Kualifikimet e rënda nuk janë detyrë e gazetarit

on 10 - 09 - 2015 Author: Benjamin Arifi

Siç shihet që nga titulli, kemi të bëjmë me një akuzë dhe konstatim mjaft serioz nga autori i tekstit. Në parim, gazetari duhet t’i shmanget konstatimeve të tilla të drejtpërdrejta, përveç nëse i bazon në fakte të qarta dhe të pacenueshme. Në rastin konkret, nuk mund të thuhet se ekziston bazë e mjaftueshme që i jep të drejtë gazetarit të shfrytëzojë kualifikime të tilla të rënda si në titull.

Linku deri te artikulli origjinal: Peticion racist i mjekëve nga Gjevgjelia, Bogdanci, Dojran dhe Valandovo: Nuk i shërojmë refugjatët

Data dhe koha e publikimit: 31.08.2015

Data e recensionit: 04.09.2015

Recensues: Benjamin Arifi

Edhe pse teksti duket të jetë në rregull, sepse bëhet fjalë për lajm që vetëm sjell komunikatën e disa ordinancave në Maqedoninë juglindore, kualifikimi i përdorur në titull i jep tendencë krejt tjetër lajmit, duke mos e sqaruar deri në fund. Në komunikatën e mjekëve, janë shpjeguar mirë dhe qartë arsyet për të cilat ata refuzojnë të kryejnë shërbime mjekësore ndaj refugjatëve.

Nuk janë krijuar kushtet esenciale materiale dhe të sigurisë për afrimin e shërbimeve mjekësore ndaj refugjatëve, duke e marr parasysh atë se nuk kemi të dhëna për gjendjen e tyre shëndetësore dhe nuk janë të siguruara mjete të mjaftueshme mbrojtëse gjatë kontaktit me to, për shkak të së cilës mund të rrezikohet shëndeti i jonë dhe i familjeve tona”, thuhet ndërmjet tjerash në peticion.

Siç vërehet edhe nga komunikata, kryefjala tek reagimi i mjekëve janë mungesa e kushteve për të mjekuar refugjatët që mund të kenë nevojë për ndihmë mjekësore. Në asnjë fjalë në komunikatë nuk vërehet gjuhë e urrejtjes, ksenofobi ose paragjykim racor apo etnik nga ana e mjekëve, që e bën titullin të pasaktë dhe jo-profesional.

Gazetari duhet të përmbahet nga kualifikime të pabaza për njerëz ose institucione, përderisa nuk ka elemente të mjaftueshme. Edhe nëse ekzistojnë elementet, kompetencë e gazetarit është vetëm të ngrejë dilemat duke kontaktuar ekspertë të fushës, institucione kompetente dhe palën e akuzuar, por në asnjë mënyrë të inkorporojë në tekst ose titull kualifikime të bazuara në bindje dhe përshtypje personale.

Ky recension është përgatitur nga kuadër të Projektit të USAID-it për përforcimin e mediumeve në Maqedoni – Komponenta Shërbimi për verifikimin e fakteve nga mediumet, që implementohet nga fondacioni Metamorfozis.. Ky recension është mundësuar me përkrahjen e Agjencisë amerikane për zhvillim ndërkombëtar (USAID). Përmbajtja e analizës është përgjegjësi e autorit dhe nuk i paraqet qëndrimet e fondacionit Metamorfozis, USAID-it ose të qeverisë së SHBA-ve. Për më tepër informata për punën e USAID-it në Maqedoni, ju lutemi vizitoni ueb-faqen e USAID-it: (http://macedonia.usaid.gov) dhe faqen e USAID-it në Facebook: (www.facebook.com/USAIDMacedonia).

INFOGRAPHIC

TRUTHFULNESS

ka fakte

pohime të sakta

deklarata të vërteta

SOURCES OF INFORMATION

ka burime të evidentuara

zyrtare

relevante,

1 burim

një palë

EXTENSIVENESS

jogjithëpërfshirës

ndoshta ka informata të fshehura

BIAS

pjesërisht e paraqet të vërtetën

ka shtrembërim të së vërtetës (spin)

informata të rrejshme

nuk aplikohet

COMMENTING

ka elemente të komentimit

të integruara me faktet

PLAGIARISM

vepër origjinale

TITLE QUALITY

dezinformon

senzacionalist

joadekuat

tendencioz

PHOTOGRAPH

adekuate

informon

nuk është theksuar autori (burimi)

HATE SPEECH

gjuhë ofenduese

nuk ka gjuhë të urrejtjes

nuk nxit për përdorimin e dhunës

nuk diskriminon

EDITED FOR THE WEB

i lexueshëm

nuk aplikohet

ka linke kontekstuale

i rregulluar në aspekt stilistik

i lidhur me tag-e

Shërbim për verifikim të fakteve në media