Prezumimi i pafajsisë është i shenjtë
Published in Recensione
on 14 - 01 - 2016 Author: Ferikan Iljazi
[Recension “Mega skandal, një pjesë e madhe e materialeve të përgjuara të Zaevit gjenden në fabrikën e aferave”]
Ndonëse i gjithë ky tekst është përplot me mangësi që nuk duhet të gjejnë vend në një lajm të shkruar nga gazetar profesionist, ajo që më së shumti bie në sy është shkelja e prezumimit të pafajësisë. Autori i këtij teksti ia ka lejuar vetes që të bëhet gjykatës duke publikuar fotografi dhe profilin e fejsbukut të një personi që dyshohet të ketë marrë pjesë në falsikimin e dokumenteve të ndryshme dhe letërnjoftimeve që janë shfrytëzuar për manipulime zgjedhore. Nga muhabetet e çajtoreve ndoshta mund të dihet se ky person ka marrë pjesë në falsifikim por kjo gjë nuk i takon gazetarit për ta thënë, vetëm në raste kur ka fakte të pakontestueshme. Po të arrestohej ky person dhe emrin e tij po ta publikonte vetë policia siç ka bërë në shumë raste, gazetarët nuk duhet të shkelin këtë të drejtë ligjore. Për më tepër shkelja e kësaj të drejte, e nxin edhe imazhin e gazetarit nëse ai zotohet si profesionist.
Linku për te artikulli origjinal: “Mega skandal, një pjesë e madhe e materialeve të përgjuara të Zaevit gjenden në fabrikën e aferave”
Data dhe koha e publikimit: 16.12.2015
Data e recensionit: 21.12.2015
Recensuese: Ferikan Iljazi
Gjithë teksti është përpiluar në bazë të një burimi anonim brenda hetimit për skandalin me letërnjoftimet e falsifikuara gjë që është legjitime pasi që gazetari ka të drejtë ta mbrojë burimin e vetë. Por ajo që pengon është fakti se gazetari në disa momente shfrytëzon burimin anonim për të futur aty-këtu disa komente personale. Si për shembull ky paragraf në vazhdim:
“Dorëzimi i materialeve joligjore tek Zahir Bekiri sipas njohësit të rrethanave publikisht bëhen të qarta qëllimet e Zaevit. Përmes mediave nga jashtë që të fillojë plasimi i bisedave private. Qëllimi i tij duket të jetë shtyrja e zgjedhjeve për shkak të rejtingut të dobët që ka. Pres 24 informon se Zaev personalisht ka udhëtuar në Serbi ndërsa kontakt me Bozinovskin ka pasur edhe Sasha Bogdanovic, drejtor i parkingjeve në komunën Qendër.”
Këto dy fjali nuk është e qartë nëse janë informata të gazetarit apo të burimit anonim. Edhe po të kishin qenë qëndrime të gazetarit por të mbuluara me prova konkrete mund të jepej konstatim i tillë, por pa prova nuk guxon të jepen kualifikime të tilla.
Në shprehje vjen përsëri përdorimi i gjeneralizimit dhe analistëve pa emër. Për të amnistuar veten, gazetari përdor gjoja qëndrim të njohësve të rrethanave politike. Pasojnë edhe disa konstatime personale në stilin e mediave pro qeveritare maqedonase, që nuk i kanë hije një lajmi të kësaj natyre.
Të rikujtojmë përsëri prezumimin e pafajësisë i cili duhet të përsëritet çdo ditë. Kjo pasi që me shkeljen e prezumimit të pafajësisë pa dashje mund të shkaktojmë dëme shumë të mëdha mbi jetat e njerëzve. Në nenin 13 të Kushtetutës së Republikës së Maqedonisë qartë bëhet e ditur se “Personi i akuzuar për vepër penale do të konsiderohet si i pafajshëm derisa faji i tij nuk përcaktohet me aktgjykim të plotfuqishëm gjyqësor.” Po e njëjta dispozitë parashihet edhe me Ligjin për Procedurë Penale.
INFOGRAPHIC
TRUTHFULNESS
nuk ka fakte
nuk mund të përcaktohet saktësia e pohimeve
nuk mund të përcaktohet vërtetësia e deklaratave
SOURCES OF INFORMATION
ka burime të evidentuara
jozyrtare, anonime
relevante,
1 burim
një palë
EXTENSIVENESS
jogjithëpërfshirës
informata të fshehura
BIAS
pjesërisht e paraqet të vërtetën
ka shtrembërim të së vërtetës (spin)
nuk mund të përcaktohet
mban anën e një pale
anshmëri tjetër
COMMENTING
ka elemente të komentimit
të integruara me faktet
PLAGIARISM
kopje të plotë
nuk është theksuar autori
TITLE QUALITY
dezinformon
jokreativ
senzacionalist
adekuat
tendencioz
PHOTOGRAPH
ka
adekuate
manipulon
nuk është theksuar autori (burimi)
HATE SPEECH
gjuhë ofenduese
gjuhë e urrejtjes
nuk nxit për përdorimin e dhunës
EDITED FOR THE WEB
mesatarisht i lexueshëm
elemente jokualitative multimediale
nuk ka linke kontekstuale
i parregulluar në aspekt stilistik
i palidhur me tag-e