Tekst gazetaresk apo komunikatë partiake
Published in Recensione
on 21 - 06 - 2016 Author: Симона Атанасова[Recension: Janeva bën ndjekje politike kundër Gruevskit]
Duke e lexuar këtë tekst, në çdo moment prisni se diku shkruan komunikatë partiake. Mirëpo, edhe pse duket sikur është vepër e qendrës për komunikime, të VMRO-DPMNE-së, megjithatë bëhet fjalë për diçka që përpiqet të aktrojë artikullin gazetaresk.
Artikulli është komentues, krejtësisht i njëanshëm dhe ka qëllim manipulues. Sulmohet puna e prokurores speciale publike Katica Janeva, me ç’rast paraqiten teza të paargumentuara.
Linku deri te artikulli origjinal: Janeva bën ndjekje politike kundër Gruevskit
Data dhe koha e publikimit: 12.06.2016, 12:18
Data e recensionit: 18.06.2016
Recensues: Simona Atanasova
KUTE TË DYFISHTA
“Katica Janeva me konferenca teatrale dhe partiake për shtyp, pa prezantuar asnjë dëshmi, bën ndjekje politike kundër liderit të VMRO-DPMNE, Nikolla Gruevski dhe partisë në pushtet. Për shkak se nuk ka argumente dhe dëshmi, Janeva nuk erdhi në gjykatë ta mbrojë tezën e saj se Gruevskit duhet t’i merret pasaporta, por e dërgoi Burim Rushitin që ta mbrojë atë që nuk mund të mbrohet. Mirëpo, PSP-ja nuk ka asnjë dëshmi kundër Nikolla Gruevskit, vetëm dëshirë që kundër tij të zhvillojë luftë në emër të LSDM-së”.
Ky material hashiqare e mbron partinë në pushtet VMRO-DPMNE dhe liderin e saj, Nikolla Gruevski, e njëkohësisht pa asnjë dëshmi, e sulmon prokuroren speciale Janeva se mban konferenca teatrale për shtyp. Kjo nuk është e vërtetë, për shkak se prokurorja Fatime Fetai në konferencën për shtyp të mbajtur me 21 prill prezantoi një sërë dëshmish për rastin “TNT”, ndërsa nga Gjykata themelore Shkup 1 u kërkua t’i merret pasaporta Gruevskit.
Përveç kësaj, pa argumente thuhet se Janeva e ka dërguar prokurorin publik Burim Rustemi (mbiemri i të cili në këtë artikull është shënuar gabimisht si Rushiti), për shkak se nuk ka pasur dëshmi ta mbrojë tezën, edhe pse sipas Ligjit për PSP, ajo mund ta dërgojë cilin do qoftë prokuror nga ekipi i saj.
Në nenin 9, paragrafi 3 i Ligjit për prokurorinë publike për ndjekjen e veprave penale që janë të ndërlidhura dhe që dalin nga përmbajtja e ndjekjes së paligjshme të komunikimeve, thuhet se:
“Prokurorët publikë e këtij neni nuk kanë të drejtë të sjellin urdhëra dhe akuza, mirëpo kanë të drejtë ta përfaqësojnë prokurorin publik që udhëheq me Prokurorinë publike para gjykatës kompetente”.
PA DISTANCË PROFESIONALE
Gjatë gjithë tekstit gjerësisht tregohet se çka ka ndodhur në gjykatë, çka kanë thënë prokurorët, çka ka thënë mbrojtja. Mirëpo, në atë që është shkruar mungon vërtetimi se kjo me të vërtetë është kështu, se ndoshta, nuk bëhet fjalë për detaje të trilluara.
Në tekst shumë shpesh përdoret shprehja “siç marrim vesh”, mirëpo mungon informata se prej kujt merret vesh. Gazetari ka të drejtë ta mbrojë identitetin e burimit të tij, mirëpo duhet të ofrojë vërtetim minimal se burimi me të vërtetë ekziston. Pa një konfirmim të tillë, ajo që është shkruar nuk le përshtypje se është e saktë dhe e vërtetë dhe nuk e arrin besimin që duhet ta ketë publiku.
Për atë që është shkruar nuk ka as vërtetim nga persona zyrtarë nga gjykata, e as nga avokatët e mbrojtjes, e as që është kërkuar qëndrim nga prokurorët publikë të Prokurorisë speciale të publike.
Pastaj në tekst paraqitet edhe një situatë hipotetike shikuar nën dioprinë e partisë në pushtet.
“Paramendoni, VMRO-DPMNE-ja pa asnjë dëshmi të dorëzojë 10 padi penale kundër Zoran Zaevit, për vepra si p.sh. vrasje dhe vjedhje të rënda, dhe prokuroria të duhet të kërkojë masa të kujdesit pa asnjë dëshmi për shkak se: Dënimi potencial për këtë vepër penale është i larë, dhe ai mund të frikësohet dhe të ikë dhe se do të ketë edhe padi të tjera penale dhe kjo poashtu mund ta frikësojë dhe të ikë”.
Sipas Kodit të gazetarëve të Maqedonisë, në procedurat gjyqësore duhet të respektohet parimi i supozimit të pafajësisë, të raportohet për të gjitha palët e përfshira në kontest dhe të mos sugjerohet aktgjykimi, ndërsa gazetari duhet të sigurojë distancë profesionale nga subjektet politike.
Poashtu, Kodi parasheh që nëse informata nuk mund të konfirmohet (sikurse në rastin e artikullit të analizuar) ose nëse bëhet fjalë për supozim, gjegjësisht spekulim, kjo duhet të tregohet dhe të publikohet.
INFOGRAPHIC
TRUTHFULNESS
ka fakte
nuk mund të përcaktohet saktësia e pohimeve
nuk mund të përcaktohet vërtetësia e deklaratave
SOURCES OF INFORMATION
ka burime të evidentuara
zyrtare, anonime
nuk mund të përcaktohet
më tepër palë
EXTENSIVENESS
jogjithëpërfshirës
ndoshta ka informata të fshehura
BIAS
nuk mund të përcaktohet
ka shtrembërim të së vërtetës (spin)
nuk mund të përcaktohet
mban anën e një pale
anshmëri politike
COMMENTING
ka elemente të komentimit
të ndara nga faktet
PLAGIARISM
kopje të plotë
është theksuar autori, është theksuar burimi pa link
TITLE QUALITY
dezinformon
jokreativ
senzacionalist
joadekuat
tendencioz
PHOTOGRAPH
ka
adekuate
as manipulon as informon - është vënë vetëm si ilustrim
nuk është theksuar autori (burimi)
HATE SPEECH
nuk ka gjuhë ofenduese
nuk ka gjuhë të urrejtjes
nuk nxit për përdorimin e dhunës
nuk diskriminon
EDITED FOR THE WEB
mesatarisht i lexueshëm
nuk ka elemente multimediale
nuk ka linke kontekstuale
i parregulluar në aspekt stilistik
i lidhur me tag-e