Tre gabime në një titull
Published in Recensione
on 12 - 04 - 2016 Author: Fatlume Dervishi
[Recension: “Thaçi bëhet burrë, nuk shkon në zgjedhjet e 5 qershorit të cilët tenton ti falsifikon Gruevski?!”]
Me një retorikë populiste dhe patriotike, tentohet që më lehtë të arrihet te lexuesi. Përderisa nuk respektohen standardet, kjo nuk është e këshillueshme për lajme, sepse, tek e fundit, kjo formë e të shprehurit është tejet subjektive.
Linku deri te artikulli origjinal: “Thaçi bëhet burrë, nuk shkon në zgjedhjet e 5 qershorit të cilët tenton ti falsifikon Gruevski?!”
Data dhe koha e publikimit: 05.04.2016
Data e recensionit: 07.04.2016
Recensues: Fatlume Dervishi
“Thaçi bëhet burrë…” thotë pjesa e parë e titullit. Kjo është një shprehje e përditshme, një simbolikë që nuk i shkon një lajmi, sepse e shikuar nga këndvështrimi objektiv që duhet të ketë një lajm, është mjaftë kontradiktore dhe e palogjikshme.
Më tej, autori pretendon se kryetari i opozitës shqiptare, Thaçi dhe partia e tij, nuk do të garojë në zgjedhjet e 5 qershorit. Një pohim të këtillë (të paktën në mënyrë aq të prerë si e prezanton autori) nuk e gjejmë në deklaratë. Në asnjë moment të deklaratës që pasqyrohet, Thaçi nuk ka thënë një gjë të këtillë por gjithçka është nën opsionin “nëse”. Madje edhe deri në momentin që ky recension po shkruhet, PDSH-ja nuk ka mohuar pjesëmarrjen në zgjedhje.
Në titull, vendoset theksi edhe te Gruevski si falsifikator i zgjedhjeve dhe autori len të kuptohet që këtë e ka thënë vetë Thaçi si arsye e “mospjesëmarrjes” së partisë së tij në zgjedhje. As kjo akuzë, nuk është pjesë e citatit të Thaçit që është zbardhur.
“Në takim me mikun Kristian Danielson diskutuam shumë çështje. Për ta tejkaluar krizën duhet zgjedhje fer dhe demokratike. Duhet të punojnë edhe partitë politike edhe institucionet që të përmbushen kushtet. Unë nuk do të përmendi datë. Për datën e 5 qershorit ne kemi qenë të përmbajtur. Për çfarëdo date duhet të krijohen kushte fer dhe demokratike, në të kundërtën gjithçka rrënohet. Kështu është shprehur kreu i PDSH, Menduh Thaçi pas takimit me drejtorin e Drejtorisë për zgjerim në Komisionin Evropian, Kristian Danielson i cili sot po qëndron në Shkup.”
Me shumë gjasë, në fund lexuesi mbetet konfuz nga ajo që lexon në titull dhe ajo që lexon në tekst. Mes këtyre të dyjave, nuk ka aspak harmoni dhe lindin dyshime serioze se titulli është shpikje apo vlerësim personal i autorit, i cili ka treguar papërgjegjshmëri gjatë raportimit, akt ky i cili sanksionohet sipas rregullave profesionale.
Locimi i gabuar i burimeve ose shpikja e burimeve për të prezentuar informacione të pasakta, të gjymta dhe jo sa duhet të provuara, trajtohet si shkelje e rëndë e standardeve profesionale. – shkruan në Kodin Etik të Gazetarëve të Maqedonisë.
INFOGRAPHIC
TRUTHFULNESS
nuk ka fakte
pohimet jo të sakta
deklarata jo të vërteta
SOURCES OF INFORMATION
ka burime të evidentuara
zyrtare
relevante,
1 burim
një palë
EXTENSIVENESS
jogjithëpërfshirës
informata të fshehura
BIAS
pjesërisht e paraqet të vërtetën
ka shtrembërim të së vërtetës (spin)
informata të rrejshme
mban anën e një pale
anshmëri politike
COMMENTING
ka elemente të komentimit
të integruara me faktet
PLAGIARISM
nuk mund të përcaktohet
nuk është theksuar autori
TITLE QUALITY
dezinformon
jokreativ
senzacionalist
joadekuat
tendencioz
PHOTOGRAPH
ka
adekuate
as manipulon as informon - është vënë vetëm si ilustrim
nuk është theksuar autori (burimi)
HATE SPEECH
nuk ka gjuhë ofenduese
nuk ka gjuhë të urrejtjes
nuk nxit për përdorimin e dhunës
nuk diskriminon
EDITED FOR THE WEB
mesatarisht i lexueshëm
nuk ka elemente multimediale
nuk ka linke kontekstuale
pjesërisht i rregulluar në aspekt stilistik
i palidhur me tag-e