Pulsi i manipulimit dhe i turpit
Published in Recensione
on 16 - 05 - 2016 Author: Зоран Бојаровски[Recension: Еksponentët punojnë për kryeministër shqiptar]
Njëria nga parimet kryesore progresive të gazetarisë është përfshirë në preambulën e Kodit të gazetarëve. Ai ua bën me dije gazetarëve se cili është roli i tyre në një shoqëri demokratike:
Duke e ndjekur rolin e tyre në ndërtimin e demokracisë dhe të shoqërisë qytetare, gazetarët do t’i mbrojnë të drejtat e njeriut, dinjitetin dhe lirinë, do ta respektojnë pluralizmin e ideve dhe të qëndrimeve, do të kontribuojnë në forcimin e shtetit të së drejtës dhe në kontrollimin e pushtetit dhe subjekteve tjera të jetës publike.
Në përmbajtjen mediatike që e recensojmë nuk mund të dallohet as gjurma më e vogël e vlerave që i parasheh ky rekomandim i Kodit. Përkundrazi, teksti është përplot me përjashtime dhe me refuzim të lirisë së të shprehurit. si njëra nga të drejtat themelore të njeriut. Aq më tepër, në këtë përmbajtje sulmohet personaliteti dhe integriteti i autorit të mendimit të shprehur në njërën nga rrjetet sociale dhe formulohet një akuzë për të cilën nuk ka asnjë bazë.
Linku deri te artikulli origjinal: Еksponentët punojnë për kryeministër shqiptar
Data dhe koha e publikimit: 11.05.2016
Data e recensionit: 15.05.2016
Recensues: Zoran Bojarovski
AKUZË E TRILLUAR
Аutori i përmbajtjes në rrjetet sociale vetëm e ka shfrytëzuar njërën nga veglat që janë në dispozicion në atë medie për të realizuar anketë në pyetjen:
A është në rregull që shqiptari etnik të bëhet kryeministër, kryetar shteti ose ministër për punë të jashtem i RM-së?
Pyetja është shumë legjitime, nëse e kemi parasysh porosinë na paragrafi i lartëpërmendur i Kodit të gazetarëve, i cili parasheh që të respektohet pluralizmi i ideve dhe i qëndrimeve.
Në vend të respektimit të këtyre parimeve, që në titullin e përmbajtjes mediatike që e recensojmë, bëhet spin dhe manipulim dhe në mënyrë propaganduese autori i mendimit të shprehur shpallet si “eksponent” i kësaj ideje. Kinse bëhet fjalë për ndonjë gogol dhe për ankthin më të madh të kombit!
Mirëpo, kjo nevojitet për ta nxitur ngritjen e temperaturës, për shkak se arsye tjetër gazetareske për një shkrim të tillë propagandues – nuk ka.
Pastaj vjen edhe manipulimi me fotografinë, e cila është transformuar që të shkaktohen emocione plotësuese të fobisë ndaj grupit tjetër etnik i cili prezantohet si kërcënim për vendin.
I gjithë teksti, në fakt, është koment që mbjell frikë dhe që ka për qëllim të nxisë urrejtje.
MANIPULIM
Problemi i ardhshëm i kësaj përmbajtjeje mediatike është vërtetësia, gjegjësisht manipulimi i sërishëm me veglat e rrjetit social. Në fakt, me qëllim të nënçmimit të mendimit të shprehur, është bërë interpretim i gabuar i elementit kohë, me të cilin përcaktohet afati për përfundimin e anketës. Мanipilimi thotë se kanë kaluar 23 orë dhe se askush nuk është “mashtruar” pas anketës, e në fakt e vërteta është se deri në fund të anketës kanë mbetur edhe 23 orë (e 12 minuta, të jemi shumë të saktë). Ka dallim, apo jo!
Përndryshe e vërteta është se në fund të anketës në të kanë votuar 309 pjesëmarrës dhe 21 e kanë retweet-uar.
Dhe në fund, edhe një manipulim me të vërtetën që ka të bëjë me këtë citim:
“Përndryshe Filip Stojanovski është fëmijë i oficerit të ish-APJ-së, armatë e cila gjatë largimit nga Maqedonia i vodhi armët, i mori madje edhe batanijet dhe prizat, me shpresë se do të na bëjë gjah të lehtë për fqinjët që duan të na shkatërrojnë.”
E vërteta edhe për këtë është një dhe e vetme, dhe nuk është kjo që sugjerohet. Ajo është publikuar si demant personal i autorit të anketës në njërin nga forumet në rrjetet sociale dhe aty thuhet se babai i Stojanovskit nuk ka qenë oficer i APJ-së, por ushtar i thjeshtë edhe atë 14 vite para tërheqjes së APJ-së nga Maqedonia.
Çka tjetër të përfundojmë… Hajde, do ta lëmë që ju, lexues të nderuar të “Shërbimit për verifikimin e fakteve në media”, t’i plotësoni këto tre pika.
INFOGRAPHIC
TRUTHFULNESS
pjesërisht
shumica janë të pasakta
deklarata jo të vërteta
SOURCES OF INFORMATION
nuk ka burime të evidentuara
jozyrtare
1 burim
një palë
EXTENSIVENESS
jogjithëpërfshirës
informata të fshehura
BIAS
Jo
ka shtrembërim të së vërtetës (spin)
informata të rrejshme
mban anën e një pale
anshmëri politike
COMMENTING
ka elemente të komentimit
të integruara me faktet
PLAGIARISM
vepër origjinale
është theksuar autori
TITLE QUALITY
dezinformon
jokreativ
senzacionalist
joadekuat
tendencioz
PHOTOGRAPH
ka
joadekuate
manipulon
nuk është theksuar autori (burimi)
HATE SPEECH
gjuhë ofenduese
nuk ka gjuhë të urrejtjes
nuk nxit për përdorimin e dhunës
nuk diskriminon
EDITED FOR THE WEB
i lexueshëm
nuk ka elemente multimediale
nuk ka linke kontekstuale
i rregulluar në aspekt stilistik
i palidhur me tag-e