Bindjet e gazetarit nuk kanë rëndësi në një lajm
Published in Recensione
on 13 - 08 - 2015 Author: Benjamin Arifi[Recension: Fytyrat e rrezitura të reformistëve kundrejt çizmeve të Teutës]
Gjatë përpilimit të lajmit, gazetari duhet të shmangë skajshmërisht komentet dhe bindjet e tij politike. Teksti që po i bëhet recension, ka shumë elemente të komentit dhe opinionit, ndërsa pak elemente lajmi.
Linku deri te artikulli origjinal: Fytyrat e rrezitura të reformistëve kundrejt çizmeve të Teutës
Data dhe koha e publikimit: 10.08.2015
Data e recensionit: 11.08.2015
Recensues: Benjamin Arifi
Analizuar për nga aspekti përmbajtësor, teksti duket politikisht tendencioz dhe i njëanshëm. Nuk ka mundësi që të kenë përgjegjësi të njëjtë politike një funksionar i lartë, në këtë rast kryetar komune, dhe një pjesëtar i një partie të re opozitare jo-parlamentare. Veprimi institucional është detyrë e funksionarëve, ndërsa mendimi kritik duhet drejtuar kryesisht ndaj atyre që kanë në dorë mekanizmat dhe institucionet shtetërore.
Edhe pse teksti sjell reagimin e sekretarit të LR-PDSH-së Arben Taravari, vërehet një tentim për delegjitimimin e Taravarit për adresimin e kritikave ndaj kreut të Komunës së Tetovës, Teuta Arifit. Arsyeja që sipas gazetarit i merr Taravarit të drejtën e kritikës është pushimi i tij i verës! Kjo potencohet në dy paragrafe të tekstit:
Sekretari i Lëvizjes për Reforma të PDSH-së Arben Taravari, pasi u kthye nga turneu i shëtitjeve nëpër metropolet e Evropës dhe rrezitjeve nëpër plazhe me ten të nxirë iu ul Fejsbukut për të kritikuar Teuta Arifin për menaxhimin me pasojat e vërshimeve.
Por, teni i rrezitur i Taravarit dhe çizmet e gomës të Teuta Arifit janë kontrasti më i mirë që reflekton dallimin mes atyre që politikën e shohin si shitje mend nëpër Fejsbuk dhe pres konferenca dhe atyre që politikën e kanë kuptuar si detyrë nga qytetari për të zgjidhur problemet e tyre.
Gazetari përmend fakte të parëndësishme, si pushimi veror i anëtarit të LR-PDSH-së në një tekst që ka të bëjë me diçka krejt tjetër. Pushimi është çështje irelevante në veprimin politik të politikanëve. Në këtë rast, fakti që Taravari, me profesion mjek, ka shfrytëzuar të drejtën e tij të pushimit, nuk i merr atij të drejtën që në cilësinë e politikanit ose qytetarit të kërkojë përgjegjësi nga funskionarët që kanë në dorë pushtetin.
Gjatë shkrimit të lajmit, gazetari duhet të udhëhiqet vetëm nga parimet profesionale dhe normat etike gazetareske, dhe jo nga tendencat dhe preferencat politike.
INFOGRAPHIC
TRUTHFULNESS
nuk ka fakte
nuk mund të përcaktohet saktësia e pohimeve
:
SOURCES OF INFORMATION
1 burim
një palë
EXTENSIVENESS
jogjithëpërfshirës
ndoshta ka informata të fshehura
BIAS
pjesërisht e paraqet të vërtetën
nuk mund të përcaktohet
nuk ka informata të rrejshme
mban anën e një pale
anshmëri politike
COMMENTING
ka elemente të komentimit
të integruara me faktet
PLAGIARISM
vepër origjinale
TITLE QUALITY
nuk informon
jokreativ
senzacionalist
joadekuat
tendencioz
PHOTOGRAPH
ka
adekuate
as manipulon as informon - është vënë vetëm si ilustrim
HATE SPEECH
nuk ka gjuhë ofenduese
nuk ka gjuhë të urrejtjes
nuk nxit për përdorimin e dhunës
nuk diskriminon
EDITED FOR THE WEB
nuk aplikohet
ka linke kontekstuale
i rregulluar në aspekt stilistik
i lidhur me tag-e