Recension: FOTO: Me automobil është përplasur në dru – ky djalosh e humbi jetën në aksident të rëndë trafiku
Published in Recensione
on 27 - 01 - 2015 Author: Владимир МирческиLajm jo i plotë në të cilin mungojnë disa elemente kyçe për të fituar pasqyrë të plotë për ngjarjen. Publikut i është servuar një përmbajtje “e sakatosur” e shoqëruar me titull joadekuat dhe senzacionalist. Ky tekst është një shembull i keq për “copa/paste” i “ngjyrosur” me përmbajtje tabloide.
Linku deri te artikulli origjinal: FOTO: Me automobil është përplasur në dru – ky djalosh e humbi jetën në aksident të rëndë trafiku
Data dhe koha e publikimit: 19.01.2015, 10:14
Data e recensionit: 22.01.2015
Recensues: Vlladimir Mirçeski
GARA PAS “KLIKIMEVE” E VRAU INFORMATËN
Kemi rast të transmetimit diletant dhe jokorrekt të lajmit me përfundim tragjik, i cili pothuajse është cunguar për shkak të mungesës së informatave kyçe. E para që mungon është KU, pastaj nuk ka KUR, e poashtu nuk vërehet edhe PSE. Është e vërtetë se ka KUSH, mirëpo edhe këtu puna nuk është sqaruar deri në fund. Më saktë, këtu bëhet fjalë për lajm të marrë prej diku, pa treguar se prej ku, të publikuar me titull nga i cili del se fatkeqësia ka ndodhur në vendin tonë, e jo në Serbi. E palejuar!!! Pse është bërë kjo? – Supozoj vetëm që të fitohen sa më shumë klikime. Edhe kjo është e palejuar. Nuk mund interesi ekonomik të ketë përparësi para parimeve kryesore profesionale, e do të thoja edhe etike, mbi të cilat duhet të bazohet çdo produkt gazetaresk.
Ngjarja e vërtetë është se fatkeqësia ka ndodhur në një rrugë në Serbi, se automobili me tre udhëtarë ka dalë nga rruga në një kthesë në rrugën për në Ivanjicë, dhe se ka vdekur djaloshi që e ka vozitur automobilin. Në tekstin e kopjuar, gjithçka është kthyer mbrapsht, përveç vdekjes “me fulturim nëpër dritaren e parme të automobilit”, dhe për këtë shkak nuk mund të lidhen penjtë e tregimit. Plus, artikullit i është vënë një titull që është absolutisht i papërshtatshëm, për shkak se qartë potencohet vetëm komponenta senzacionaliste. Nuk e di se cila është nevoja që të thuhet “Ky është djaloshi që e humbi jetën në fatkeqësi të rëndë trafiku” , sikur bëhet fjalë për ndonjë njeri të këtushëm, të cilin e njeh publiku për të cilën është dedikuar artikulli. Në fakt këtu qëndron edhe “kurthi” për lexuesit – të shtyrë nga titulli të klikojnë dhe pastaj ta kuptojnë se bëhet fjalë për incident tragjik që ka ndodhur në një vend fqinj, e jo në vendin tonë. Gjithsesi, nga këndvështrimi gazetaresk, nuk mund ta pranoj të tregohet me gisht në stilin “ja kush e humbi jetën” për një viktimë të aksidentit të trafikut.
Mënyra e informimit në raste të fatëkeqësive, katastrofave, luftërave, tregjedive familijare, sëmundjeve, proceseve gjyqësore duhet të jetë e çliruar nga senzacionalizimi – thotë neni 8 i Kodit të gazetarëve të Maqedonisë.
Qasja jo e plotë, senzacionaliste, me selektivitet në plasimin e informatës, sipas parimit “copy-paste”, gjithsesi nuk është karakteristikë e materialit korrekt gazetaresk.
INFOGRAPHIC
TRUTHFULNESS
ka fakte
deklarata të sakta
pjesërisht
SOURCES OF INFORMATION
nuk ka burime të evidentuara
nuk mund të përcaktohet
EXTENSIVENESS
jogjithëpërfshirës
ndoshta ka informata të fshehura
BIAS
pjesërisht e paraqet të vërtetën
nuk mund të përcaktohet
nuk ka informata të rrejshme
COMMENTING
nuk ka elemente të komentimit
PLAGIARISM
kopje të pjesshme
nuk është theksuar autori
TITLE QUALITY
dezinformon
jokreativ
senzacionalist
joadekuat
tendencioz
PHOTOGRAPH
ka
joadekuate
as manipulon as informon është vënë vetëm si ilustrim
nuk është theksuar autori (burimi)
HATE SPEECH
nuk ka shprehje të urrejtjes
nuk ka shprehje të urrejtjes
nuk nxit dhunë
nuk diskriminon
EDITED FOR THE WEB
i lexueshëm
elemente jokualitative multimediale
nuk ka linke kontekstuale
pjesërisht i rregulluar në aspekt stilistik
i palidhur me tag-e