Recension: Zhernovski ia kthen shpinën Zaevit?
Published in Recensione
on 13 - 05 - 2014 Author: Југослава Дуковска
Subjekt i recensionit është një artikull tipik me spin politik, i bazuar në një spekulim të plasuar në një medie tjetër, e pastaj ai spekulim në mënyrë magjike merr peshën e faktit, me të cilin lexuesve u krijohet një storje joekzistuese për përçarje në taborin e opozitës.
Menjëherë të nesërmen pas publikimit të kësaj informate të pakonfirmuar dhe të pasaktë, ngjarjet e demantojnë atë. Mirëpo, me gjasë, qëllimi as që ka qenë informimi i saktë dhe në kohë i lexuesve për ndodhitë në taborin e opozitës, por mu e kundërta – turbullimi i ujit, plasimi i të pavërtetave, shtrembërimi i të vërtetës, me çka publiku duhet të fitojë përshtypje se fronti opozitar është i përçarë dhe po shkatërrohet, si dhe se personalitete konkrete politike janë fajtorë për këtë shkatërrim. Pikëpyetja në fund të titullit është alibi i dobët për këtë – ajo edhe me të le përshtypje të mjaftueshme që ta arrijë qëllimin. Tekstet e këtilla janë për përdorim afatshkurtër, me qëllim të caktuar dhe vetëm i ngjajnë informatës, për shkak se nuk kanë lidhje me standardet themelore gazetareske, bile edhe atëherë kur i respektojnë ato vetëm pro-forma.
Linku deri te artikulli origjinal: Zhernovski ia kthen shpinën Zaevit?
Data dhe koha e publikimit: 5.05.2014, 11:37
Data e recensionit: 6.05.2014
Recensues: Јugosllava Dukovska
BURIMET THONË NJË GJË, TITULLI SPEKULONN DIÇKA TJETËR
Pohimet dhe spekulimet e theksuara në informatë nuk janë të bazuara në fakte. Spekulimi që është dhënë në titull, i maskuar me shenjën e pikëpyetjes, rrjedh nga shkrimi i portalit Republika, i cili këtu përmendet si burim.
Në shikim të parë duket sikur janë respektuar standardet gazetareske, se informata bazohet në dy burime të ndryshme, mirëpo megjithatë ka një problem. Burimi kryesor të cilit i referohet informata është nga një medie tjetër, e cila, pohimin e saj (“PLD-ja mendohet a të mbetet me LSDM-në”) e bazon në të dhënën se vendimi për kthimin e mandateve akoma nuk është miratuar në mbledhjet e Këshillit ekzekutiv dhe atij Qendror të partisë që janë mbajtur javën e kaluar. Ndërsa, burimi i dytë, i cili shfrytëzohet në artikull, është një person nga radhët e PLD-së, por ai jep deklaratë me të cilën vetëm qartësohet se pse deri tani nuk është marrë vendim për ta përkrahur vendimin e Lidhjes Socialdemokratike për kthimin e mandateve të deputetëve. Nga deklarata askund nuk del se PLD-ja tërhiqet. Të dy burimet janë deklarata, që në fakt, nuk e mbështesin spekulimin e titullit, por kjo nuk ka qenë arsye e mjaftueshme që ky qrtikull të mos publikohet.
Ai, në fakt, paraqet shembull shkollor për një lajm jo të plotë, jogjithëpërfshirës, ndërsa dyshimet se diçka është fshehur u dëshmuan me ngjarjet e vetëm një dite më vonë, me të cilat spekulimet se Zhernovski ia kthen shpinën Zaevit, ranë në ujë.
GREP PËR TË PAKUJDESSHMIT
Anshmëria e këtij artikulli është evidente – ai “e krye detyrën e tij” në favor të partive nga opozita.
Edhe pse është siguruar njëfarë rezerve e objektivitetit me plasimin e spekulimit në formë pyetësore, titulli nuk është mbështetur me përmbajtjen e artikullit, që e bën atë tendencioz dhe – me qëllim të caktuar.
Spini në këtë epizod është në formë të grepit të hedhur për lexuesit. Kush kapet në të, kapet. Leximi pak më i kujdesshëm i gjithë artikullit, edhe një lexuesi që është mesatarisht i kujdesshëm do t’ia bëjë me dije se sa është ora, gjegjësisht se bëhet fjalë për spekulim të pabazë.
INFOGRAPHIC
TRUTHFULNESS
ka fakte
nuk mund të përcaktohet saktësia e deklaratave
nuk mund të përcaktohet vërtetësia e deklaratave
SOURCES OF INFORMATION
ka burime të evidentuara
anonime
jorelevante
2 burime
më tepër palë
EXTENSIVENESS
jogjithëpërfshirës
ndoshta ka informata të fshehura
BIAS
pjesërisht e paraqet të vërtetën
ka shtrembërim të së vërtetës (spin)
informata të rrejshme
mban anën e një pale
anshmëri politike
COMMENTING
nuk ka elemente të komentimit
të ndara nga faktet
PLAGIARISM
nuk mund të përcaktohet
nuk është theksuar autori
TITLE QUALITY
dezinformon
jokreativ
senzacionalist
joadekuat
tendencioz
PHOTOGRAPH
ka
adekuate
as manipulon as informon është vënë vetëm si ilustrim
nuk është theksuar autori (burimi)
HATE SPEECH
nuk ka shprehje të urrejtjes
nuk ka shprehje të urrejtjes
nuk nxit dhunë
nuk diskriminon
EDITED FOR THE WEB
mesatarisht i lexueshëm
elemente solide multimediale
nuk ka linke kontekstuale
pjesërisht i rregulluar në aspekt stilistik
i palidhur me tag-e