske dhe për krijimin e përmbajtjes që duhet të shërbejë si municion për “eliminimin” e personit të targetuar.
Linku deri te artikulli origjinal: A do të përgjigjet Katica për ndihmën dhe fshehjen e veprave penale?
Data dhe koha e publikimit: 01.11.2016, 17:10
Data e recensionit: 03.11.2016
Recensues: Zoran Bojarovski
AKUZON DHE GJYKON
Ta përsërisimi edhe një herë: Edhe sikur të pranojmë se ka indikacione për vepra të këtilla, nuk është etike të ulemi para kompjuterit dhe të shkruajmë, e para kësaj të mos e kemi kryer detyrën e gazetarit për t’i verifikuar pretendimet te pala tjetër dhe te ekspertët.
Në rastin e kësaj përmbajtjeje mediatike, kjo nuk është bërë dhe prandaj para nesh kemi tekst gazetaresk që akuzon dhe gjykon në të njëjtën kohë. Mbetet të caktohet vetëm dënimi! Këtë nuk e bën gazetari. Kjo është kundërshtim me shumë parime të Kodit të gazetarëve, mirëpo këtu do t’i veçojmë vetëm tre. I pari, neni 8, i cili kërkon nga gazetarët që të raportojnë pa senzacionalizëm dhe kërkon që të respektohet parimi i supozimit të pafajësisë:
Mënyra e informimit në rastet e fatkeqësive, katastrofave natyrore, luftërave, tragjedive familjare, sëmundjeve, proceseve gjyqësore duhet të jenë të çliruara nga senzacionalizmi.
Në proceset gjyqësore duhet të respektohet parimi i pafajshmërisë, të raportohet për të gjitha palët e përfshira në mosmarrëveshje dhe nuk duhet të jepen sugjerime në lidhje me aktgjykimin.
Nëse bëhet fjalë për raportim për proceset politike, e mungon baraspesha ndërmjet të gjitha palëve të involvuara, edhe nga njëri edhe nga opcioni tjetër politik, atëherë në sipërfaqe del anshmëria. Neni 14 i Kodit të gazetarëve, tërheq vërejtjen mu për këtë praktikë të gabuar:
Raportimi për proceset politike, veçanërisht zgjedhjet, duhet të jetë i paanshëm dhe i balancuar. Gazetari duhet të sigurojë distancë profesionale prej subjekteve politike.
Dhe në fund, vetëm ta mbështesim vlerësimin tonë nga fillimi se bëhet fjalë për keqpërdorim të pozitës së gazetarit dhe për krijim të përmbajtjes që duhet të shërbejë si municion për “eliminim” të personit të targetuar, do t’i referohemi nenit 16 të Kodit. Në të thuhet se:
Gazetari do ta ruajë prestigjin dhe dinjitetin e profesionit të tij, do ta nxisë solidaritetin reciprok dhe pluralizmin e mendimeve dhe nuk do ta përdorë medien e tij për t’i qëruar hesapet me persona të ndryshëm, duke i përfshirë këtu edhe kolegët e tij.
INFOGRAPHIC
TRUTHFULNESS
pjesërisht
nuk mund të përcaktohet saktësia e pohimeve
nuk mund të përcaktohet vërtetësia e deklaratave
SOURCES OF INFORMATION
ka burime të evidentuara
zyrtare
më tepër burime
një palë
EXTENSIVENESS
jogjithëpërfshirës
ndoshta ka informata të fshehura
BIAS
pjesërisht e paraqet të vërtetën
ka shtrembërim të së vërtetës (spin)
nuk mund të përcaktohet
mban anën e një pale
anshmëri politike
COMMENTING
ka elemente të komentimit
të integruara me faktet
PLAGIARISM
vepër origjinale
është theksuar autori
TITLE QUALITY
nuk informon
jokreativ
senzacionalist
adekuat
tendencioz
PHOTOGRAPH
ka
adekuate
as manipulon as informon - është vënë vetëm si ilustrim
nuk është theksuar autori (burimi)
HATE SPEECH
gjuhë ofenduese
nuk ka gjuhë të urrejtjes
nuk nxit për përdorimin e dhunës
nuk diskriminon
EDITED FOR THE WEB
i lexueshëm
nuk ka elemente multimediale
nuk ka linke kontekstuale
i rregulluar në aspekt stilistik
i palidhur me tag-e