Të frikësohesh nga njëanshmëria
Published in Recensione
on 25 - 01 - 2016 Author: Ferikan Iljazi
[A po frikësohet LSDM-ja nga humbja në zgjedhje?]
Fushata parazgjedhore jozyrtarisht tashmë një kohë të gjatë ka filluar. Me fillimin e fushatës, si dhe me ndikimin e krizës politike, në sipërfaqe dalin edhe një mori lajmesh dhe kundër-lajmesh siç është bërë praktikë tashmë në vendin tonë. Dukuri më e shpeshtë megjithatë mbetet konfrontimi në baza të orientimit politik nëpërmjet teksteve të mbushura përplot komente, dhe pa fakte që vetëm degradojnë profesionin e gazetarisë.
Linku deri te artikulli origjinal:A po frikësohet LSDM-ja nga humbja në zgjedhje?
Data dhe koha e publikimit: 17.01.2016
Data e recensionit: 20.01.2015
Recensuese: Ferikan Iljazi
Shumica e lajmeve që publikohen nga disa portale shihet të sulmojnë më shumë partinë më të madhe maqedonase në opozitë, se sa ato shqiptare. Shembull i tillë është ky lajm të cilin po e recensojmë. Në këtë tekst merret roli i guardianit të VMRO-DPMNE-së pasi që shkruan tekstet në stilin e tyre të pres konferencave dhe të deklaratave të zyrtarëve të saj që gjithmonë përdorin të njëjtin konstruksion të fjalisë “Opozita po ikë nga zgjedhjet…Zaev po ikë nga zgjedhjet…LSDM-ja po ikë nga zgjedhjet”
“Opozita po ikë nga përballja me popullin, lideri i saj kërkoi zgjedhje, mori garanci prej euro komisarit Han dhe nga KSHZ se mund të mbahen zgjidhje të lira dhe demokratike, por përsëri kërkuan shtyrjen e saj”
Stili i të shkruarit i ngjashem me fjalimet publike të VMRO-së, vjen në shprehje edhe tek ky paragraf.
“Zoran Zaev disa herë po i ndërron qëndrimet, po jep deklarata kontroverse dhe po e shkel fjalën dhe nënshkrimin e vendosur në Përzhino”
Këto fjali ngjasojnë në një fushatë masive kundër LSDM-së. “Zaevi po i ndërron qëndrimet…, Zaevi jep deklarata kontrovese…, Zaev shkeli marrëveshjen e Përzhinos…”.
Me lehtësi të paparë jepen edhe vlerësrime dhe komente për individë të caktuar publik.
“Se LSDM-ja po ikë nga zgjedhjet vërtetuan edhe eksponentët e tyre medial, Branko Trickovski në shkrimin e tij të fundit të publikuar në ‘Slloboden Pecat’ e pranoi se partia opozitare mund të fitoje vetëm në zgjedhje të kurdisura. Zgjedhjet kanë kuptim vetëm nëse nuk janë të pastra në mënyrë kristale, gjegjësisht nëse janë të kurdisura në dobi të betejës kundër të keqes:, shkruan Trickovski”
“Branko Geroski përveç që publikisht kërkoi shtyrjen e zgjedhjeve, thirri edhe në protesta për të mos pasur protesta”
Në këtë periudhë të brishtë politike e shoqërore gjëja më e lehtë që mund të bëjnë gazetarët është ta ruajnë profesionalizmin. Ndoshta nuk do të ishte gjëja më e lehtë në këto kushte, por megjithatë do të ishte gjëja më fisnike. Në gazetari ekzistojnë hapa shumë të thjeshtë dhe të qartë se si të ruhet dhe kultivohet profesionalizmi. Këto hapa ekzistojnë si në Kodeksin e Gazetarëve të Maqedonisë, ashtu edhe në cilindo vend të botës. Duhet shkruar vetëm mbi fakte. Gazetarët duhet të jenë të paanshëm. Duhet të flasin me fakte. Dhe së fundmi, të mos shkruajnë me “porosi” pasi që kjo jo vetëm se do të e njollosë emrin e gazetarit, dhe kredibiltetin si njerëz, por do të ndikojë keq në median në të cilën punojnë.
Efekt i një gazetarie të tillë , të shkruara me stile komentimi, nuk përjashton mundësinë të “marrin në qafë” edhe kolegët dhe mediat e tjera të pavarura dhe profesionale.
INFOGRAPHIC
TRUTHFULNESS
nuk ka fakte
nuk mund të përcaktohet saktësia e pohimeve
nuk mund të përcaktohet vërtetësia e deklaratave
SOURCES OF INFORMATION
nuk ka burime të evidentuara
1 burim
një palë
EXTENSIVENESS
jogjithëpërfshirës
ndoshta ka informata të fshehura
BIAS
pjesërisht e paraqet të vërtetën
ka shtrembërim të së vërtetës (spin)
nuk mund të përcaktohet
mban anën e një pale
anshmëri politike
COMMENTING
ka elemente të komentimit
të integruara me faktet
PLAGIARISM
vepër origjinale
nuk është theksuar autori
TITLE QUALITY
dezinformon
jokreativ
senzacionalist
joadekuat
tendencioz
PHOTOGRAPH
ka
adekuate
as manipulon as informon - është vënë vetëm si ilustrim
nuk është theksuar autori (burimi)
HATE SPEECH
nuk ka gjuhë ofenduese
nuk ka gjuhë të urrejtjes
nuk nxit për përdorimin e dhunës
nuk diskriminon
EDITED FOR THE WEB
mesatarisht i lexueshëm
elemente jokualitative multimediale
ka linke kontekstuale
pjesërisht i rregulluar në aspekt stilistik
i palidhur me tag-e