Titulli intrigon, përmbajtja dëshpëron
Published in Recensione
on 13 - 12 - 2016 Author: Fatlume Dervishi[Recension: “Paraqiten “bomba” të reja për BDI-në, ja çka përmbajnë (Video)”]
Teksti fillon me një titull mashtrues, ku paralajmërohet diçka që nuk ofrohet në tekst. Kjo bëhet vetëm për të tërhequr vëmendjen e lexuesit dhe më shumë klikime, por në mënyrë profesionalisht të pandershme .
Linku deri te artikulli origjinal: “Paraqiten “bomba” të reja për BDI-në, ja çka përmbajnë (Video)”
Data e publikimit: 29.11.2016
Data e recensionit: 04.12.2016
Recension: Fatlume Dervishi
Çfarë paralajmëron titulli?
Ajo që e tërheq lexuesin që në titull është njoftimi për “bomba” të reja, gjegjësisht materiale të reja të përgjuara që komprometojnë një subjekt politik. Kujtesa automatikisht e dërgon lexuesin te përgjimet që bënë aq shumë bujë, madje që çuan në formimin e një prokurorie të veçantë që do të merret vetëm me ato, përshkak të materialeve që ata përmbajnë dhe që hapin dyshime për vepra penale nga funksionarët shtetërorë.
Çfarë ofron teksti?
Teksti, përveç që është i mbushur me komente e që është mangësia më evidente e tij, nuk mbështetet nga asnjë burim relevant. Shfrytëzimi i një burimi anonim, në këtë rast, nuk të krijon përshtypjen e të qënit i besueshëm. Ai përmend një aspekt shumë të ndjeshëm si “shkëmbimi i fjalëve jo të mira për familjarët e dëshmorëve dhe invalidëve të luftës” në këto përgjime të reja.
Pretendime kontraverse
Përmbajtja fiillon me pretendimin se “Në rrjetet sociale janë paraqitur bomba të reja të cilat kanë shkaktuar “tërmet” të vërtetë në degët e BDI-së në Kumanovë e Likovë” por më tej bën të ditur se autori nuk i ka dëgjuar vetë përgjimet, nuk ka njohuri nëse ato janë publikuar diku (në rrjetet sociale) dhe nuk di me siguri nëse publiku i ka dëgjuar (pavarësisht se në fillim pretendon për një “tërmet” të shkaktuar nga ato).
“Ata (burimet) thonë se tek “bombat” më të reja, dy udhëheqës të lartë të BDI-së dëgjohen duke u tallur me kuadrot e propozuara nga degët e kurse fjalë jo të mira shkëmbejnë edhe për familjarë të dëshmorëve dhe invalidëve të luftës. Këto burime kanë refuzuar të na tregojnë nëse “bombat” janë publikuar në “facebook” ose në “youtube”, por thonë se me të madhe po dëgjohen në rajonin e Likovës dhe Kumanovës. Për këtë arsye, në prag të zgjedhjeve priten ikje të reja nga BDI-ja në Kumanovë e Likovë.“
Ky burim, nëse do të ishte serioz, do t’i siguronte medias këto materiale të përgjuara ose të paktën do t’i tregonte se ku mund t’i gjente ato. Ky do të ishte fakti dhe ky do të ishte lajmi. Pa pasur as dëshminë më të vogël për atë që thotë, ky burim (nëse vërtetë ekziston) as nuk do të duhej të ishte marrë parasysh nga një gazetar profesionist. Video regjistrimi që paralajmërohet në titull, është në fakt një nga përgjimet tashmë të dëgjuara .
“Në pamundësi për të publikuar “bombat” e reja, ju sjellim edhe njëherë bombën numër 38.”
-
Nëse gazetari vlerëson se informacioni i paprovuar është me interes publik, është i obliguar ta publikojë, por duke saktësuar se bëhet fjalë për informacion të pakonfirmuar.
-
Gazetari mund të publikojë diçka për të cilën nuk ka edhe aq dëshmi, por për të cilën ka mjaft indikacione se është i vërtetet, respektivisht diçka për të cilën ekziston dyshim i bazuar. Dyshimi i bazuar nënkupton prezentimin e argumenteve që janë të arsyeshëm dhe që janë indikacion se diçka është e vërtet, pa pasur dëshmi konkrete për vërtetësinë.
Në tekst mund të shfrytëzoheshin edhe forma të tjera të verfikimit të informacionit të marrë, të kërkoheshin burime nga vendbanimet e përmendura, të kërkohej një qëndrim zyrtar i subjektit që përmendet dhe t’i sigurohej publikut një informacion që nuk do të ishte tendencioz, por gjithëpërfshirës dhe me fakte të besueshme.
INFOGRAPHIC
TRUTHFULNESS
nuk ka fakte
nuk mund të përcaktohet saktësia e pohimeve
nuk mund të përcaktohet vërtetësia e deklaratave
SOURCES OF INFORMATION
ka burime të evidentuara
anonime
nuk mund të përcaktohet
një palë
EXTENSIVENESS
jogjithëpërfshirës
ndoshta ka informata të fshehura
BIAS
nuk mund të përcaktohet
nuk mund të përcaktohet
nuk mund të përcaktohet
është i njëanshëm
anshmëri politike
COMMENTING
ka elemente të komentimit
të integruara me faktet
PLAGIARISM
nuk mund të përcaktohet
TITLE QUALITY
dezinformon
jokreativ
senzacionalist
joadekuat
tendencioz
PHOTOGRAPH
ka
joadekuate
as manipulon as informon - është vënë vetëm si ilustrim
nuk është theksuar autori (burimi)
HATE SPEECH
nuk ka gjuhë ofenduese
nuk ka gjuhë të urrejtjes
nuk nxit për përdorimin e dhunës
nuk diskriminon
EDITED FOR THE WEB
mesatarisht i lexueshëm
nuk ka elemente multimediale
nuk ka linke kontekstuale
i parregulluar në aspekt stilistik
i palidhur me tag-e