Respektimi i standardeve në gazetari nuk është luks, po obligim
Published in Recensione
on 15 - 06 - 2016 Author: Ferikan Iljazi[Recension: Luksi i tepruar i Zaevit, pishinë në dhomën e ditës dhe automobila të shtrejtë!]
Praktika e marrjes së teksteve nga portalet në gjuhën maqedonase të afërta me pushtetin dhe përkthimi i tyre vetëm sa për të mbushur faqet e internetit, nuk e bën gazetarinë më të mirë. Vetëm e bën më të lirë. Çmimi dhe vlera e gazetarisë bie, kur lajmi më nuk është lajm. E që ai të jetë i tillë, duhet t’u përmbahet standardeve të gazetarisë për informim, të cilat për mediat nuk janë luks, por obligim.
Linku deri te artikulli origjinal: Luksi i tepruar i Zaevit, pishinë në dhomën e ditës dhe automobila të shtrejtë!
Data dhe koha e publikimit: 04.06.2016, ora 12:53
Data e recensionit: 08.06.2016
Recensuese: Ferikan Iljazi
Autori ka marrë si bazë vetëm disa fotografi në rrjetin social “Instagram” si dëshmi për gjoja pasurinë marramendëse të liderit të opozitës Zoran Zaev. As nuk është munduar të kërkojë regjistra zyrtarë për pasurinë e tij, as ka kërkuar qëndrim nga Zaevi, e as nuk ka kërkuar qëndrim nga Komisioni Shtetëror për Parandalimin e Korrupsionit. Ka parë vetëm disa fotografi dhe ka nisur lajmin me një kreativitet të dobët, përplot cilësime dhe komente.
“Fotografitë të cilat po i prezantojmë tani janë të familjes së Zoran Zaevit që janë të vendosur në Instagram pikërisht nga vajza e tij e cila duket se ka një status të një fëmije të lazdruar deri në një shkallë që jo secili fëmijë mund ta ketë, e që nga fotot mund të shohim se ato bëjnë një jetë multimilionere, njofton Netpress ndërkohë transmeton Zhurnal”.
Ta zëmë se ky fakt qëndron. Zaev është shumë i pasur, por duhet marrë parasysh se para se të bëhet funksionar politik, ai dhe familja e tij kanë qenë të pasur dhe menaxhojnë biznese të shumta. Ajo që është e rëndësishme për interesin publik është se vallë ndonjë pjesë e kësaj pasurie është fituar duke keqpërdorur funksionin? Fatkeqësisht, përmbajtja nuk hyn fare në një analizë të tillë, por vetëm bën një inventor dhe përshkrim të pasurisë të kësaj familjeje.
“Vila në të cilën jetojnë në Strumicë ka pishinë në dhomën e gjumit, mobilje të shtrejta dhe automobila tepër luksoz. Por këtë luks e ka gjithë familja e gjerë e Zaevit të cilët vozisin makina nga Porshe deri në BMW ndërkohë që jetojnë nëpër vila dhe apartamente shumë të shtrejta, transmeton më tej Zhurnal”
Për shkak se bëhet fjalë për zyrtar publik, është legjitime të kërkohet llogari për dyshime për keqpëdorim të parave të popullit. Kjo ka mundur të bëhet në mënyrë do t’i jepte tekstit ngjyrë profesionale, e jo kështu, duke e shndërruar atë në një përmbajtje ndoshta adekuate për rubrikat e thashethemeve dhe shtypin rozë. Që përmbatja të ketë edhe peshë, nuk duhet zgjedhur rruga më e shkurtër për ardhje deri tek klikimi.
Kodeksi i gazetarëve obligon që :
“-Gazetari duhet të botojë informata të vërteta e të konfirmuara dhe nuk do të fshehë të dhëna esenciale ose të falsifikojë dokumente.
-Në qoftë se informata nuk mund të konfirmohet, ose nëse bëhet fjalë për supozim, respektivisht spekulim, kjo gjë duhet cekur dhe botuar.
-Saktësia e informatës duhet vërtetuar aq sa është e mundur”
INFOGRAPHIC
TRUTHFULNESS
nuk ka fakte
nuk mund të përcaktohet saktësia e pohimeve
nuk mund të përcaktohet vërtetësia e deklaratave
SOURCES OF INFORMATION
ka burime të evidentuara
jozyrtare
jorelevante
1 burim
EXTENSIVENESS
jogjithëpërfshirës
Shtrembëron informata
BIAS
pjesërisht e paraqet të vërtetën
ka shtrembërim të së vërtetës (spin)
nuk mund të përcaktohet
është i njëanshëm
anshmëri politike
COMMENTING
ka elemente të komentimit
të integruara me faktet
PLAGIARISM
kopje të plotë
nuk është theksuar autori
TITLE QUALITY
nuk informon
jokreativ
senzacionalist
joadekuat
tendencioz
PHOTOGRAPH
ka
adekuate
është theksuar autori (burimi)
HATE SPEECH
EDITED FOR THE WEB
mesatarisht i lexueshëm
elemente jokualitative multimediale
nuk ka linke kontekstuale
pjesërisht i rregulluar në aspekt stilistik
i palidhur me tag-e