Profesionalizmi “shkoq”, se voajerizmi “nuk hahet”
Published in Recensione
on 28 - 09 - 2016 Author: Xhenis Sulimani
[Recension: Reis Sulejman Rexhepi bashkë me hoxhallarët e “shkoçin” mishin]
Në esencë, gazetari nuk duhet të udhëhiqet nga ‘era e mishit’. Misioni i gazetarisë është interesi i publikut, por në kuptim tjetër nga “logjika” e produksionit të përmbajtjeve në mediat rozë. Interesi i publikut nuk është çfarë hanë përgjegjësit nëpër institucione të ndryshme, qoftë edhe fetare, por se çfarë dhe si punojnë ata. Ka raste kur edhe sofrat e begata mund të jenë temë e interesit të publikut, në momente kur ka dyshime se hesapi paguhet me para të keqpërdorura. Mirëpo, edhe dyshime të tilla, para se të botohen, duhet të dëshmohen dhe vërtetohen.
Linku deri te artikulli origjinal: “Reis Sulejman Rexhepi bashkë me hoxhallarët e “shkoçin” mishin”
Data dhe koha e publikimit: 26.09.2016
Data e recensionit: 27.09.2016
Recensues: Xhenis Sulimani
Teksti që po e recensojmë me anë të sofrës së shtruar ku merr pjesë edhe reisi Sulejman Rexhepi tenton të shtrojë tezë për papërgjegjësinë e tij ndaj besimtarëve. “Nuk dihet nëse është e lejuar që të postohen këto fotografi në rrjetet sociale, pasi shumica e myslimanëve nuk kanë as bukë në tryezat e tyre ndërsa Reisi bashkë me disa hoxhallarë siç duket luajnë me fukarallëkun e myslimanëve.”
Edhe në qoftë se mendon se ka të drejtë, gazetari në asnjë moment nuk duhet t’i japë vetes të drejtën për të paragjykuar nga një foto, pa ofruar dëshmi dhe argumente shtesë për atë që do ta përcjellë si lajm.
Ndryshe, e para që mund t’i bjerë ndërmend lexuesit kur ta lexojë tekstin është “kujt i intereson kjo që ka përcjellur teksti”? Drekat apo darkat e përfaqësuesve të institucioneve fetare nuk janë çdoherë në interes të publikut. Me çfarë rasti është bërë kjo fotografi, është ahëng zyrtar apo privat? Vallë me të vërtetë është bërë ndonjë keqpërdorim? Çfarë thotë për këtë vetë i apostrofuari, ndonjë prej personave tjerë në fotografi? Çfarë mund të thonë për këtë ekspertët e fushës, teologët? Çfarë mendojnë për këtë vetë besimtarët? Mungesa e përgjigjjeve në këto pyetje në këtë përmbajtje, tregon se lajmi është bërë më tepër për senzacion dhe për të grumbulluar disa klikime më tepër, e jo për t’u ofruar si produkt gazetaresk, i strukturuar, objektiv, gjithëpërfshirës dhe i paanshëm.
Në kodin etik të gazetarisë qartë potencohet se: Interesi publik përfshin informacione që mund të kontribuojnë për zbulimin e veprave kriminale, shpërdorimeve të pozitës zyrtare, rrezikimit të demokracisë, korrupsionit, rasteve të padrejtësive, shkeljen e të drejtave të njeriut, diskriminimit, rrezikimit të shëndetit dhe sigurisë së njerëzve, pakujdesi dhe/ose paaftësi të funksionarëve publik. Interesi publik, poashtu, inkuadron edhe informacione që u ndihmojnë njerëzve të marrin vendime me karakter publik dhe pengojnë mashtrimin apo manipulimin me popullsinë me deklarata ose me veprime nga individë ose organizata.
INFOGRAPHIC
TRUTHFULNESS
ka fakte
pohimet jo të sakta
deklarata jo të vërteta
SOURCES OF INFORMATION
ka burime të evidentuara
1 burim
një palë
EXTENSIVENESS
jogjithëpërfshirës
nuk ka informata të fshehura
BIAS
pjesërisht e paraqet të vërtetën
ka shtrembërim të së vërtetës (spin)
është i njëanshëm
anshmëri komerciale, anshmëri tjetër
COMMENTING
ka elemente të komentimit
të integruara me faktet
PLAGIARISM
vepër origjinale
nuk është theksuar autori
TITLE QUALITY
Ironizon
kreativ
senzacionalist
adekuat
tendencioz
PHOTOGRAPH
ka
adekuate
manipulon
nuk është theksuar autori (burimi)
HATE SPEECH
gjuhë ofenduese
nuk ka gjuhë të urrejtjes
nuk nxit për përdorimin e dhunës
nuk diskriminon
EDITED FOR THE WEB
i lexueshëm
nuk aplikohet
nuk ka linke kontekstuale
i parregulluar në aspekt stilistik
i palidhur me tag-e